សៀមរាប: ជនសង្ស័យទាំង៤នាក់នេះក្នុងនោះមាននារីម្នាក់បច្ចុបន្បន្នមានទីលំនៅក្នុងភូមិបន្ទាយចាស់ សង្កាត់ស្លក្រាមក្រុងសៀមរាប ត្រូវបានកម្លាំងនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបើកយុទ្ធនាការធ្វើការបង្ក្រាបដល់ក្នុងផ្ទះគណះពេលដែលពួកគេ
កពុងតែនាំគ្នាផឹកស៊ីយ៉ាងសប្បាយជាមួយនិងបក្សពួក។លោកវរសេនីយ៍ឯក អ៊ុំ អមរា ស្នងការរងនិងជាប្រធានការិយាល័យកណ្តាលនគរបាលប្រឆាំងបទល្មើសនៃស្នងការដ្ឋាននគរបាលខេត្តសៀមរាបនិងលោកវរសេនីយ៍ត្រី អ៊ុំ សាអាត នាយការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបដែលបានដឹកនាំកម្លាំងនគរបាលក្នុងអង្គភាពសហការណ៍ជាមួយកម្លាំងប៉ុសិ៍្តនគរបាលរដ្ឋបាលសង្កាត់ស្លក្រាម ក្រុងសៀមរាប នៅនិងកន្លែងកើតហេតុបានមានប្រសាសន៍ឲ្យដឹងថាបន្ទាប់ពីសមត្ថកិច្ចជំនាញរបស់លោកបានធ្វើការតាមដានស្រាវជ្រាវនិងកំណត់មុខសញ្ញាបានហើយនោះទើបកម្លាំងសមត្ថកិច្ចយើងឈានដល់ការចាប់ឃាត់ខ្លួនជនសង្ស័យទាំង៤នាក់នេះបានព្រមទាំងបានធ្វើការឆែកឆេរនៅក្នុងផ្ទះរបស់ជនសង្ស័យដោយសមត្ថកិច្ចបានរកឃើញដាវសាំម៉ូរៃចំនួន៦ដើមដែលពួកគេបានសារភាពថាទុកសម្រាប់ដាក់តាមម៉ូតូការពារខ្លួន នៅពេលដែលពួកធ្វើសកម្មភាពចែកចាយគ្រឿងញៀនខុសច្បាប់ នោះ ។
សមត្ថកិច្ចបានបន្តឲ្យដឹងទៀតថា បន្ទាប់ពីបានធ្វើការត្រួតពិនិត្យនិងធ្វើការឆែកឆេខ្លួនជនសង្ស័យនិងគ្រប់ទីកន្លែងក្នុងផ្ទះជនសង្ស័យហើយនោះសមត្ថកិច្ចយើងមិនទាន់បានរកឃើញគ្រឿងញៀនខុសច្បាប់នៅឡើយនោះទេដោយជនសង្ស័យមិនទាន់សារភាពថាពួកគេយកទៅលាក់ទុកនៅកន្លែងណា ។បើទោះបីជាសមត្ថកិច្ចជំនាញបានកំណត់មុខសញ្ញាថាជនសង្ស័យទាំង៤នាក់នេះគឺជាមុខសញ្ញាប្រើប្រាស់និងជួញដូរនូវសារធាតុញៀនខុសច្បាប់យ៉ាងណាក៏ដោយ ។បច្ចុប្បន្នជនសង្ស័យទាំង៤នាក់ត្រូវបានកម្លាំងនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបឃាត់ខ្លួនយកមកកាន់ការិយា័លជំនាញដើម្បីធ្វើការសួរនាំបន្ត និងចំណាត់ការទៅតាមនិតិវិធី។
ដោយហេតុការណ៍នេះបានកើតឡើងកាលពីល្ងាចថ្ងៃទី១៨ខែមីនាឆ្នាំ២០១៤នេះដោយនៅក្នុងកិច្ចចុះប្រតិបត្តិការណ៍នោះសមត្ថកិច្ចយើងក៏បានធ្វើការសំណូមពរសូម ដល់គ្រប់ប្រព័ន្ធផ្សព្វផ្សាយទាំងអស់សូមជួយធ្វើការផ្សព្វផ្សាយបន្តសូមឲ្យបងប្អូនប្រជាពលរដ្ឋពិសេសគឺយុវជន យុវនារី ទាំងឡាយកំចាញ់បោកការអូសទាញរបស់ជនខិលខូចថាការប្រើប្រាស់គ្រឿងញៀនខុសច្បាប់គ្រប់ប្រភេទជាឱសថមួយដែលអាចព្យាបាលជម្ងឺឫក៏អាចកែសម្ឆស្សធ្វើឲ្យមានភាពស្រស់ស្អាតនោះផ្ទុយទៅវិញការប្រើប្រាស់គ្រឿងញៀនខុសច្បាប់គ្រប់ប្រភេទគឺធ្វើឲ្យយើងខូចសុខភាពនិងប៉ះពាល់ដល់អាយុជីវិតនិងហានឈានដល់ការប្រព្រឹត្តបទល្មើសគ្រប់ប្រភេទផងដែរ ។ដូចច្នេះសូមឲ្យបងប្អូនប្រជាពលរដ្ឋពិសេសគឺយុវជន យុវនារី ទាំងអស់ត្រូវចៀសឲ្យឆ្ងាយនិងត្រូវឆ្លើយថាទេចំពោះគ្រឿងញៀនខុសច្បាប់គ្រប់ប្រភេទ ។
ដោយឡែកនៅព្រឹកថ្ងៃទី១៩ខែមីនាឆ្នាំ២០១៤នេះដើម្បីអនុវត្តឲ្យកាន់តែមានប្រសិទ្ធភាពខ្ពស់ក្នុងការអនុវត្តគោលនយោបាយភូមិឃុំមានសុវត្ថិភាពនោះជាក់ស្តែងកម្លាំងនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបក៏បានបន្តការសហការណ៍គ្នាជាមួយកម្លាំងប៉ុសិ៍្តនគរបាលរដ្ឋបាលសង្កាត់គោកចក ក្រុងសៀមរាប ធ្វើការបង្ក្រាបករណីចំពោះអ្នកដែលបានលួចលាក់ដាំដើមរុក្ខាជាតិញៀនប្រភេទកញ្ជាបានចំនួន១១ដើមនៅក្នុងបរិវេណផ្ទះដែលមានទីតាំងស្ថិតនៅក្នុងភូមិទក្សិនត្បួង សង្កាត់គោកចក ក្រុងសៀមរាបផងដែរ។បច្ចុប្បន្នជនដែលបានលួចដាំដើមរុក្ខាជាតិញៀនប្រភេទកញ្ជាភេទប្រុសអាយុ៤២ឆ្នាំនេះត្រូវបានសមត្ថកិច្ចនាំខ្លួនយកមកកាន់ការិយា័លជំនាញដើម្បីធ្វើការសួរនាំបន្ត និងចំណាត់ការទៅតាមនិតិវិធី ៕
