ភ្នំពេញ ៖ហេតុការណ៍ភ្ញាក់ផ្អើលមួយបានកើតឡើងដោយសារ គូរដណ្តឹងមួយគូរ ជិះម៉ូតូឌុបគ្នាចេញពីដើរ កម្សាន្ត ក្នុងរាជធានីភ្នំពេញ បំណងត្រឡប់ទៅផ្ទះ ប៉ុន្តែពេលធ្វើដំណើរដល់មុខផ្ទះក្រុមជនរងគ្រោះកំពុងបើកទ្វារបំណង ចូលផ្ទះ ត្រូវក្រុមចោរប្លន់ប្រដាប់មានគ្នា ២នាក់ ជិះម៉ូតូស្តុប
ពីមួយគ្រឿងមកធ្វើសកម្មភាពភ្ជង់នឹងបាញ់ចំនួន ២គ្រាប់គំរាមជនរងគ្រោះប្លន់យកម៉ូតូសេ ១២៥ តែមិនបានសម្រេច ។ ហេតុការណ៍នេះកើតឡើងកាលពីវេលា ម៉ោង ២០ នឹង ៣០ នាទីយប់ថ្ងៃទី ១៩ ខែមីនា ឆ្នាំ ២០១៤ ស្ថិតនៅផ្លូវបេតុងភូមីភ្នៀត សង្កាត់ស្ទឹងមានជ័យ ខណ្ឌមានជ័យ។
ជនរងគ្រោះខាងលើមានឈ្មោះ សយ ដាឡែន ភេទស្រី នឹងម្នាក់ទៀតឈ្មោះតូច សង្វា ភេតប្រុស អាយុ ៣០ ឆ្នាំ ស្នាក់នៅផ្ទះជួល ភូមិត្រពាំងឈូក សង្កាត់ទឹកថ្លា ខណ្ឌសែនសុខ បានជិះម៉ូតូសេ ១២៥ ពណ៌ខ្មៅ ពាក់ស្លាកលេខ ភ្នំពេញ 1CC 7867 ស៊េរី ២០១៤ ។ មុនពេលកើតហេតុភាគីខាងប្រុស បានជិះម៉ូតូ សេ ១២៥ ពីផ្ទះរបស់ខ្លួននៅខណ្ឌសែនសុខ មកទទួលនារីជាគូដណ្តឹងនៅសង្កាត់ស្ទឹងមានជ័យខណ្ឌមានជ័យ ប៉ុន្តែពេល មកដល់មុខផ្ទះនារីជាគូដណ្តឹង ឈ្មោះ តូច សង្វា បានគោះទ្វារឲ្យគូរដណ្តឹងរបស់ខ្លួនបើកទ្វារដើម្បីចេញក្រៅ ។ ប៉ុន្តែពេលនោះស្រាប់តែមានជនសង្ស័យ២នាក់ ស្លៀកពាក់ស៊ីវិល ប្រដាប់ដោយកាំភ្លើងខ្លីមួយដើម ជិះម៉ូតូស្តុបពី ពណ៌សគ្មានស្លាកលេខ មួយគ្រឿង មកឈប់ធ្វើសកម្មភាពភ្ជង់ឈ្មោះតូច សង្វា គំរាមប្លន់យកម៉ូតូ តែដោយសារ ជនរងគ្រោះមិនប្រគល់ឲ្យក៏បណ្តាលឲ្យ ក្រុមចោរប្លន់ផ្ទុះហឹង្សាបាញ់ចំនួន ២គ្រាប់ឡើងលើក ហើយក្រុមចោរប្លន់ បានប្រទូស្តរាយនឹងដណ្តើមយកខ្សែកមួយខ្សែពីនារីឈ្មោះ សយ ដាឡែន រួចក្រុមចោរប្លន់ក៏នាំគ្នាជិះម៉ូតូគេច ខ្លួនបាត់ស្រមោល ដោយសារពេលនោះមានអ្នកដំណើរច្រើនពេក ធ្វើដំណើរឆ្លងកាត់ទីនោះ ។
