មេប៉ុស្តិ៍នគរបាលរដ្ឋបាលឃុំក្រង់តេះ នៅឃុំក្រង់តេះ ប្រមាណ១០០គ្រួសារ បាននាំគ្នាផ្តិតមេដៃ ប្ដឹងមេប៉ុស្តិ៍ នគរបាលរដ្ឋបាល ឃុំក្រង់តេះ អោយចុះចេញពីតំណែង ដោយចោទប្រកាន់ នាយប៉ុស្គិ៍ថា ជាប់ពាក់ព័ន្ធ នឹងបទល្មើសព្រៃឈើ កាប់បំផ្លាញព្រៃ ក្នុងសហគមន៍ពួកគាត់ ។
តំណាងប្រជាសហគមន៍ ក្នុងឃុំក្រង់តេះ បានយកពាក្យបណ្តឹង នឹងស្នាមមេដៃ ជាង១០០គ្រួសារ ដើម្បីប្តឹងលោក យឹម បាន មេប៉ុស្តិ៍រដ្ឋបាលឃុំក្រង់តេះ កាលពីព្រឹកថ្ងៃទី២៩ ខែតុលា ឆ្នាំ២០១៤ ដោយចោទប្រកាន់ពីបទជាប់ព័ន្ធ នឹងប្រព្រឹត្តបទល្មើសកាប់បំផ្លាញព្រៃឈើ អនាធិបតេយ្យ ក្នុងដីសហគមន៍ នៅចំណុចអូរនិល ខាងកើតភូមិក្រង់តេះ ហើយបានកាត់ជ្រៀកជ្រលង់ម្រេច រាប់ពាន់ដើម កាលពីថ្ងៃទី៩ ខែតុលា ឆ្នាំ២០១៤ថ្មីៗនេះ ។
គោលបំណងរបស់ប្រជាសហគមន៍ រស់នៅឃុំក្រង់តេះ ទាមទារផ្លាស់ប្តូលោក យឹម បាន នាយប៉ុស្គិ៍រដ្ឋបាលក្រង់តេះ ព្រោះនាពេលកន្លងមក ពួកគាត់អះអាងថា លោក យឹម បាន ធ្លាប់មានប្រវត្តិពាក់ព័ន្ធបទល្មើសព្រៃឈើ ជាច្រើនករណីផងដែរ នឹងជាមេឈ្មួញរកស៊ីឈើប្រណិតផងដែរ ។
លោក យឹម បាន មេប៉ុស្តិ៍រដ្ឋបាលក្រង់តេះ បានអោយដឹងថា រូបលោកមិនបានជាប់ពាក់ព័ន្ធ នឹងបទល្មើសព្រៃឈើ ដូចការចោទប្រកាន់នោះទេ ពួកគាត់ចង់ប្តឹងដល់ណា ក៏ប្តឹងទៅ ចំណែកជ្រលង់ម្រេច គឺគាត់ទិញពីបងប្អូនជនជាតិភាគតិច ។ជុំវិញព័ត៌មានខាងលើ លោក ត្រេក ស៊ីផុន មេឃុំក្រង់តេះ បានបញ្ជាក់ថា លោកទទួលបានពាក្យបណ្តឹងពីប្រជាហគមន៍មែន កាលពីថ្ងៃទី៣០ ខែតុលា ឆ្នាំ២០១៤ ហើយគាត់ក៏សុំធ្វើការសម្របសម្រួលគ្នា ថ្នាក់មូលដ្ឋានដែរ តែក្រុមពលរដ្ឋមិនព្រម លោកក៏បញ្ជូនពាក្យបណ្ដឹង ទៅស្រុកពេជ្រាដា ដើម្បីធ្វើការដោះ ស្រាយបន្ត ៕