ខ្សែការពារកណ្តាល Sergio Ramos នឹងត្រូវអវត្តមានសម្រាប់ក្លិបអធិរាជស Real Madrid សម្រាប់ការប្រកួត ជាមួយ Malaga ក្នុងក្របខណ្ឌអេស្ប៉ាញ La Liga នៅសប្តាហ៍ក្រោយ ។
កីឡាករអន្តរជាតិអេស្ប៉ាញរូបនេះបានទទួលកាតលឿងនៅពេល Real Madrid ប្រកួតឈ្នះ Levante ៣-០ កាលពីយប់ថ្ងៃអាទិត្យជាហេតុធ្វើឲ្យរូបគេបានទទួលកាតលឿងចំនួន២ប្រកួតជាប់គ្នាហើយការទទួលកាតនេះធ្វើឲ្យ គេត្រូវផ្អាកមិនឲ្យចូលលេង១ប្រកួត ។
ទោះបីជាយ៉ាងណាក៏ដោយ ខ្សែការពារពីររូបផ្សេងទៀតគឺ Pepe និង Raphael Varane ត្រូវបានគេរំពឹង ទុកថា នឹងចាប់ដៃគូគ្នាសម្រាប់ប្រព័ន្ធការពាររបស់ Real Madrid ។
គួរបញ្ជាក់ថា Ramos នឹងអាចចូលលេងបានវិញសម្រាប់ការប្រកួត El Clasico ជាមួយក្លិបអ្នកមានបុណ្យ Barcelona នៅថ្ងៃទី ២៣ ខែមិនាខាងមុខនេះ ៕