ក្រោយកើតហេតុសមត្ថកិច្ចមូលដ្ឋានបានចុះអន្តាគមន៍នឹងណែនាំជនរងគ្រោះឲ្យទៅដាក់ពាក្យបណ្តឹង នៅទីស្នាក់ការនគរបាលប៉ុស្តិ៍ស្ទឹងមានជ័យ ដើម្បីងាយស្រួលសមត្ថកិច្ចក្នុងការស្រាវជ្រាវតាមចាប់ក្រុមចោរប្លន់ យកមកផ្តន្ទាទោសតាមផ្លូវច្បាប់។
ដោយឡែកចំពោះករណីប្លន់ប្រដាប់អាវុធមួយកន្លែងទៀតបានកើតឡើងចន្លោះគ្នាប្រហែល១៥នាទីដែលស្ថិតនៅចំណុចផ្លូវ ៣៧១ ភូមិទ្រា៤ សង្កាត់ស្ទឹងមានជ័យ ខណ្ឌមានជ័យ ដោយក្រុមចោរបានបាញ់ប្លន់ម៉ូតូមួយគ្រឿងម៉ាកសង់ឌ្រីមC125 ពណ៌ខ្មៅ ស៊េរី២០១៤ ពីបុរសម្នាក់ពេលដែលកំពុងដឹកប្រពន្ធទៅផ្ទះបានសំរេច ដោយក្រុមចោរប្រដាប់អាវុធប្រើកាំភ្លើងខ្លីមួយដើមមិនស្គាល់ម៉ាក បានបាញ់២គ្រាប់ត្រូវជនរងគ្រោះមួយគ្រាប់ចំចង្កេះពីក្រោយបៀមគ្រាប់ជាប់បណ្ដាលអោយរងរបួសធ្ងន់ហើយក្រុមចោរប្រដាប់អាវុធនោះបានយកម៉ូតូជិះគេចខ្លួនដោយសុវត្តិភាព។
ចំពោះជនរងគ្រោះខាងលើនេះត្រូវបានគេស្គាល់ឈ្មោះ លី វីឡន អាយុ២៥ឆ្នាំហើយនៅមុនពេលកើតហេតុរូបគេបានជិះម៉ូតូជាមួយនិងប្រពន្ធក្នុងបំណងជិះត្រឡប់ទៅផ្ទះ ខណៈមកដល់ចំណុចកើតហេតុខាងលើក៏ស្រាប់តែមានជនសង្ស័យ២នាក់ជិះម៉ូតូសង់ឌ្រីមC125 ពណ៌ខ្មៅ មិនស្គាល់ស្លាកលេខ បានធ្វើសកម្មភាពដកកាំភ្លើងមួយដើមមិនស្គាល់ម៉ាកបាញ់២គ្រាប់សំដៅបុរសរងគ្រោះដែលកំពុងជិះម៉ូតូនោះបណ្ដាលអោយត្រូវមួយគ្រាប់ចំចង្កេះបញ្ឆិតបៀមគ្រាប់ជាប់ ហើយក៏ធ្វើអោយជនរងគ្រោះដួលម៉ូតូ រួចជនល្មើសបានលើកម៉ូតូជនរងគ្រោះជិះចេញពីកន្លែងកើតហេតុបាត់ដោយសុវត្តិភាពតែម្ដង។
ចំពោះហេតុការណ៍ប្លន់ប្រដាប់អាវុធ២ករណីខាងលើនេះត្រូវបានគេសន្និដ្ឋានថា ជនល្មើសដែលក្រុមចោរខាងលើនេះជនមនុស្សតែមួយ ដែលក្រុមចោរនេះធ្វើសកម្មភាពប្លន់មួយកន្លែងចង់យកម៉ូតូតែមិនបានហើយជិះគេចខ្លួន ប្រទះឃើញជនរងគ្រោះនៅកន្លែងផ្សេងក៏ឆ្លៀតឱកាសធ្វើសកម្មភាពម្ដងទៀតបាញ់ប្លន់ជនរងគ្រោះយកម៉ូតូបានសម្រេចតែម្ដងក៏ប៉ុន្តែសមត្ថកិច្ចបានត្រឹមតែមកកន្លែងកើតហេតុមើលប៉ុណ្ណោះ៕