ប៉ោយប៉ែត៖ នាព្រឹកថ្ងៃទី២០ខែមិនាឆ្នាំ២០១៤នៅសណ្ឋាគារលីហេងឆាយស្ថិតនៅក្រុងប៉ោយប៉ែតខេត្តបន្ទាយមានជ័យមានបើកកិច្ចប្រជុំមួយស្តីពីលទ្ធផលការងារឆ្នាំ២០១៣និងទិសដៅថ្មីសម្រាប់ឆ្នាំ២០១៤ក្រោមអធិបតិភាពដ៏ខ្ពងខ្ពស់ឯកឧត្តម ឧត្តមសេនីយ៏ឯក សៀក សុជាតិ នាយរងសេនាធិការចំរុះនិងជានាយកទីចាត់ការការងារព្រំដែនជាអគ្គបញ្ជាការដ្ឋាន ។
នៅក្នុងកិច្ចប្រជុំបូកសរុបការងារនោះលោកឧត្តមសេនីយ៏ទោ ពេជ្រ វណ្ណា នាយករងទីចាក់ការការងារព្រំដែននិងជាប្រធានការិយាល័យទំនាក់ទំនាក់ទំនងព្រំដែនកម្ពុជាថៃ បានធើ្វបទបញ្ហាញអំពីលទ្ធផលការងារ របស់ការិយាល័យទំនាក់ទំនងព្រំដែនកម្ពុជាថៃ ជូនគណអធិបតិថា៖ច្រកព្រំដែនអន្តរជាតិដែលប្រឈមនិងប្រទេសថៃមានចំនួន០៦ច្រកច្រករបៀងនិងតំបន់តាមបន្ទាត់ព្រំដែនកម្ពុជាថៃមានចំនួន២៣ច្រក ។
លោកឧត្តមសេនីយ៏បានបន្តទៀតថា៖តំបន់ដែលការិយាល័យទំនាក់ទំនងព្រំដែនកម្ពុជាថៃគ្រប់គ្រងនោះគឺចាប់ពីច្រកចាំយាម ទឹកដីខេត្តកោះកុងរហូលទល់និងច្រកអានសេះទឹកដីនៃខេត្តព្រះវិហារ ។
នៅក្នុងឆ្នាំ២០១៣កន្លងមកបើយោងតាមរបាយការណ៏ដែលបានបង្ហាញដោយការិយាល័យទំនាក់ទំនងព្រំដែនកម្ពុជាថៃគឺពលរដ្ឋខ្មែរត្រូវបានបាញ់សម្លាប់ដោយទាហានថៃសរុប៣៩នាក់ រងរបួសចំនួនធ្ងន់និងស្រាលចំនួន១៥នាក់ ក្នុងនោះមានការចាប់ខ្លួនជាច្រើននាក់ទៀតបញ្ហាទាំងនេះបណ្តាលមកពីពលរដ្ឋកម្ពុជា យើងចូលទៅកាប់ឈើក្រញូងខុសច្បាប់នៅក្នុងទឹកដីរបស់ប្រទេសថៃ ។
លោកឧត្តមសេនីយទោ ពេជ្រ វណ្ណា បានលើកឡើងអំពីការងារទំនាក់ទំនងរវាងភាគីកម្ពុជានិងថៃតាមបណ្តាច្រកអន្តរជាតិនានាគឺក្រុមការងាររបស់លោកបានសហការបានល្អជាមួយនិងមន្ត្រីនៃការិយាល័យទំនាក់ទំនងព្រំដែនខាងភាគីថៃ ។ ជាងនេះទៅទៀតលោកឧត្តមសេនីយ៏ទោប្រធានការិយាល័យបានលើកអំពីផលលំបាកមួយចំនួនដែលក្រុមការងាររបស់ការិយាល័យធ្លាប់បានជួបប្រទះនាកាលកន្លងមករួមមាន៖ការរារាំងពីសំណាក់នគរបាលការពារព្រំដែនគោកវរសេនាតូច
