កំពង់ធំៈ ដើម្បីលើកទឹកចិត្តដល់មន្ត្រីពន្ឋនាគារ ដែលបានខិតខំយកចិត្តទុកដាក់ បំពេញភារៈកិច្ចការងារ ត្រូវបានក្រសួងមហាផ្ទៃឆ្លើយតបនិងការខិតខំប្រឹងប្រែងរបស់មន្ត្រីនៃពន្ឋនាគារ ខេត្តកំពង់ធំ និងមានទំនុកចិត្ត បានដំឡើងឋានន្តរសក្កិ និងប្រគល់តួរនាទីភារៈកិច្ច ដែលត្រូវបានចាត់ធ្វើឡើងនៅក្នុងពន្ឋនាគារខេត្តកំពង់ធំ កាលពីរសៀលថ្ងៃទី ២២ ខែ វិឆ្ឆិកា ឆ្នាំ ២០១៤។
ពិធីប្រកាស់ដំឡើងឋានន្តរសក្កិត្រូវបានចូលរួមពីសំណាក់ ឯឧក្តម គឹម សារិន អគ្គនាយករង នៃពន្ឋនាគារ និងលោក សាយ ណូរ៉ា ព្រះរាជអាជ្ញារង ខេត្តកំពង់ធំ ព្រមទាំងមន្ត្រីនៃពន្ឋនាគារ ចូលរួមជាច្រើននាក់លោក ឆវ័ន្ត ប្រធានពន្ឋនាគារ ខេត្តកំពង់ធំ សម្តែងនូវការ អបអរសាទរ ចំពោះលោក លោកស្រីបានត្រូវបាន អានរបាយបាយការណ៍ស្តី សកម្មភាព ក្នុងពន្ឋនាគារខេត្តកំពង់ធំ ដែលមានមន្ត្រីសរុប ចំនួន ៤៧នាក់ស្រី៧នាក់ ជនជាប់ឃុំ៣៩៤នាក់ ស្រី៤១នាក់ ជនត្រូវចោទ១០០នាក់ ពិរុទ្ធជនចំនួន១០៨នាក់ស្រី១០នាក់ ទណ្ឌិត ១៦៨នាក់ ស្រី១៧នាក់ ពន្ឋនាគារនេះស្ថិតនៅក្នុងភូមិបល្ល័ង្គកើត សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំមានផ្ទៃដី១៣៥៥៦ម។
លោក សាយ ណូរ៉ា ព្រះរាជាអាជ្ញារងបានផ្តាំផ្ញើរ ណែនាំឲ្យមន្ត្រីពន្ឋនាគារទាំងអស់ រឹតបន្តឹងការយកចិត្តទុកដាក់ ចំពោះតួនាទីភារៈកិច្ច ក្នុងកិច្ចការពារជនជាប់ឃុំ និងការទំនាក់ទំនងសម្ព័ន្ឋភាពជាមួយជនជាប់ឃុំ កុំឲ្យមានភាពស្និទ្ធស្នាលហួសហេតុពេក ដែលជាសញ្ញាអន្តរាយរបស់សុវត្តិភាពអាយុជីវិត និងអាយុការងារ ដោយសារតែពន្ឋនាគារគឺជាកន្លែងកែប្រែមនុស្សប្រព្រឹត្តអំពើអាក្រក់ទៅជាមនុស្សល្អ សម្រាប់រស់នៅក្នុងសង្គម និងសូមកុំភ្លេចថាជនដែលត្រូវជាប់ឃុំទាំងអស់ គឺសុទ្ធតែជាជនដែលមានទំនាស់និងច្បាប់ ចំណែកការប្រើប្រាស់ទូរស័ព្ទរបស់ជនជាប់ឃុំ ត្រូវដកហូតសិទ្ធឬអនុញ្ញាតិតែការចាំបាច់ ដោយមានមន្ត្រីឃ្លាំមើល ព្រោះជនជាប់ឃុំអាចនិងប្រើប្រាស់ទូរស័ព្ទក្នុងពន្ឋនាគារបញ្ជាតមកមនុស្សខាងក្រៅធ្វើសកម្មភាព។
ឯកឧត្តម គឹម សារិន អគ្គនាយករង នៃអគ្គនាយកដ្ឋាន បានមានប្រសាសន៍ណែនាំឲ្យមន្ត្រីអនុរក្សពន្ឋនាគារ ត្រូវតែមានភាពស្មោះត្រង់ និងយកចិត្តទុកដាក់ ព្រោះវាជារឿងមួយដែលទទួលភារៈកិច្ចធ្ងន់ធ្ងរណាស់ ដែលខុសពីការមើលគោមើលក្របី ដោយសារតែទណ្ឌិតខ្លះមានចំណេះដឹងខ្ពង់ខ្ពស់ អាចនិងប្រើល្បិចក្នុងការ ទំនាក់ទំនងទិញទឹកចិត្តរបស់មន្ត្រី ជាក់ស្តែងសកម្មភាពរបស់អ្នកទោសបានធ្វើសកម្មភាពនៅខេត្តគេផ្សេងៗ មកហើយដោយសារតែអ្នកទោសបានទិញទឹកចិត្តរបស់មន្ត្រីពន្ឋនាគារ ខែ១២ នេះគឺត្រូវបានសមារន្តកម្ម បំពាក់ឋានន្តរសក្កិនិងផ្លាសប្តូរសំលៀកបំពាក់ថ្មី ឲ្យមានឯកសណ្ឋានត្រឹមត្រូវ ក្នុងការបំពេញតួរនាទីនៅក្នុងពន្ឋនាគារ ដូច្នេះគឺត្រូវសាមគ្គីភាពផ្ទៃក្នុង គោរពវិន័យ មានភាពស្វាហាប់ ក្នុងនាមជាថ្នាក់ដឹកនាំត្រូវមានភាពទទួលខុសត្រូវ ម៉ឺងម៉ាត់ ម៉ត់ចត់ ពង្រឹងផ្នែកសន្តិសុខ ។