ភ្នំពេញ : គ្រោះថ្នាក់ចរាចរមួយ បង្ករឡើងដោយរថយន្តដឹកដីបើកបរលឿន ជ្រុលទៅបុករថយន្តកាមរី ឆ្លាមពីក្រោយពេញទំហឹង បណ្តាលអោយរថយន្តកាមរី ឆ្លាមខ្ទាតឡើងទៅគងលើ របាំងថ្មពុះចែកទ្រូងផ្លូវ រងការខូចខាតមួយកំណាត់ ខាងក្រោយ ។ករណីគ្រោះថ្នាក់ចរាចរនេះ កើតឡើង កាលវេលាម៉ោង ១១ ថ្ងៃទី៣០ ខែមករា ឆ្នាំ២០១៥ ស្ថិតនៅលើកំណាត់ផ្លូវជាតិលេខ២ ក្នុងភូមិព្រែកតាឡុង សង្កាត់ចាក់អង្រែក្រោម ខណ្ឌមានជយ័ជិតរង្វង់ មូលព្រះនរាយណ៍ ។
មន្ត្រីនគរបាលមូលដ្ឋាន បានអោយដឹងថា អ្នកបើកបររថយន្តកាមរីឆ្លាមឈ្មោះ ទិត្យ ប៊ុនរី ភេទប្រុស អាយុ ២៥ឆ្នាំ ស្នាក់នៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ មុខរបរបើករថយន្តក្រុមហ៊ុន ។ ចំណែកអ្នកបើករថយន្តបង្កឈ្មោះ ណាង អាយុ២៥ឆ្នាំ ស្នាក់នៅភូមិព្រែកហូ សង្កាត់-ក្រុងតាខ្មៅ ខេត្តកណ្តាល ។
តាមអ្នកសាក្សីឃើញហេតុការណ៍ បាននិយាយថា មុនពេលកើតហេតុ ឃើញរថយន្តបង្ក និងរថយន្តរងគ្រោះ បើកស្របទិសគ្នា ក្នុងទិសដៅ ពីខេត្តកណ្តាលចូលក្រុង ភ្នំពេញ ខណ:មកដល់ចំណុចកើតហេតុ ស្រាប់តែមាន រថយន្តមួយគ្រឿងមិនស្គាល់ ម៉ាក តប់ឆ្វេងឆ្លងផ្លូវពីមុខ រថយន្តរងគ្រោះ ខណ:នោះ រថយន្តរងគ្រោះ ក៏បានជាន់ ហ្វ្រាំងឈប់ ស្រាប់តែរថយន្ត ដឹកដី ដែលកំពុងបើកតាម ក្រោយក៏ជ្រុលបុករថយន្ត កាមរីឆ្លាមពីក្រោយយ៉ាង ពេញទំហឹងតែម្តង បណ្តាលអោយរថយន្តកាមរីឆ្លាម រងការខូចខាតរួញចូលគ្នាមួយកំណាត់ក្រោយទាំងស្រុង ប៉ុន្តែមិនមានអ្នកណាម្នាក់ នៅក្នុងរថយន្តកាមរីឆ្លាមរងគ្រោះ ថ្នាក់នោះទេ ។
ក្រោយកើតហេតុ ភាគីរថយន្តដឹកដី បានចេញមក សម្របសម្រួល សុំដោះ ស្រាយសងសំណងដល់រថយន្តកាមរីឆ្លាមរងគ្រោះ ប៉ុន្តែក្នុងករណីគ្រោះថ្នាក់ ចរាចរនេះ បានបង្កអោយខូច របាំងថ្មចែកទ្រូងផ្លូវ របស់សាលារាជ ធានីភ្នំពេញនោះ ទើបសមត្ថកិច្ច ចរាចរខណ្ឌមានជ័យ ចុះវាស់វែង និងធ្វើការបញ្ជូនរថយន្តទាំង២ ទៅការិយាល័យចរាចរផ្លូវ គោករាជធានី ដើម្បីដោះស្រាយបន្ត ៕