ខេត្តបន្ទាយមានជ័យ បុរស់ម្នាក់ទើបតែមកពីប្រទេសថៃបានបបួលមិត្តភក្រ័ផឹកសីុឡើងស្រវឹងហើយដើរលេងពេលយប់បានបើកម៉ូតូទៅបុកនិងបង្គោស្លាកសញ្ញាបង្ហាញផ្លូវបាក់កស្លាប់យ៉ាងអាណោចអាធម៌នៅនិងកន្លែងកើតហេតុ។ហេតុការណ៍គ្រោះថ្នាក់ចរាចរនេះកើតឡើងនៅវេលាម៉ោង៤ទាបភ្លឺថ្ងៃទី១១ខែតុលាឆ្នាំ២០១៤នៅចំណុចផ្លូវកោងភូមិភ្នំធំឃុំអូប្រាសាទស្រុកមង្គលបូរីខេត្តបន្ទាយមានជ័យ។
លោកវរះសេនីយ៍ត្រីយ៉តសុផល អធិការនគបាលស្រុកមង្គលបូរីបានប្រាប់ឲ្យដឹងថា ជនរងគ្រោះមានឈ្មោះមិនសារ៉ូភេទប្រុសអាយុ១៩ឆ្នាំរស់នៅភូមិនិគមន៍ឃុំជ្រោយស្តៅស្រុកថ្មគោលខេត្តបាត់ដំបង។លោកយ៉តសុផលបានបញ្ជាក់ថាមុនពេលកើតហេតុបើតាមការអអាងរបស់ក្រុមគ្រួសារបាននិយាយថាជនរងគ្រោះទើបតែវិលត្រឡប់មកពីប្រទេសថៃមិនបានប៉ុន្មានថ្ងៃផងនៅយប់កើតហេតុនោះជនរងគ្រោះបាននាំបបួលមិត្តភក្រ័ផឹកស្រាឡើងស្រវឹងរៀងខ្លួនហើក៏បានបន្តដើរលេងពេញមួយយប់លុះដល់យប់ជ្រៅមិត្តភ័ក្រក៏បានចូលដេកលង់លក់អស់នៅតែជនរងគ្រោះម្នាក់ឯងក៏ដើរលេងបន្តទៀត។
ក្រុមគ្រួសារបាននិយាបញ្ជាក់បន្តថាដោយសារតែជនរងគ្រោះទៅរស់នៅថៃយូរពេកមិនមានពេលបានដើរលេងទើបមកដល់ស្រុកខ្មែរដើរលេងពេលយប់មិនចេះឆ្អែតលុះថ្ងៃកើតហេតុក្រោយពេលដែលបែកពីមិត្តភ័ក្រក៏ជិះម៉ូតូទាំងយប់បន្តទៀតដោយសារតែអំណាចស្រាចូលពោះក៏ជិះម៉ូតូរេពេញថ្នល់ជាតិក៏ជ្រុលចង្កូតទៅបុកនិងបង្គោលភ្លើងបង្ហាញផ្លាកសញ្ញាតាមផ្លូវបាក់កស្លាប់មួយរំពេច។
ម៉ូតូដែលជនរងគ្រោះជិះគឺម៉ាកហុងដាសេ១២៥ឆ្នាំ២០១៤ព៌ណខ្មៅគ្មានស្លាកលេខក្រោយពេលកើតហេតុរួចនគបាលចរាចរមកដល់រួចធ្វើកំណត់ហេតុទើបដឹងថាជនរងគ្រោះពិតជាស្លាប់ដោយបាក់កពិតប្រាកដមិនមែនជាអំពើឃាតកម្មនោះទេ។សពត្រូវបាននគបាលចរាចរប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីនៅផ្ទះសពផងដែរ៕