ខេត្តកំពង់ស្ពឺ ៖ ប្រជាពលរដ្ឋដែលកំពុងជួបការលំបាកចំនួន១៥៥គ្រួសា ក្នុងស្រុកគងពិសី ទទួលបានការសង្គ្រោះបន្ទាន់ជាគ្រឿង1ឧប្បភោគបរិភោគ ពីសាខាកាកបាទក្រហម កម្ពុជា ខេត្តកំពុងស្ពឺ នៅបរិវេនវត្តព្រៃត្រាច ឃុំអង្គពពេល ស្រុកគងពិសីខេត្តកំពង់ស្ពឺ ។
លោកម៉ា សាវ៉ាត អភិបាលស្រុកគងពិសី ជាប្រធានកិតិយស អនុសាខាកាក បាទក្រហមស្រុកបានធ្វើរបាយការស្តីរពីសន្តិសុខ សណ្តាប់ធ្នាប់សាធារណៈ ការរីកចំរើន ការបង្ករបង្កើនផលស្រូវរដូវវស្សា របស់ប្រជាពលរដ្ឋទូរទាំងខេត្តស្រុកគងពិសី ។ លោកបានបន្តថា ក្នុងរយៈពេល៥ឆ្នាំចុងក្រោយនេះ ស្រុកគងពិសីមានភាពរីកយ៉ាងខ្លាំង ទាំងជីវភាពរស់នៅរបស់ប្រជាពលរដ្ឋ ផ្លូវច្នល់ ស្ពានជាដើម ។
លោកអភិបាលស្រុកបន្តថា ក្នុងរដូវវស្សាឆ្នាំនេះ ប្រជាកសិករក្នុងស្រុកបានប្រឈមមុខ ភាពរាំងស្ងួត ហើយការបង្ករបង្កើនផល មិនបានគ្រប់តាមផែនការឡើយ ព្រោះភ្លៀងធ្លាកឮមិនបានគ្រប់គ្រាន់ បណ្តាលឱ្យការដកស្ទូងមានការយឺតយ៉ាវ ។ លោកបន្តថាបច្ចុប្បន្នស្ទូងរបស់ប្រជាពលរដ្ឋជាច្រើនហិចតា កំពុងប្រឈមមុខបញ្ហារខ្វះខាតទឹកទៀត ។ ប្រសិនបើគ្មានភ្លៀងជូនចុងរដូវវស្សានេះទេ វាអាចធ្វើឱ្យស្រូវស្កកខូចខាតជាក់ជាមិនខាន ។
លោកអ៊ូ សំអួន អភិបាលខេត្តកំពង់ស្ពឺ និងជាប្រធានកិតិយស សាខាកាកបាទក្រហម កម្ពុជា ខេត្តកំពង់ស្ពឺ បានផ្តាំផ្ញើរការសាកសួរសុខទុក្ខ ពីសំណាក់សម្តេចទាំងបី ពិសេសសម្តេចអគ្គមហាសេនាបតីតេជោ ហ៊ុន សែន ដែលសម្តេចតែងតែយកចិត្តទុកដាក់ពីជីវភាពប្រជាពលរដ្ឋទូទៅ ដោយមិនប្រកាន់និន្នាកានយោបាយឡើយ ។
លោកបន្តថា ថ្នាក់ដឹកនាំប្រមុខរដ្ឋាភិបាល បានយកចិត្តទុកដាក់ អាណិតស្រលាញ់ និងយក ពិសេសកាកបាទក្រហមកម្ពុជា ដែលដឹកនាំដោយសម្តេចកិតិព្រឹទ្ធបណ្ឌិតប៊ុន រ៉ាន្នី ហ៊ុន សែន ខិតខំប្រឹងប្រែងទាំងកំលាំងកាយចិត្ត គៀងគររកមូលនិធិដើម្បីឆ្លើយតបទៅនិងវិស័យមនុស្សធម៌ដល់ជនពិការ មនុស្សចាស់ជរា អ្នកផ្ទុកមេរោគអេដ៏ និងអ្នកជួបប្រទះការខ្វះខាត និងជនងាយរងគ្រោះផ្សេងទៀត ដោយមិនបានប្រកាន់នៅនិន្នាការនយោបាយអ្វីឡើយ ។ លោកអភិបាលខេត្តកំពង់ស្ពឺ បានលើកឡើងទៀតថា ការរីកចំរើន អភិវឌ្ឍន៏ ផ្លូវ ថ្នល់ ស្ពាន ទឹក ភ្លើង សម្រាប់ឱ្យប្រពលរដ្ឋ ប្រើប្រាសសព្វថ្ងៃនេះ គឺកើតចេញពីការខិតខំប្រឹងប្រែងយកអស់កំលាំងកាយចិត្ត របស់ប្រមុខរដ្ឋាភិបាល កម្ពុជា ។
ក្នុងនោះលោកបានផ្តាំផ្ញើរ តាស់តឿនរំលឹក ដល់ជ្ញាធរគ្រប់លំដាប់ថ្នាក់ ត្រូវទប់ស្តាត់រាល់លេងល្បែងស៊ីសង គ្រប់ប្រភេទ ការជួញដូរផ្លូវភេទ គ្រឿងញ្ញៀន អំពើហឹង្សាក្នុងគ្រួសារ បញ្ហាសិទ្ធកុមារ និងរឹតបណ្តឹងច្បាប់ចរាចរណ៏ ដើម្បីកាត់បន្ថយអត្រាស្លាប់ និងរងរបួស ដែលធ្វើឱ្យរដ្ឋាភិបាលខាតបង់ថវិកាជាតិរាប់លានដុល្លាក្នុងមួយឆ្នាំៗ ។
អំណោយដែលត្រូវផ្តល់ជូន ប្រជាពលរដ្ឋទាំង ១៥៥គ្រួសារនោះ រួមមានក្នុងមួយគ្រួសារទទួលបានអង្ករ២៥គីឡូក្រាម មី០១កេស ត្រីខ១យួ ទឹកត្រី ទឹកស៊ីអ៊ីវ១យួ ប្រេងឆា១ដបធំ ថវិកាចំនួន១ម៉ឺនរៀល ព្រមទាំងប្រគេន ដល់ ព្រះចៅអធិការ វត្តព្រៃត្រាច នូវសម្ភារៈមួយចំនួន ដើម្បីឧទ្ទិសកុសលផលបុណ្យដល់បុព្វការីជនដែលបានចែកឋានទៅហើយផងដែរ ៕
