ក្រោយពេលមានការប៉ះទង្គិចគ្នារវាង ក្រុមប៉ូលិសនឹងក្រុមបាតុករនៅក្នុងយុទ្ធ នាការបោសសម្អាតក្រុមបាតុករពីរដ្ឋាភិបាលហុងកុងបានធ្វើឱ្យរូបភាពហុងកុង ដែលធ្លាប់តែភ្លឺចិញ្ចែងប្រែទៅជាស្អាប់ និងធ្វើឱ្យសេដ្ឋកិច្ចប្រទេសនេះរងការខាត បង់យ៉ាងធំធេង ។
សារព័ត៌មានចិនបានចោទប្រកាន់ ក្រុមបាតុករថាបានធ្វើឱ្យស្ថានភាពកាន់ តែអាក្រក់ទៅ ។ សារព័ត៌មានចិនបាន អំពាវនាវដល់ពលរដ្ឋដែលស្រឡាញ់កោះ ហុងកុងសូមថ្កោលទោសដល់ក្រុមបាតុ ករដែលធ្វើឱ្យរូបភាពកោះហុងកុងរងផល ប៉ះពាល់ និងអសន្ដិសុខកើតឡើងនៅ ទីនេះ ។
សារព័ត៌មានចិនបានស្ញើចសរសើរ ដល់ប៉ូលិសកោះហុងកុងដែលតស៊ូប្រឆាំង នឹងក្រុមតូចមួយបង្កឱ្យមានភាពចលាចល ក្នុងសង្គម ។ ក្រុមអ្នកឯកទេសសេដ្ឋកិច្ច បានវាយតម្លៃថា ការធ្វើបាតុកម្មធ្វើឱ្យ ហុងកុងត្រូវខាតបង់ប្រមាណ ៣៥០ពាន់ លានដុល្លារហុងកុង ។ កន្លងមកចិនក៏ បានថ្កោលទោសដល់អាមេរិកនិងអង់គ្លេស ដែលបានជ្រៀតជ្រែកចូលក្នុងវិវាទកោះហុងកុង ធ្វើឱ្យស្ថានភាពកាន់តែអាក្រក់ ថែមទៀត ។ រដ្ឋាភិបាលទីក្រុងប៉េកាំង បានអំពាវនាវឱ្យប្រទេសអង់គ្លេសបញ្ឈប់ ការលូកលាន់កិច្ចការផ្ទៃក្នុងនៅកោះហុង កុង ។
លោក ហុង លី អ្នកនាំពាក្យក្រសួង ការបរទេសចិនបានប្រកាសនៅក្នុងសន្និ សីទកាសែតកាលពីថ្ងៃទី១៥ ខែតុលាថា កិច្ចការរបស់ហុងកុងជារឿងផ្ទៃក្នុងរបស់ ចិន សូមប្រទេសដទៃទៀតកុំជ្រៀតជ្រែក។
ការប្រកាសរបស់លោក ហុង លី គឺ ជាការឆ្លើយតបទៅនឹងសេចក្ដីថ្លែងការណ៍ មួយនៅក្នុងសភាអង់គ្លេស ដែលបាន លើកឡើងពីវិបត្ដិនៅក្នុងកោះហុងកុង ។
សារព័ត៌មានស៊ីនហួក៏បានដកស្រង់ សម្ដីអ្នកនាំពាក្យរបស់រដ្ឋាភិបាលចិនបាន បញ្ជាក់ថា គ្មានប្រទេសណាមួយឬបុគ្គល ណាមួយមានសិទ្ធិលូកលាន់ជ្រៀតជ្រែក កិច្ចការផ្ទៃក្នុងរបស់ចិននោះឡើយ ។ នយោបាយដឹកនាំនៅកោះហុងកុងត្រូវ តែមានការកែទម្រង់ជាចាំបាច់ សម ស្របទៅនឹងគោលនយោបាយដឹកនាំរបស់ រដ្ឋាភិបាលទីក្រុងប៉េកាំង ។
