សៀមរាប : នៅថ្ងៃទី១០ខែមីនាឆ្នាំ២០១៤កន្លងទៅនេះសាលាស្រុកជីក្រែងខេត្តសៀមរាបបានចេញលិខិត្តអញ្ជើញអាជីវករផ្សារចំនួន២០២នាក់ដើម្បីចូលរួមស្តាប់ការផ្សព្វផ្សាយរបស់សាលាស្រុកស្តីពីសៀវភៅបន្ទុក ការវិយោគ និង ការធ្វើអាជីវកម្មផាស៊ីផ្សារក្រោមអធិបតីភាព លោក
ពៅ ប៊ុនធឿន អភិបាលរងស្រុកជីក្រែង ខេត្តសៀមរាប។ក៏ប៉ុន្តែជាក់ស្តែងមានអាជីរករចូលរួមក្នុងកិច្ចប្រជុំនោះចំនួនតែ៤៩នាក់ប៉ុណ្ណោះ ហើយការចូលរួមតិចតួចនេះ អាជីវករខ្លះបាននិយាយថា៖មានការគុំរៀម កំហែងពីបងប្អូនអ្នកវិនិយោគផ្សារកំពង់ក្តីនេះតែម្តង ។លោកគង់ ជឿនមេឃុំកំពង់ក្តីតំណាងឲ្យអាជីវករផ្សារបានចោទសួរទៅកាន់ថៅកែរផ្សារថា៖ ហេតុអ្វីបានជាយកផាស៊ីផ្សារលើសពីសៀវភៅបន្ទុកដែលកំណត់ពីក្រសួងសេដ្ឋកិច្ចនិងហិរញ្ញវត្តុ។លោក ជា ចាន់តារាតំណាងឲ្យអ្នកវិនិយោគឆ្លើយថា នេះមកពីកម្មករអ្នកសំអាតផ្សារសុំការឡើងថ្លៃ ។លោក មង សេរីវុឌ្ឍីបានសួរទៅថាវកែរផ្សារថា ហេតុអ្វីបានជាសំរាមប្រមូលដាក់លើរឺម៉កហើយទុកនៅយូធ្វើឲ្យមានក្លិនស្អុយជះទៅលើទីផ្សារ ។លោក ជាណារិទ្ធ តំណាងឲ្យក្រុមហ៊ុនវិនិយោគឆ្លើយថា បញ្ហានេះមកពីក្រុមហ៊ុនធ្វើផ្លូវលំពីឃុំគោគធ្លកក្រោមទៅឃុំគោគធ្លកលើកំពុងដឹកដីចាក់លើផ្លូវធ្វើឲ្យរឺម៉កដឹកសំរាមទៅពុំរួច ។ លោកវរ:សេនីយ៏ត្រី តូច សាកល អធិការនគរបាលស្រុកជីក្រែងបានមានប្រសាសន៏ថា ក្នុងស្រុកយើងពុំសូវមានបញ្ហាចោរកម្មទេ តែសូមឲ្យបងប្អូនប្រុងប្រយ័ត្នឲ្យបានខ្ពស់អំពីបញ្ហាអគ្គីភ័យ ជាពិសេសក្រុមអាជីវករលក់ម្ហូបអាហារ ព្រោះរដូវនេះជារដូវក្តៅស្ងួត មុននឹងត្រឡប់ទៅផ្ទះសូមពន្លត់ភ្លើងក្នុងចង្ក្រានផង ។ ចុងក្រោយលោកពៅ ប៊ុនធឿន អភិបាលរងស្រុកជីក្រែងបានមានប្រសាសបន្តថា សូមឲ្យបងប្អូនអ្នកវិនិយោគផ្សារអនុវត្ថយកផាស៊ីតាមសៀវភៅបន្ទុកនិង អនុវត្ថតាមល័ក្ខខណ្ឌរបស់ក្រសួងសេដ្ឋកិច្ចនិងហិរញ្ញវត្ថុ រីឯប្រជាពលរដ្ឋត្រូវតែហ៊ានរាយការណ៍ជូនសមត្ថកិច្ចមូលដ្ឋានជាបន្ទាន់ប្រសិនបើមានការរំលោភបំពានពីសំណាក់បុគ្គលណាម្នាក់ ឬ ទុក្ខលំបាកអ្វីមួយ ព្រោះរាជរដ្ឋាបាលអាណាត់នេះចង់បានដំណឹងពិតពីបងប្អូនប្រជាពលរដ្ឋក្នុងការកែទម្រងស៊ីជំរៅ ។ដោយឡែកនៅព្រឹកថ្ងៃទី១១ និង ១២ខែមីនាឆ្នាំ២០១៤នេះភ្នាក់ងារពត៌មានខេមរាបានចូលជួបសម្ភាសជាមួយអាជីវករក្នុងផ្សារជាច្រើនអ្នកដោយពួកគាត់បានឆ្លើយថា ការដែលក្រុមអាជីវករពុំបានទៅចូលរួមប្រជុំស្តាប់ការផ្សព្វផ្សាយរបស់សាលាស្រុកនៅវត្តសារារាម(ហៅវត្តកំពង់ក្តី)កាលពីថ្ងៃទី១០ខែមិនាឆ្នាំ២០១៤នោះ ពុំមានការគុំរៀម កំហែងពីបុគ្គលណាម្នាក់ទេ ព្រោះអ្នកខ្លះរវល់ទៅចូលរួមក្នុងពិធីមង្គលការបងប្អូន អ្នកខ្លះរវល់ទៅចូលរួមក្នុងពិធីបុណ្យ ខ្លះពុំមានអ្នកនៅចាំតូប ៕