សៀមរាបៈ ទីតាំងជល់មាន់ដ៏ធំ កើតមានរាប់ឆ្នាំមកហើយ ដែលទីតាំងនោះស្ថិតក្នុងអតីតយោធភូមិភាគទី៤ ត្រូវបានកំលាំងសមត្ថកិច្ចចំរុះ ចេញប្រតិបត្តិការបង្ក្រាបដោយដកហូតបានវត្ថុតាងមួយចំនួន ។ ប្រតិបត្តិការបង្ក្រាបកន្លែងជល់មាន់នៅក្នុងទី តាំងភូមិភាគ៤នេះធ្វើឡើងនៅម៉ោង១៥និង
៣០នាទីថ្ងៃទី៣០ខែតុលាឆ្នាំ២០១៤ ដែលទីនោះ ស្ថិតនៅមិនឆ្ងាយប៉ុន្មានពីមុខប្រាសាទអង្គរវត្ត ក្នុងសង្កាត់គោកចក ក្រុងសៀមរាប។
ប្រតិបត្តិការនោះ សមត្ថកិច្ចបានរៀបចំកំលាំងតាំងពីព្រឹកដើម្បីចេញបង្ក្រាប ប៉ុន្តែនៅ ល្ងាចថ្ងៃដដែលបានអនុវត្តដោយប្រើប្រាស់កំលាំងនគរបាលសរុបចំនួន២០នាក់ ក្នុងនោះ១០នាក់ មកពីអធិការក្រុងសៀមរាប និង១០នាក់ទៀតមកពីការិយាល័យនគរបាលព្រហ្មទណ្ឌ កំរិតស្រាលខេត្តសៀមរាប។ សមត្ថកិច្ចបានអះអាងថា ដោយសារមានការរៀបចំកំលាំងយូពេកទើបធ្វើឲ្យអ្នកលេងជល់មាន់ បែកសំបុក នៅពេលសមត្ថកិច្ចទៅដល់ រត់បាតជើងសព្រាត។ ទោះបីជាយ៉ាងណាក៏ដោយ លោកអនុសេនីយ៏ឯក នួន សក្កិចំរើនរិទ្ធ បាននិយាយថា ក្នុ ងប្រតិបត្តិការនោះ សមត្ថកិច្ចឃាត់រថយន្តបានចំនួន១គ្រឿង ម៉ូតូទំនើបៗចំនួនជាង២០គ្រឿង ទ្រង់មាន់ធ្វើពីដែកបានចំនួន២៥ កៅស៊ូតង់ធំៗចំនួន២ ដែលសមត្ថកិច្ចអះអាងថា កៅស៊ូតង់នេះបា នរុះរើពីសង្វៀនជល់មាន់ ចំនួន២វង់នៅកន្លែងកើតហេតុ។
លោកអនុសេនីយ៏ឯក នួន សក្កិចំរើនរិទ្ធ បានបញ្ជាក់ទៀតថា មនុស្សទាំងអស់បានរត់រួច ម៉ូតូរាប់សិបគ្រឿងនិងរថយន្តជាច្រើនគ្រឿង ត្រូវបានអ្នកមកជល់មាន់យកចេញអស់មុនពេលសមត្ថកិច្ចទៅដល់ ។ក្រៅពីនោះមានមាន់ជល់ចំនួន៧ក្បាលត្រូវបានដកហូត ប៉ុន្តែកូនអ្នកធំម្នាក់ដែលគេស្គា ល់ល្បីពេញខេត្តសៀមរាបដែលរកស៊ីខុសច្បាប់កន្លងមក ហើយមកឆក់យកពីដៃសមត្ថកិច្ចទៅវិញអស់ចំនួន៣ក្បាល គឺនៅសល់តែ៤ក្បាលប៉ុណ្ណោះ។ក្រុមសមត្ថកិច្ចក៏ដូចជាប្រជាពលរដ្ឋបាននិយាយថា ទីតាំងនេះកើតមានរាប់ឆ្នាំ មិនខ្លាចច្បាប់ ឡើយព្រោះថា ជារបស់កូនអ្នកធំ ហើយអ្នកលេងក៏គេសប្បាយចិត្តបានម្ចាស់សង្វៀនជាអ្នកមានឥ ទ្ធិពល ពួកគេក៏អង្គុយលេងភ្នាល់មាន់បានយ៉ាងស្រួលរាប់ឆ្នាំរហូតមក។
ទីតាំងជល់មាន់នោះត្រូវបានគេនិយាយថា រាប់ឆ្នាំមកហើយនោះបានដាក់ខែដល់សមត្ថកិច្ច មួយចំនួនផងដែរ។ជាមួយនោះក៏មានដាក់ខែដល់អ្នកកាសែត ទូរទស្សន៏ប្រចាំខេត្តមួយចំនួនទៀត ផង។ ប្រជាពលរដ្ឋបាននិយាយថា ការបើកកន្លែងជល់មាន់រាប់ឆ្នាំមកនេះ គឺធ្វើអោយខេត្តសៀមរា បតាំងពីមុនរហូតមកដល់ពេលនេះបានកើតមានចោរឆក់ ចោរប្លន់ម៉ូតូ កាច់សោរកយកម៉ូតូ រាប់ករណី ក្នុងមួយខែៗដោយសារការចាញ់ល្បែងជល់មាន់,បៀ,អាប៉ោង,កន្ទុយលេខជាដើម ដែលគេសង្កេតឃើញមានបើកឲ្យលេងយ៉ាងរលួន៕
