បន្ទាយមានជ័យ៖ករណីអំពើឃាតកម្ម ដ៏សាហាវមួយកើតឡើងនៅចំណុចក្នុងមណ្ឌល៤ ភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ នៅវេលាម៉ោង១២ និង១៥នាទីយប់ ឈានចូលថ្ងៃទី១៨ ខែធ្នូ ឆ្នាំ២០១៤នេះ ត្រូវបានជនដៃដល់យកពូថៅ និងកាំបិតខ្វាវ
កាប់សម្លាប់លើបុរសម្នាក់ទៀត ស្លាប់នៅនឹងកន្លែងតែម្តង។ភ្លាមៗបន្ទាប់ពីកើតហេតុ មានការអន្តរាគមន៍ពីកម្លាំងសមត្ថកិច្ចនគរបាលក្រុង និងកម្លាំងអ ហក្រុង ដឹកនាំកម្លាំងដោយលោក ផាន់ ភីរម្យ ព្រះរាជអាជ្ញារង អមសាលាដំបូងខេត្ត ចុះមកត្រួតពិនិត្យ និងធ្វើកោសល្យវិច័យ ស្រាវជ្រាវទាំងយប់ រហូតដល់ម៉ោង៣ព្រឹក។
លោក ផាន់ ភីរម្យ ព្រះរាជអាជ្ញារង អមសាលាដំបូងខេត្តបានប្រាប់ថា ជនរងគ្រោះមានឈ្មោះ ឆាយ ភារ៉ា ភេទប្រុស អាយុ ២២ឆ្នាំ គ្មានបងប្អូន និងឪពុកម្តាយផងដែរ រស់តាមភូមិកើតហេតុ ត្រូវបានជនដៃដល់ មិនទាន់ដឹងអត្តសញ្ញា និងមានបក្សពួក២នាក់ទៅ៣នាក់ធ្វើសកម្មភាពខាងលើនេះ ពូថៅ និងកាំបិតខ្វាវកាប់ចំក្រោយខ្លួនផ្នែកខាងឆ្វេង១កាំបិត ភ្លាមនោះជនរងគ្រោះដួលជនដៃឈរជាន់ពីលើ កាប់ចំក្បាលដាច់ត្រជាក់ផ្នែកខាងឆ្វេង១កាំបិត រួចកាប់ចំដើមទ្រូងផ្នែកខាងឆ្វេងរហូតដល់ដាច់បេះដូងជា២ ១កាំបិតទៀត ជនដៃដល់រូបនៅពិតជាឃោឃៅហាក់បីមានរឿងគំនំយ៉ាងធំ។ ក្នុងសមត្ថកិច្ចបានប្រមូលបានវត្ថុតាងបាន ពូថៅ កាំបិតខ្វាវ ស្បែកជើង កំប៉ុងស្រាបៀ ទូរស័ព្ទក្នុងហោប៉ាវខោជនរងគ្រោះ ១គ្រឿង ។
ក្រោយពីធ្វើកោសល្យវិច័យអស់រយះពេលជាច្រើនម៉ោង និងស្រាវជ្រាវរកមុខសញ្ញាតែមិនទាន់កំណត់មុខសញ្ញាច្បាស់នៅឡើយទេ ទោះបីជាយ៉ាងណាសមត្ថកិច្ចនៅតែបន្ត តាមដានដើម្បីយកជនដៃដល់មកកាត់ទោសតាមផ្លូវច្បាប់។ សពរងគ្រោះតរូវបានយកទៅកាន់វត្តប្រជាធម្មត្រ័យ រៀបចំធ្វើបុណ្យតាមប្រពៃណី៕