លេខ៩១១ឈរជើងនៅក្រុងប៉ោយប៉ែតដែលមានលោកវរសេនីយ៏ទោសូចាន់ណារី ជាមេបញ្ជាការ បានឃាត់និងចាប់មន្ត្រីការិយាល័យទំនាក់ទំនងព្រំដែកកម្ពុជាថៃចំនួនមួយលើក កាលពីឆ្នាំ២០១២កន្លងទៅ ពាក់ពន្ធ័និងករណីក្រុមការងារការិយាល័យចុះយកព័ត៌មានតាមបន្ទាត់ព្រំដែនកម្ពុជាថៃក្នុងការទប់ស្កាត់ចំណាកស្រុកខុសច្បាប់របស់ពលរដ្ឋកម្ពុជា នៅឆ្នាំ២០១៣និង២០១៤នគរបាលការពារព្រំដែនគោកវរសេនាតូចលេខ៩១១ដដែលបានបន្តការរារាំងក្រុមការងារការិយាល័យទំនាក់ទំនងព្រំដែនកម្ពុជាថៃ មិនឲ្យលើកស្លាកស្នាក់ការការិយាល័យនៅក្នុងភូមិក្បាលស្ពាន១សង្កាត់និងក្រុងប៉ោយប៉ែត ខេត្តបន្ទាយមានជ័យ ដោយលើកហេតុផលថា ជាតំបន់គ្រប់គ្រងដោយនគរបាល ។
បន្ទាប់ពីបានរាយការណ៏ជូនគណអធិបតិមក ក្រុមការងាររបស់មន្ត្រីការិយាល័យបានាទំនាក់ទំនងព្រំដែនកម្ពុជាថៃបានតាំងចិត្តលើកកម្ពស់ការងារទំនាក់ទំនងរវាងសម្ថកិច្ចកម្ពុជានិងថៃឲ្យរឹងរិតទទួលបានលទ្ធផលល្អប្រសើរជាងមុន ដើម្បីបុព្វហេតុបំរើផលប្រយោជន៏ជូនប្រជាជាតិនិងសង្គម ។
ជាទីបញ្ចប់នៃអង្គប្រជុំ លោកឧត្តមសេនីយ៏ឯក សៀក សុជាតិ នាយសេនាធិការចំរុះនិងជានាយកទីចាត់ការការងារព្រំដែន អគ្គបញ្ជាការដ្ឋានបានលើកឡើងនិងកោតសសើរចំពោះកិច្ចខិតខំប្រឹងប្រែងរបស់ប្រធានការិយាល័យទំនាក់ទំនងព្រំដែនកម្ពុជាថៃ ក្រោមការដឹកនាំដោយឧត្តមសេនីយ៏ទោ ពេជ្រ វណ្ណា ថាធើ្វការបានល្អជាមួយភាគីថៃ ជាពិសេស់ការងារគ្រប់គ្រងអង្គភាពនៅតាមបណ្តាច្រកមួយចំនួន ។
សម្រាប់ឆ្នាំខាងមុខ លោកឧត្តមសេនីយ៏ឯក សៀក សុជាតិ ក្នុងនាមជានាយកទីចាត់ការការងារព្រំដែននឹងមានការបើកវគ្គសាលាគ្រប់គ្រង ដល់នាយទាហានដើម្បីឲ្យបានរៀនសូត្រនូវជំនាញចំណេះព្រោះសម័យនេះយើងត្រូវការឲ្យមន្ត្រីរបស់យើងមានចំណេះដឹងកាន់ខ្ពស់ថែមទៀត។ លោកថា៖គ្មានអ្វីដែលមិនរៀនហើយចេះនោះទេមនុស្សយើងនេះរៀនជារៀងរហូតលុះដល់ជីវិតសូន្យទើបឈប់រៀន ។
បន្ទាប់ពីបានសំណេះសំណាលជាមួយមន្ត្រីក្រោមឳវាទ លោកឧត្តមេសនីយ៏ឯក បានបញ្ជាក់អំពីកិច្ចការងារដែលនឹងត្រូវដោះស្រាយនាពេលខាងមុខគឺលោកឧត្តមសេនីយ៏ឯកនឹងប្រឹងប្រែងព្យាយាមជូបជាមួយ លោកឧត្តមសេនីយ៏ឯក សឹម សុផល អគ្គស្នងការរងនគរបាលជាតិទទួលបន្ទុកការងារព្រំដែនដើម្បីពិភាក្សារកយន្តដោះស្រាយសហការការងារ រវាងនគរបាលវរការពារព្រំដែនគោកនិងមន្ត្រីការិយាល័យទំនាក់ទំនងព្រំដែនកម្ពុជាថៃឲ្យចុះនិងគ្នាទៅថ្ងៃអនាគត់ ។