)(ឧត្តរមានជ័យ)កងរាជអាវុធហត្ថស្រុកត្រពាំងប្រាសាទចុះចាប់បង្ក្រាបទីតាំងជួយដូរ និងចែកចាយថ្នាំញៀនចំនួន២កន្លែងនិងដកហូតបានថ្នាំញៀនកញ្ចប់តូចនិងធំចំនួន១២៥កញ្ចប់និងវត្ថុតាងមួយចំនួនទៀតហើយបានឃាត់ជនសង្ស័យចំនួន៤នាក់ផងដែរ។ហេតុការកងរាជអាវុធហត្ថស្រុកត្រពាំង
ប្រាសាទចុះចាប់បង្ក្រាបទីតាំងចែកចាយគ្រឿងញៀនចំនួន២កន្លែងនោះបានកើតឡើងកាលពីវេលាម៉ោង១៦និង១៥នាទីល្ងាចថ្ងៃទី១៦និង១៧ខែធ្នូ ឆ្នាំ២០១៤នៅចំណុចផ្ទះជនសង្ស័យចំនួន២កន្លែងស្ថិតនៅក្នុងភូមិសែន សុខ ឃុំទំនប់ ដាច់ ស្រុកត្រពាំងប្រាសាទ ខេត្តឧត្តរមានជ័យ។
លោកវរសេនីយ៍ត្រីលី ដា រិទ្ធ មេបញ្ជាការកងរាជអាវុធហត្ថស្រុកត្រពាំងប្រាសាទ បានឲ្យកម្ពុជាថ្មីដឹងថា លោកបានស្រាវជ្រាវមានរយះពេលរាប់ខែមកហើយ ទើបនៅពេលនេះយើងបានកំណត់មុខសញ្ញាក៏ឈានទៅចាប់ឃាត់ខ្លួនជនសង្ស័យរួមជាមួយវត្ថុតាងតែម្តង។
លោកវរសេនីយ៍ត្រី លី ដា រិទ្ធ មេបញ្ជាការកងរាជអាវុធហត្ថស្រុកបានឲ្យដឹងទៀតថា ការដែលកម្លាំងកងរាជអាវុធហត្ថចុះទៅចាប់បង្ក្រាបនោះ ដោយមានការចង្អុលបង្ហាញ ពីលោកឧត្តមសេនីយ៍ត្រីពុទ្ធ សា រ៉ាន មេបញ្ជាការកងរាជអាវុធហត្ថខេត្តឧត្តរមានជ័យ និងទទួលបទបញ្ជាពីលោកកូយ កាន់យ៉ា ព្រះរាជអាជ្ញាអមសាលាដំបូងខេត្ត ហើយក៏បានសហការជាមួយ
កងរាជអាវុធហត្ថខេត្តផ្នែកគ្រឿងញៀនផងដែរ។លោកវរសេនីយ៍ត្រីលី ដា រិទ្ធ មេបញ្ជាការកងរាជអាវុធហត្ថស្រុកបានបន្តទៀតថា ជនសង្ស័យទាំងចំនួន៤នាក់នេះ ទី១មានឈ្មោះថោង មុំុំ ភេទស្រីអាយុ៦២ឆ្នាំទី២ឈ្មោះលេង នួន ភេទស្រីអាយុ៣៥ឆ្នាំទី៣ឈ្មោះផាត់ គុន្ធាភេទស្រីអាយុ២០ឆ្នាំនិងទី៤ឈ្មោះប៊ុន រីម ភេទស្រីអាយុ៣៨ឆ្នាំ អ្នកទាំង៤នាក់នោះរស់នៅភូមិ ឃុំ
កើតហេតុខាងលើ នៅពេលបច្ចុប្បន្នកម្លាំងជំនាញកងរាជអាវុធហត្ថស្រុកត្រពាំងប្រាសាទកំពុងកសាងសំណុំរឿងនិងវត្ថុថ្នាំញៀនប្រភេទម៉ាទឹកកកចំនួន១២៥កញ្ចប់តូចនិងធំបញ្ជូនទៅសាលាដំបូងខេត្តឧត្តរមានជ័យ ដើម្បីចាត់ការទៅតាមនិតិវិធីច្បាប់)៕