ខេត្តសៀមរាប៖ កម្លាំងកងរាជអាវុធហត្ថរួមនិងមន្ត្រីរដ្ឋបាលព្រៃឈើសៀមរាប បានដេញព័ទ្ធ ចាប់រថយន្តសេរីទំនើប១គ្រឿង ដែលបានកាងរថយន្តដឹកឈើក្រញូងហើយបើកបុកមនុស្សម្នាក់ឲ្យស្លាប់។
ប្រតិបត្តិការណ៍នេះធ្វើឡើងកាលពីរព្រឹកថ្ងៃទី២៨ មករា ឆ្នាំ២០១៥ នៅភូមិតាកុះ ឃុំខ្នារ សណ្ដាយ ស្រុកបន្ទាយស្រី ខេត្តសៀមរាប។
ប្រភពពីរមន្ត្រីកងរាជអាវុធហត្ថបានឲ្យដឹងថា មុនពេលកើតហេតុមានរថយន្តមួយគ្រឿងម៉ាក លុចស៊ិសRX ៣០០ បានដឹកឈើក្រញូងឆ្លងកាត់ស្រុកស្វាយលើ ប៉ុន្តែដោយមកដល់ស្រុក ស្វាយលើរថយន្តដឹកឈើនោះបានបត់ក្រោយគេចទៅតាមផ្លូវកន្ទួតខ្នារក្រៅ ឆ្ពោះទៅតាមស្រុកបន្ទាយស្រី លុះទៅដល់មុខសង្កាត់រដ្ឋបាលព្រៃឈើកន្ទួតខ្នារក្រ រថយន្តដឹកឈើក្រញូងបានបើកបំបុកប៉ារ៉ាស់របស់មេព្រៃហើយបន្តបើកគេចបាត់ស្រមោលតែម្ដង។
មន្ត្រីអាវុធហត្ថបន្ថែមថា ក្រោយរថយន្តដឹកឈើក្រញូងបើកគេចបាត់នោះក៍មានរថយន្តម៉ាក ហាយលិនឌ័រមួយគ្រឿងទៀតបើកកាងសមត្ថកិច្ចដែលតាមព័ទ្ធចាប់ លុះមកដល់មុខអធិការនគរបាលស្រុកបន្ទាយស្រី រថយន្តដែលកាងនោះបានបើកមុខមនុស្សម្នាក់ ដែលកំពុងតែជិះម៉ូតូបណ្តាលឲ្យស្លាប់ផងដែរ។
ប្រភពដដែលបន្ថែមថា ក្រោយរថយន្តបើកកាងរថយន្តដឹកឈើក្រញូងបើកបុកមនុស្សរួច មិនបានឈប់នោះទេ គឺបានបើកបន្តទៅមុខរហូតដល់ភូមិតាកុះតៃកុងឈប់ហើយបើកទ្វារត់គេចខ្លួនតែម្ដង។
ប្រភពបន្តថា រថយន្តដែលកាងឈើបើកបុកមនុស្សនោះម៉ាកហាយលិនឌ័រពាក់ស្លាកលេខ ភ្នំពេញ២AC ០៦៣៦ ព័ណទឹកប្រាក់ដោយឡែករថយន្តដឹកឈើក្រញូងនោះបានបែកកង់ពេលនេះកម្លាំងមេព្រៃកំពុងតែរុករកបន្ត ចំណែកមនុស្សដែលរថយន្តកាងបុកនោះបានស្លាប់ភេទប្រុសអាយុ១៩ឆ្នាំ៕