សៀមរាប : ក្នុងកិច្ចចុះប្រតិបត្តិការណ៍ខាងលើត្រូវបានធ្វើឡើងកាលពីយប់ថ្ងៃទី២៤ ខែ ធ្នូ ឆ្នាំ ២០១៤ ក្រោមការបញ្ជាដឹកនាំកម្លាំងផ្ទាល់ពីសំណាក់លោក សំរិទ្ធ សុខុន ព្រះរាជអាជ្ញារងសាលាដំបូងខេត្តសៀមរាប ។ ជាប់ពាក់ព័ន្ធក្នុងកិច្ចចុះប្រតិបត្តិការណ៍ខាងលើលោកវរសេនីយ៍ឯក ចៅ ម៉ៅ វី
រះ ស្នងការរងទទួលបន្ទុកអន្តោប្រវេសន៍នៃស្នងការដ្ឋាននគរបាលខេត្តសៀមរាបបានអោយដឹងថាដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់ឯកឧត្តម នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ ក៏ដូចជាលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប និងដើម្បីធ្វើអោយការអនុវត្តនូវគោលនយោបាយភូមិឃុំមានសុវត្ថិភាព អោយ កាន់តែមានប្រសិទ្ធភាពខ្ពស់ផងនោះ ។
កម្លាំងនគរបាលការិយាល័យអន្តោប្រវេសន៍ដែលមានលោក វរសេនីយ៍ត្រី ជា គឹមសាន ជានាយការិយាល័យអន្តោប្រវេសន៍នៃស្នងការដ្ឋាននគរបាលខេត្តសៀមរាបនិងមានការចូលរួមសហការណ៍ជាមួយកម្លាំងសមត្ថកិច្ចនគរបាលដែលមានការពាក់ព័ន្ធមួយចំនួនបានចុះធ្វើការត្រួតពិនិត្យការងាររដ្ឋបាលចំពោះជនជាតិវៀតណាមដែលរស់នៅក្នុងក្រុងសៀមរាបនិងប្រកបរបផ្សេងៗ ផងដែរ ។
ដោយលោកវរសេនីយ៍ឯក ចៅ ម៉ៅ វីរះ ស្នងការរងទទួលបន្ទុកអន្តោប្រវេសន៍នៃស្នងការដ្ឋាននគរបាលខេត្តសៀមរាបបានបញ្ជាក់ថាបន្ទាប់ពីកម្លាំងសមត្ថកិច្ចជំនាញបានធ្វើការត្រួតពិនិត្យចំពោះជនជាតិវៀតណាមដែលរស់នៅក្នុងក្រុងសៀមរាបទាំងទីតាំងស្នាក់នៅ ប្រកបអាជីវកម្ម និងបំរើការងារផ្សេងៗទៀត ជាលិទ្ធផលសមត្ថកិច្ចជំនាញបាននាំខ្លួនជនជាតិវៀតណាមដែលមិនទាន់មានឯកសារគ្រប់គ្រាន់ក្នុងការបំពេញបែបបទសុំស្នាក់នៅបានចំនួន១៤នាក់ក្នុងនោះមានជនជាតិអង់គ្លេសភេទប្រុសចំនួន១នាក់ផងដែរ ។
សមត្ថកិច្ចបានបញ្ជាក់ទៀតថាបន្ទាប់ពីបានឃាត់ខ្លួននិងធ្វើការត្រួតពិនិត្យរកមើលឯកសារពីជនអន្តោប្រវេសន៍ខាងលើទាំងអស់ហើយនោះរហូតមកដល់យប់ថ្ងៃទី២៥ខែធ្នូនេះសមត្ថកិច្ចបានទទួលឯកសារមួយចំនួននិងមានជនជាតិវៀតណាមមួយចំនួនទៀតមិនទាន់មានឯកសារគ្រប់គ្រាប់ទៅតាមច្បាប់អន្តោប្រវេនស៍នោះត្រូវបានសមត្ថកិច្ចអោយធ្វើកិច្ចសន្យានិងប្រញាប់ទៅរៀបចំធ្វើឯកសារស្នើសុំអោយត្រូវទៅតាមច្បាប់របស់ប្រទេសកម្ពុជាទើបអាចមករស់នៅក្នុងប្រទេសកម្ពុជាបាន ៕ លោក ខេង ខេមរា
