ឆ្លងកាត់ការប្រកួតចំនួនពីរគូរទៀតកាលពីយប់មិញនេះ គេបានរកឃើញក្រុមដែលត្រូវឡើងទៅវគ្គបន្តនៅក្របខណ្ឌ Champions League ទៀតហើយគឺ Chelsea និង Real Madrid ។
Chelsea ធ្វើបានយ៉ាងល្អនៅក្នុងផ្ទះរបស់ខ្លួនឯងដោយបានយកឈ្នះលើក្រុមភ្ញៀវ Galatasaray ក្នុងលទ្ធផល ២-០ ។ សរុបទាំងពីរជើង Chelsea ឈ្នះ ៣-១ ។ ចូលលេងបានតែ ៤ នាទីប៉ុណ្ណោះ ខ្សែប្រយុទ្ធអន្តរជាតិកាម៉េរូន Samuel Eto បានរកគ្រាប់បាល់ឲ្យម្ចាស់ផ្ទះនាំមុខ ១-០ ។ ៣ នាទីមុនបញ្ចប់ការប្រកួត ខ្សែការពារ Gary Cahill បានរកគ្រាប់បាល់ ១ គ្រាប់ទៀតឲ្យ Chelsea នាំមុខ ២-0 ។ ចូលតង់ទី ២ ក្រុមទាំងពីរមិនអាចធ្វើអ្វីគ្នាបានទេ បញ្ចប់ការប្រកួត Chelsea ឈ្នះ ២-០ ។
ចំណែកឯការប្រកួតនៅទឹកដីអេស្ប៉ាញឯណោះវិញ ម្ចាស់ផ្ទះ Real Madrid បានបន្តជ័យជម្នះរបស់ខ្លួនដោយបានយកឈ្នះ Schalke ក្នុងលទ្ធផល ៣-១ ។ សរុបទាំងពីរជើង Real Madrid ឈ្នះ ៩-២ ។ កំពូលខ្សែប្រយុទ្ធអន្តរជាតិព័រទុយហ្គាល់ Cristiano Ronaldo ស៊ុតបាន ២ គ្រាប់ម្នាក់ឯងគឺនៅនាទីទី ២១ និង ៧៤ ចំណែកយុវជនរបស់អេស្ប៉ាញ Alvaro Morata រកបាន១គ្រាប់់នៅនាទី ៧៥ ។ ចំណែក ១ គ្រាប់របស់ក្រុមភ្ញៀវ Schalke គឺរកបានដោយកីឡាករ Tim Hoogland នៅនាទីទី ៣១ ។
គួរបញ្ជាក់ថា នៅយប់នេះក៏មានការប្រកួតពីរគូទៀតផងដែរគឺជំនួបរវាងក្លិបអង់គ្លេស Manchester United ទទួលភ្ញៀវ Olympiakos របស់ក្រិកនិង Dortmundរបស់អាល្លឺម៉ង់ បើកទ្វាផ្ទះស្វាគមន៍ក្រុមមកពីរុស្ស៊ី Zenit ៕
