ភ្នំពេញ ៖ មុខសញ្ញាប្រើប្រាស់គ្រឿងញៀនចំនួន៥នាក់ត្រូវបានកម្លាំងកងរាជអាវុធហត្ថ ខណ្ឌទួលគោកឃាត់ខ្លួនឆែកឆេរភ្លាមៗរកឃើញ ថ្នាំញៀន០២កញ្ចប់ ពេលដែលកម្លាំងកងរាជអាវុធហត្ថកំពុងបំពេញភារកិច្ចជិះម៉ូតូល្បាតក្នុងមូលដ្ឋាន កាលពីវេលាម៉ោង៩និង៣៥នាទីយប់ថ្ងៃទី១៣ខែមីនា
ឆ្នាំ២០១៤ ត្រង់ចំណុចផ្លូវ២៦១ ក្នុងសង្កាត់ទឹកល្អក់ទី៣ ខណ្ឌទួលគោក។ សមត្ថកិច្ចកងរាជអាវុធហត្ថខណ្ឌទួលគោកបានអោយដឹងថា ជនសង្ស័យទី១ឈ្មោះ ស សុភក្រ័ អាយុ ១៨ឆ្នាំភេទប្រុសមុខរបររត់ម៉ូតូឌុប ទី២ឈ្មោះ សោម ចរិយា អាយុ២៤ឆ្នាំភេទស្រី មុខរបរជាងអ៊ុត សក់ស្នាក់នៅ សង្កាត់ទួលសង្កែរ ខណ្ឌឬស្សីកែវ ទី៣ឈ្មោះ ណូវ វណ្ណា អាយុ៣១ឆ្នាំភេទប្រុស មុខរបររត់តាក់ស៊ី ស្នាក់នៅក្រុងតាខ្មៅ ខេត្តកណ្តាល ទី៤ឈ្មោះ យឹម វណ្ណះអាយុ ២៦ឆ្នាំភេទប្រុស មុខរបររត់ម៉ូតូឌុប ស្នាក់នៅ សង្កាត់ឃ្មួញ ខណ្ឌសែនសុខ ទី៥ឈ្មោះ រិម សារ៉េត អាយុ១៩ឆ្នាំ ភេទប្រុសជាកម្មករ ស្នាក់នៅសង្កាត់សែនសុខ ខណ្ឌសែនសុខ ដោយក្នុងនោះសមត្ថកិច្ចបានដកហូតម៉ូតូជនសង្ស័យប្រើប្រាស់គ្រឿងញៀនបាន០២ គ្រឿងផងដែរគឺ ម៉ូតូម៉ាកសង់កូរេ ពណ៌ក្រហម ពាក់ស្លាកលេខ ឌ-៥៣៦៣ ភព១ និងម៉ូតូស៊ូហ្គូន ពាក់ស្លាកលេខ ភ្នំពេញ 1M-9985 ពណ៌ខ្មៅ ។ បច្ចុប្បន្នកម្លាំងកងរាជអាវុធហត្ថ ខណ្ឌទូលគោក បានរៀបចំបែបបទបញ្ជូនជនសង្ស័យទាំង០៥នាក់នេះទៅកាន់កងរាជអាវុធហត្ថក្រុងភ្នំពេញ ដើម្បីកសាងសំណុំបញ្ជូនទៅតុលាការផ្ដន្ទាទោសតាមផ្លូវច្បាប់៕
