សៀមរាប : នារសៀលថ្ងៃទី២១ខែវិច្ឆិកានេះនៅស្នងការដ្ឋាននគរបាលខេត្តសៀមរាបបានប្រារព្វពិធីប្រគល់ទទួលនូវសម្ភារ:សង្គ្រោះនិង ពន្លត់អគ្គិភ័យពីក្រុមហ៊ុនព្រលានយន្តហោះកម្ពុជានៃអាកាសយានដ្ឋានអន្តរជាតិសៀមរាប ។ ក្រោមវត្តមានទទួលសម្ភារ:នេះពីសំណាក់លោក
វរសេនីយ៍ឯក សំ សុជាតិ ស្នងការរងទទួលការងារអាវុធជាតិផ្ទុះនិងអគ្គិភ័យនិងជាតំណាងដ៏ខ្ពង់ខ្ពស់លោកឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ព្រមទាំងមានវត្តមានអស់លោកជានាយ នាយរងការិយាល័យជំនាញនិងមន្ត្រីក្រោមឱវាទមួយចំនួនទៀតបានចូលរួមផងដែរ ។
ក្នុងនាមស្នងការនគរបាលខេត្តសៀមរាបលោកវរសេនីយ៍ឯក សំ សុជាតិ បានថ្លែងអំណរគុណយ៉ាងជ្រាលជ្រៅបំផុតចំពោះការចូលរួមចំណែកយ៉ាងសំខាន់ និងចូលរួមលើកម្ពស់ក្នុងការ ការពារ ថែរក្សាសន្តិសុខ សុវត្ថិភាព អោយបានកាន់តែល្អប្រសើរថ្វេរដងដោយឆ្លើយបតទៅតាមរយះនៃការជួញឩបត្ថមនូវសម្ភារ:ទាំងនេះពីក្រុមហ៊ុនព្រលានយន្តហោះកម្ពុជានៃអាកាសយានដ្ឋានអន្តរជាតិសៀមរាប ។
មកប្រគល់ជូនដល់ការិយាល័យជំនាញក្នុងគោលបំណងដើម្បីទុកសម្រាប់យកទៅជួយសង្គ្រោះក្នុងពេលដែលមានឩបទ្ទវហេតុអគ្គិភ័យដែលបានកើតមានឡើងនៅក្នុងខេត្តសៀមរាប អោយបានទាន់ពេលវេលាផងដែរ ៕ លោក ខេង ខេមរា
