រថយន្តកូរូលាមូយគ្រឿងបើកក្នុងល្បឿនលឿនជ្រុលបុកម៉ូតូសេ១២៥មួយគ្រឿងត្រង់ចំណុចផ្លូវកែងបណ្តាលឲ្យរងរបួសធ្ងន់ស្រាល៣នាក់ កាលពីវេលាម៉ោង១២និង១០នាទីរំលងអាធ្រាតឈានចូលថ្ងៃទី២ ខែកមករា ឆ្នាំ២០១៥ ចំណុចផ្លូវលេខ៣៦០កែងផ្លូវលេខ១០៥ ស្ថិតក្នុងសង្កាត់បឹងកេងកងទី៣
ខណ្ឌចំការមន បន្ទាប់ពីកើតហេតុ រថយន្តបង្កបានបើកគេចខ្លួនបាត់ស្រមោល។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជន៣នាក់ជិះម៉ូតូមួយគ្រឿងម៉ាកសេ១២៥ ពណ៌ខ្មៅ ពាក់ស្លាកលេខភ្នំពេញ1CB-7338 ធ្វើដំណើរតាមបណ្តោយផ្លូវលេខ១០៥ ក្នុងទិសដៅពីត្បូងទៅជើង ខណៈមកដល់ចំណុចផ្លូវលេខ៣៦០ ស្រាប់តែមានរថយន្តកូរូលាមួយគ្រឿង
មិនចាំស្លាកលេខ ធ្វើដំណើរតាមបណ្តោយផ្លូវលេខ៣៦០ ក្នុងទិសដៅពីកើតទៅលិចក្នុងល្បឿនលឿនបានជ្រុលបុកម៉ូតូពេញទំហឹង បណ្តាលឲ្យរងរបួសធ្ងន់៣នាក់ ហើយរថយន្តបង្កបានបើកគេចខ្លួនបាត់ស្រមោលតែម្តង។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅសង្គ្រោះនៅមន្ទីរពេទ្យភ្លាមចំណែកម៉ូតូត្រូវបានមិត្តមកទទួលយកទៅវិញដោយសារតែរថយន្តបង្ករត់បាត់ទើបជនរងគ្រោះមិនដាក់ពាក្យបណ្តឹង ៕
