ការសិក្សា គឺជារឿងសំខាន់បំផុត សម្រាប់មនុស្សគ្រប់រូប ព្រោះថាចំណេះ ដឹងដែលបានមកពីការសិក្សា ទាំងនៅសាលារដ្ឋ និងឯកជន គឺជាមូលដ្ឋានជីវិត ហើយក៏ធ្នាក់ដឹកនាំ ជីវិតអ្នកទៅរកសេចក្តី សុខ ដោយសារតែវា ។ ក៏ប៉ុន្តែ អ្វីដែលសំខាន់ យើងមានឆ្ងល់ទេថា ធ្វើដូចម្តេច ទើបអាច
ក្លាយជាសិស្សពូកែ ប្រចាំថ្នាក់ទៅ ?នៅខាងក្រោមនេះដែរ គឺជាយុទ្ធសាស្ត្រខ្លះៗ ដែលអាចជួយសម្រួល ដល់សេចក្តីប៉ងប្រាថ្នារបស់សិស្សានុសិស្ស ដែលចង់ក្លាយទៅជាសិស្សពូកែ ប្រចាំថ្នាក់ ៖១. ការយកចិត្តទុកដាក់សិក្សានៅក្នុងថ្នាក់ ៖ ប្រសិនបើអ្នកធ្វើមិនបាន អ្នកអាចនឹងមិនយល់ពីអ្វី ដែលគ្រូបានបង្រៀនអ្នកនៅក្នុងថ្នាក់ នោះទេ ។
ចំណុចសំខាន់កុំនិយាយឆ្លងឆ្លើយជាមួយនឹងមិត្តភក្តិ ក្នុងម៉ោងសិក្សា ។បញ្ឈប់អារម្មណ៍រវើរវាយ ដែលធ្វើឲ្យប៉ះពាល់ដល់អារម្មណ៍ផ្តោតការសិក្សារបស់អ្នក ។២.រៀបចំខ្លួន ប្រដាប់ប្រដាសិក្សា និងញ៉ាំអាហារពីផ្ទះឲ្យរួចរាល់ ៖ ការបរិភោគអាហារពេលព្រឹក របស់អ្នក គឺជារឿងដ៏សំខាន់ ដែលអ្នកត្រូវធ្វើមុនចាកចេញពីផ្ទះ។
ត្រូវប្រាកដថា សៀវភៅដែលអ្នកត្រូវការ គឺស្ថិតនៅក្នុងសំពាយរបស់អ្នក ។៣. សេចក្តីណែនាំ ៖ ប្រសិនបើអ្នកធ្វើតាមសេចក្តីណែនាំ របស់គ្រូ ដែលបានផ្តល់ឲ្យអ្នក នោះអ្នកនឹងក្លាយទៅជាសិស្សឆ្លាតវៃ ។ តែបើអ្នកមិនអនុវត្តតាម សេចក្តីណែនាំ អ្នកប្រហែល ជាកាត់សេចក្តីខុសនូវសំនួរ ដែលធ្វើឲ្យប៉ះពាល់ដល់ ការប្រឡងរបស់អ្នក។៤. ការសិក្សា ៖ ជានិច្ចការ ការសិក្សា អ្នកអាចប្រើវិធីសាស្ត្រទន្ទេញឲ្យចាំនូវអ្វីដែលអ្នកបានរៀន ព្រោះថាគ្រូរបស់អ្នក អាចនឹងសួរសំនួរតិចតូច នូវមេរៀន ដែលបានសិក្សាកន្លងមក បើអ្នកមិនបានរៀបចំជាមុននោះទេ អ្នកនឹងមិនអាចធ្វើបានល្អឡើយ។
៥. បញ្ចប់កិច្ចការសាលា ដោយប្រើពេលកំណត់ ៖វាជាការសំខាន់ខ្លាំងណាស់ ដើម្បីអនុវត្ត ដោយការប្រើប្រាស់ការកំណត់ពេលវេលា ដើម្បីធ្វើលំហាត់ ឬ កិច្ចការសាលា នោះមានន័យថា អ្នកបានត្រៀមខ្លួនជាស្រេច ដើម្បីសាកល្បង ក្នុងការប្រឡង នោះវានឹងធ្វើឲ្យបំណាច់ឆ្នាំនៃការសិក្សារបស់អ្នក កាន់តែមានប្រសិទ្ធភាព និងក្លាយជាសិស្សពូកែប្រចាំថ្នាក់ ។
៦. ធ្វើឲ្យមានអាទិភាព៖ ជារឿងសំខាន់ណាស់ អ្នកត្រូវសួរខ្លួនឯងថា គួរតែលេងហ្វេសប៊ុក ឬ ធ្វើលំហាត់សាលា ? ជាមួយចំណុចនេះ អ្នកត្រូវតែ ធ្វើតារាងពេលវេលា សម្រាប់ផែនការខាងមុខ ដោយត្រូវគិតលើចំណុចមានសារៈសំខាន់ និងជាអាទិភាព មុននឹងគិតលើអ្វីផ្សេងទៀត ។៧. ធ្វើការកត់ត្រា នៅសាលារៀន ៖ នៅពេលដែលគ្រូនិយាយ មិនឈប់សោះ វានឹងធ្វើឲ្យអ្នកមិនចងចាំនូវអ្វីដែលគាត់បាននិយាយ ដូច្នេះ អ្នកត្រូវតែធ្វើការកត់ត្រាទុក នូវពាក្យសម្តីរបស់គាត់ ។
បើសិនជាមិនយល់ត្រង់ណាមួយ អ្នកអាចសួរគាត់ បន្ទាប់ពីចេញទៅផ្ទះ ។៨.ការសេពគប់មិត្តភក្តិ ៖ នៅពេលដែលអ្នកសេពគប់មិត្តភក្តិ មិនបានត្រឹមត្រូវនោះ វានឹងធ្វើឲ្យការសិក្សារបស់អ្នកធ្លាក់ចុះ និងប្រឈមបញ្ហាផ្សេងៗ ដោយគ្រាន់តែឲ្យគេគិតថាយើងជាសិស្សល្អបានហើយ និងប្រាប់គេថា យើងចង់សិក្សា ច្រើនជាងការដើរលេង វានឹងធ្វើឲ្យអ្នកប្រសើរឡើង ។បើសិនជាអ្នកអាចអនុវត្តន៍នូវចំណុចខាងលើ នោះអ្នកនឹងមានខ្សែជីវិតដ៏ស្រស់ថ្លា ដោយសារលទ្ធផលសិក្សាល្អ ដ៏លំបាករបស់អ្នកនៅក្នុងថ្នាក់ ៕
