ជនសង្ស័យ២នាក់បានធ្វើសកម្មភាពឆក់កាបូបស្ពាយពីអ្នកធ្វើដំណើរបានសម្រេចកាលពីវេលាម៉ោង៨និង៣០នាទីព្រឹកថ្ងៃទី២៤ ខែធ្នូ ឆ្នាំ២០១៤ នៅខាងជើងវិទ្យាល័យពងទឹក ផ្លូវ ជាតិលេខ៣ស្ថិតក្នុងមូលដ្ឋានភូមិស្រែញ សង្កាត់ពងទឹក ខណ្ឌដង្កោរាជធានីភ្នំពេញ ហើយក៏បានព្យាយាមជិះម៉ូតូធំ១គ្រឿងរត់គេចពីការតាមប្រម៉ាញ់របស់សមត្ថកិច្ចនគរបាលប៉ុសិ៏្តរដ្ឋបាលពងទឹក រហូតមកដល់ចំណុចផ្លូវកោងភូមិសាំបួរ សង្កាត់សាក់សំពៅ ជនសង្ស័យក៏ដួលម៉ូតូខ្លួន ឯងបណ្តាលឲ្យជនសង្ស័យម្នាក់អ្នកបើកម៉ូតូបាក់ជើង និងជនសង្ស័យម្នាក់ទៀតព្យាយាមរត់ចូល សម្ងំពួនក្នុងព្រៃ ពេលនោះសមត្ថកិច្ចចម្រុះសហការគ្នាចូលរុករកក្នុងព្រៃក៏ចាប់បានតែម្តង។
ប្រភពពីសមត្ថកិច្ចនគរបាលប៉ុសិ៏្តរដ្ឋបាលសាក់សំពៅបានឲ្យដឹងថា ជនសង្ស័យ២នាក់នេះ បានធ្វើសកម្មភាពឆក់កាបូបស្ពាយពីអ្នកធ្វើដំណើរនៅឯផ្លូវជាតិលេខ៣ ភូមិស្រែញ សង្កាត់ពង ទឹក ហើយព្យាយាមជិះរត់គេចចូលមកភូមិសាស្ត្រសង្កាត់សាក់សំពៅ កម្លាំងប៉ុសិ៏្តរដ្ឋបាលសាក់ សំពៅក៏ដេញតាមហើយជនសង្ស៏យក៏បានជិះម៉ូតូយ៉ាងលឿនតាមផ្លូវទំនប់៧មករាពីកើតទៅលុះ ដល់ចំណុចផ្លូវកោងភូមិសាំបួរក៏ដួលម៉ូតូបណ្តាលឲ្យជនសង្ស័យអ្នកបើកម៉ូតូបាក់ជើងកម្លាំងយើងក៏ចាប់បាន ហើយជនសង្ស័យម្នាក់ទៀតក៏រត់ចូលព្រៃនៅក្បែរនោះ។ ដោយមានការបញ្ជា ផ្ទាល់ពីអធិការនគរបាលខណ្ឌដង្កោលោក យឹម សុជាតិ ឲ្យកម្លាំងប៉ុសិ៏្តនិងព្រហ្មទណ្ឌចាប់ឲ្យ បាន ទើបកម្លាំងទាំងអស់សហការជាមួយពលរដ្ឋចូលរុករកក្នុងព្រៃប្រហែល១ម៉ោងក្រោយក៏ប្រ ទះឃើញជនសង្ស័យដេកក្រាបនៅលើស្មៅចាប់បានតែម្តង។
ដោយឡែកសមត្ថកិច្ចនគរបាលព្រហ្មទណ្ឌខណ្ឌដង្កោបានឲ្យដឹងដែរថា ជនសង្ស័យទី១មានឈ្មោះ ធុម សុផាត ភេទប្រុស អាយុ៤១ឆ្នាំ មានទីលំនៅភូមិបាគូ សង្កាត់ដង្កោខណ្ឌដង្កោ រាជធានីភ្នំពេញ(អ្នកបើកម៉ូតូ) និងជនសង្ស័យទី២ឈ្មោះ ជា វិសាលភេទប្រុស អាយុ២៨ឆ្នាំ ស្នាក់នៅផ្ទះជួលក្នុងមូលដ្ឋានសង្កាត់បឹងសាឡាង ខណ្ឌទួលគោករាជធានីភ្នំពេញ។ជនសង្ស័យជិះម៉ូតូធំ១គ្រឿងម៉ាកឌូក ពណ៌ខ្មៅលឿង គ្មានស្លាកលេខ ត្រូវបានដកហូតផងដែរ។ចំណែកជនរងគ្រោះមានឈ្មោះ អ៊ឹម សារឿន ភេទស្រី អាយុ២១ឆ្នាំ មុខរបរអ៊ុតសក់មានស្រុកកំណើត នៅតានី ខេត្តកំពត ជិះម៉ូតូ១គ្រឿងម៉ាកស្កូពី ពណ៌សពាក់ស្លាកលេខភ្នំពេញ1CT-4134។
ជនរងគ្រោះ កញ្ញា អ៊ឹម សារឿន បានបញ្ជាក់ប្រាប់សមត្ថកិច្ចថាមុនពេលកើតហេតុខ្លួន បានជិះម៉ូតូឌុបគ្នាពីផ្សារសាមគ្គីតាមផ្លូវជាតិលេខ៣ក្នុងគោលបំណងទៅលេងស្រុកនៅខេត្តកំពត លុះជិះមកដល់ចំណុចខាងជើងវិទ្យាល័យពងទឹកក៏មានជនសង្ស័យ២នាក់ជិះម៉ូតូមកក្បែរ ខ្លួនហើយក៏ឆក់កាបូបស្ពានដាក់នៅបន្លោះកណ្តាលម៉ូតូរួចជនសង្ស័យបន្ថែមល្បឿនម៉ូតូជិះរត់ទៅត្បូង ហើយខ្លួនក៏ស្រែកឆោឡោឡើង។ ជនរងគ្រោះកញ្ញាអ៊ឹម សារឿន បន្តថា នៅក្នុងកាបូប មានលុយដុល្លា២០០ លុយបាតថៃ២០០បាត ទូរស័ព្ទដៃប្រភេទអិនចុចពិលចំនួន២គ្រឿង និង លុយខ្មែរប្រហែលជាង២០០០០រៀលប៉ុណ្ណោះ។
បច្ចុប្បន្នជនសង្ស័យ២នាក់ខាងលើ កំពុងឃុំខ្លួនជាបណ្តោះអាសន្ននៅអធិការដ្ឋាននគរ បាលខណ្ឌដង្កោស្ថិតក្រោមការសួរនាំរបស់សមត្ថកិច្ចជំនាញព្រហ្មទណ្ឌ និងឈានដល់ធ្វើការ កសាងសំណុំរឿងបញ្ជូនទៅកាន់អយ្យការអមសាលាដំបូងរាជធានីភ្នំពេញ ៕