កំពង់ឆ្នាំង៖ ស្ត្រីកូនខ្ចីអាយុ២ខែដែលបានរងគ្រោះដោយការរលាកភ្លើងធ្ងន់ធ្ងរនិងបណ្តាលអោយងងឹតភ្នែកស្តាំម្ខាងផងនោះដែលកំពុងសម្រាកព្យាបាល ក្ននៅងមន្ទីរពេទ្យខេត្តកំពង់ឆ្នាំង នៅព្រឹកថ្ងៃទី១១ ខែវិច្ឆិកា ឆ្នាំ២០១៤ បានទទួលអំណោយមួយចំនួនរបស់សាខាកាកបាទក្រហមខេត្តកំពង់ឆ្នាំង។
សូមបញ្ជាក់ថា៖ស្ត្រីរងគ្រោះមានឈ្មោះ មាស ពីង អាយុ៣៥ឆ្នាំ នាងមានកូន៤នាក់ តែកូនតូចម្នាក់ទើបអាយុ២ខែមានប្តីឈ្មោះ យឺន បុរី អាយ៣១ឆ្នាំ មានទីលំនៅ ភូមិអណ្តូងរនុក ឃុំកំពង់ហៅ ស្រុកកំពង់លែង ខេត្តកំពង់ឆ្នាំង នាងបានរងគ្រោះដោយការរលាកភ្លើងធ្ងន់ធ្ងរកាលពីយប់ថ្ងៃទី០៦ ខែវិច្ឆិកា ឆ្នាំ២០១៤ ខណៈដែលទិញប្រេងកាតទៅចាក់ចង្កៀងកំពុងឆេះ បណ្តាលអោយផ្ទុះឆាបឆេះខ្លួនតែម្តង។
លោក ប្រាក់ សោភណ្ឌ័ នាយកប្រតិបត្តិសាខាកាកបាទក្រហមខេត្តកំពង់ឆ្នាំងបាននិយាយអោយដឹងថាៈ ក្រោយពីឃើញកាសែតក្នុងចេញផ្សាយរៀបរាប់ពីទុក្ខលំបាករបស់ស្ត្រីរងគ្រោះដែលបានរងការ រលាកភ្លើងមួយកំណាត់ខ្លួន បណ្តាលអោយងងិតភ្នែកមួយជំហៀងនិងរបួសធ្ងន់ធ្ងរមក ថែមទាំងស្ត្រីរូបនោះមានកូន៤នាក់ក្នុងបន្ទុក និងមានកូនតូចអាយុទើបតែ២ខែទៀតនោះទាស់គ្មាន ទឹកដោះអោយកូនបៅ រួមទាំងកំពុងជួបការខ្វះខាត និងក្រោយបានសុំយោបល់ពីលោកប្រធានគណកម្មាធិការសាខាកាក បាទក្រហមខេត្ត លោកនិងសហការីបាននាំយកអំណោយមកផ្តល់ជូនស្ត្រីរងគ្រោះដល់មន្ទីរពេទ្យតែម្តង។
លោកបានបញ្ជាក់ថាៈ អំណោយទាំងនេះជារបស់សាខាកាកបាទក្រហមខេត្ត ផ្តល់ជូនស្ត្រីរគ្រោះដោយមិនប្រកាន់និន្នាការនយោបាយអ្វីឡើយ ហើយពេលលោកមកពិនិត្យដោយផ្ទាល់ភ្នែកនោះគឺរិតតែគួរអោយអាណិតស្ត្រីរងគ្រោះយ៉ាងខ្លាំងថែមទៀតផង។អំណោយដែលបានផ្តល់ជូនស្ត្រីរងគ្រោះនេះរួមមាន៖ម្សៅទឹកដោះគោឌុយម៉ិច ៤កំប៉ុងដបបំបៅទឹកដោះគោចំនួន២ ទឹកសុទ្ឋលីយ៉ុង សម្រាប់លាយម្សៅទឹកដោះគោ៦ដបធំ ម្សៅលាបខ្លួនកូនក្មេង១ដប កន្សែងពោះគោ១ ខោ អាវ ស្រោមដៃ និងមួក កូនក្មេងមួយកំប្លេ អង្ករ២៥គីឡូក្រាម និងឃីតមួយ កញ្ចប់រួមមានក្រមា១ សារ៉ុង១ ភួយ១ និងមុង១។ ប៉ុន្តែអំណោ យទាំងនេះគ្រាន់តែអាចជួយដោះស្រាយការលំបាកបានមួយរយះពេលខ្លីតែប៉ុណ្ណោះ ហេតុនេះសំណូមពរសប្បុរសជនមេត្តាជួយឧបត្ថម្ភបន្តទៀត។
ក្រោយពីបានទទួលអំណោយស្ត្រីរងគ្រោះ និងប្តីមានសេចក្តីរីករាយត្រេកអរជាខ្លាំងព្រមទាំងបានលើកដៃថ្លែងអំណរគុណយ៉ាងជ្រាលជ្រៅចំពោះ សាខាកាបាទក្រហមខេត្ត និងអ្នកសារព័ត៌មានក្នុងខេត្តដែលបានយកចិត្តទុកដាក់ដល់គ្រួសារគាត់ដែលកំពុងរងគ្រោះ និងសូមអោយសប្បុរជន ដែលមានសប្បុរ ធម៌ ជួបតែសេចក្តីសុខគ្រប់ប្រការ៕
