ភ្នំពេញ ៖ បុរសម្នាក់ស្រវឹងស្រាបើកម៉ូតូទៅបុកម៉ូតូសណ្តោងរទេះលក់ភេសជ្ជះតែមិនមានដាក់ភេសជ្ជះទេគឺផ្ទុកដោយមនុស្សចំនួន៦នាក់ទាំងអ្នកបើក បណ្តាលឱ្យម៉ូតូសណ្តោងរទេះវិលក្រឡាប់ចាក់អ្នកជិះចេញក្រៅរ៉ឺម៉កសន្លប់ ក្មេងប្រុសម្នាក់ និង៥នាក់ទៀតរបួសស្រាល ចំណែកបុរសបើកម៉ូតូបង្ក
របួសស្រាល ។ ហេតុការណ៍នេះកើតឡើងកាលពីវេលាម៉ោង ១០ និង ៤០នាទីយប់ ថ្ងៃទី ១៦ ធ្នូ ២០១៤ នៅចំណុចក្លោងទ្វារច្រកចូលផ្ញើរម៉ូផ្សារអ៊ីអន ស្ថិតក្នុងសង្កាត់ទន្លេបាសាក់ ខណ្ឌចំការមន ។
ក្មេងប្រុសរងគ្រោះមានឈ្មោះ ម៉េង ហុង អាយុ៩ឆ្នាំ សន្លប់នៅនឹងកន្លែង ដែលមានឪពុកឈ្ម៉ោះ ហេង រស់នៅក្នុងភូមិដើមមៀន សង្កាត់ច្បារអំពៅ ខណ្ឌច្បារអំពៅ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូវ៉េវ ពណ៌ខ្មៅមួយគ្រឿងពាក់ស្លាកលេខភ្នំពេញ1AD-9089 បើកដោយបុរសស្រវឹងស្រាម្នាក់បានធ្វើដំណើរតាមផ្លូវខាងត្បូងស្ពានកោះពេជ្រ ក្នុងទិសដៅពីត្បូងទៅ ជើង ខណៈមកដល់
ចំណុចកើតហេតុ ក៏បានបើកទៅបុកម៉ូតូសណ្តោងរទេះលក់ភេសជ្ជះ ដែលទើប និងទិញនិងមិនមានដាក់ភេសជ្ជះនៅឡើយទេ គឺផ្ទុកដោយមនុស្សចំនួន៦នាក់ បើកបរក្នុងទិសដៅបញ្ច្រាស់គ្នា បណ្តាលឱ្យម៉ូតូសណ្តោងរទេះវិលក្រឡាប់ចាក់អ្នកជិះចេញក្រៅរ៉ឺម៉កសន្លប់ក្មេងប្រុសម្នាក់ និង៥នាក់ទៀតរបួសស្រាល ចំណែកបុរសបើកម៉ូតូបង្ករបួសស្រាល ។
ក្រោយពេលកើតហេតុកេ្មងប្រុសដែលសន្លប់ត្រវបានគេបញ្ជូនទៅសង្គ្រោះនៅមន្ទីរពេទ្យ ។ ក្នុងហេតុការណ៍នេះភាគីទាំងពីរធ្វើកាសម្រួលគ្នានៅកន្លែងកើតហេតុដោយភាគីខាងម៉ូតូសងថ្លៃការពន្យាបាលនិងជួសជុលម៉ូតូចំនួន៤៥ដុល្លារ ហើយភាគីរងគ្រោះក៏ព្រមទទួលយកសំណងនេះផងដែរ ។