ភ្នំពេញ ៖ មនុស្ស៦នាក់បានរងរបួសធ្ងន់និងស្រាល ក្នុងករណីគ្រោះថ្នាក់ចរាចរណ៍រមួយវាងរថយន្ដ ២គ្រឿងបើកបុកគ្នាចំពីមុខពេញទំហឹង ដោយសារតែអ្នកបើកបររថយន្ដ តួរីសមិនប្រយ័ត្នបើកជែងក្នុងស្ថានភាពផ្លូវមានឧបស័គ្គ រំលោភចូលចំណែក ផ្លូវខាងរថយន្ដដឹកដី ។
ករណីគ្រោះថ្នាក់ចរាចរណ៏រវាងរថយន្ដ២គ្រឿងបុក គ្នានេះ បានកើតឡើងនៅវេលាម៉ោង ៧ និង៣០នាទីព្រឹក ថ្ងៃទី៣០ ខែមករា ឆ្នាំ ២០១៥ នៅលើផ្លូវជាតិលេខ១ ភូមិក្ដី តាកុយ សង្កាត់វាលស្បូវ ខណ្ឌច្បារអំពៅ ។
ជនរងគ្រោះទាំង៦នាក់បានជិះនៅលើរថយន្ដ ម៉ាកស្ដារិច ពាក់ស្លាកលេខភ្នំពេញ 2U-2203 បើកបរដោយឈ្មោះ លី ភា ភេទ ប្រុស អាយុ៤៥ឆ្នាំ មានទីលំនៅក្នុងខេត្ដ ស្វាយរៀង រងរបួសរយះជើងខាងឆ្វេង ក្នុងនោះអ្នករួមដំណើរ៥នាក់រងរបួសធ្ងន់ ស្រាលទាំងអស់មាន១-ឈ្មោះ កង់ សាវ៉ាត ភេទស្រី អាយុ៥២ឆ្នាំ មានទីលំនៅ សង្កាត់កាកាប ខណ្ឌពោធិ៍សែនជ័យ ២-ឈ្មោះ ពិន ថុល ភេទប្រុស អាយុ២០ឆ្នាំ ៣-ឈ្មោះ ពិន ចន្ធី ភេទស្រី អាយុ១៨ឆ្នាំ ៤-ឈ្មោះ ពិន ហុន ភេទស្រី អាយុ១៦ឆ្នាំ ទាំង៣នាក់ជាបងប្អូនបង្កើតគ្នា មានទី លំនៅភូមិឧដុង្គ ឃុំព្រៃកំបៅ ស្រុកពាម ជរ ខេត្ដព្រៃវែង និងទី៥-ឈ្មោះ ស៊ឹម ដា ភេទស្រី អាយុ៦៨ឆ្នាំ មានស្រុកកំណើត ខេត្ដកំពង់ធំ ។
រីឯរថយន្ដមួយគ្រឿងទៀត ជាប្រភេទរថយន្ដដឹកដីធុនធ្ងន់ម៉ាកសាំយ៉ុង ពាក់ស្លាកលេខ ក-៨២១០ ភព៣។
ពាក់ព័ន្ធករណីគ្រោះថ្នាក់ចរាចរណ៍ នេះ លោក ហ៊ុល ផាន់ណា នាយរងផ្នែកសណ្ដាប់ធ្នាប់ចរាចរខណ្ឌច្បារអំពៅដែល ចុះទៅពិនិត្យកន្លែងកើតហេតុបានឱ្យដឹងថា តាមសាក្សីដែលឃើញហេតុការណ៍ ដំបូងឡើយរថយន្ដដឹកដីបើកក្នុងទិសដៅ ពីភ្នំពេញទៅកៀនស្វាយក្នុងគន្លងផ្លូវ របស់ខ្លួន ។ ចំណែករថយន្ដស្ដារិចដឹក អ្នកដំណើរក្នុងទិសដៅបញ្ច្រះទិសគ្នា ពីកៀន ស្វាយមកភ្នំពេញ មកដល់ចំណុចកើត ហេតុរថយន្ដតួរីសបានបើកជែងរថយន្ដ មួយគ្រឿងទៀតនៅពីមុខ ហើយបែកកង់ បណ្ដាលឱ្យទាញចង្កូតទៅបុកចំពីមុខ រថយន្ដដឹកដីពេញទំហឹងបណ្ដាលឱ្យរង របួសធ្ងន់ស្រាល៦នាក់ដែលសុទ្ធសឹងតែ ជិះក្នុងរថយន្ដស្ដារិច ។
លោកបានបន្ដថា បើតាម ការវាស់វែងនៅចំណុចគ្រោះថ្នាក់ គឺបង្ក ឡើងដោយរថយន្ដទួរីសដឹកអ្នកដំណើរ បើកជែងក្នុងស្ថានភាពផ្លូវគ្រោះថ្នាក់ ហើយរំលោភលើចំណែកផ្លូវរថយន្ដដឹក ដីទើបបង្កគ្រោះថ្នាក់ចរាចរណ៍ ។
ក្រោយកើតហេតុ រថយន្ដទាំង២គ្រឿង ត្រូវសមត្ថកិច្ចយកទៅរក្សាទុកនៅការិយាល័យនគរបាលចរាចរណ៍ផ្លូវគោករាជធានី ភ្នំពេញ ដើម្បីដោះស្រាយតាមច្បាប់ ។ ដោយឡែកអ្នករបួសទាំង៦នាក់ ដឹកមក ព្យាបាលនៅមន្ទីរពេទ្យបង្អែកមានជ័យ ៕