សៀមរាបៈ នៅឯទីអារាមវត្តដំណាក់ក្នុងក្រុងសៀមរាប នៅថ្ងៃទី០៣ ខែកុម្ភៈ ឆ្នាំ២០១៥នេះ ពុទ្ធសាសនិករាប់ពាន់នាក់បានជួបជុំគ្នាដើម្បីប្រារព្ធធ្វើពិធី បុណ្យមហាមាឃបូជា។ មនុស្សក្មេងចាស់ប្រុសស្រីជាអ្នកគោរពបូជាព្រះពុទ្ធ សាសនា ដោយក្នុងដៃមានកាន់ទៀនធូបផងមើលទៅមានភាពសប្បាយរីក រាយក្នុងការចូលរួមក្នុងពិធីបុណ្យនេះ ព្រោះថាជាពិធីបុណ្យមាឃបូជាដែល
ត្រូវ បានរៀបចំធ្វើឡើងយ៉ាងធំដុំជាងបណ្តាឆ្នាំមុនៗ។ ពិធីបុណ្យនេះដែរក៏មានការរាប់បាតដល់ព្រះសង្ឃចំនួន១២៥០អង្គដែល ត្រូវបាននិមន្តចូលរួមក្នុងកម្មវិធីបុណ្យនេះ ដែលរំលឹកទៅដល់ពេលព្រះពុទ្ធជា ម្ចាស់ព្រះអង្គទ្រង់ប្រសូត្រត្រាស់ដឹងនិងចូលបរិនិពាន្ត។
ពុទ្ធបរិស័ទដែលបានចូលរួមក្នុងពិធីបុណ្យមហាមាឃបូជានេះ បានសម្តែងនូវ ទឹកចិត្តសប្បាយរីករាយគ្រប់ៗគ្នាដោយនិយាយថា នេះជាកម្មវិធីបុណ្យដែល ប្រារព្ធធ្វើឡើងមានលក្ខណៈអធឹកអធមមែនមែន ដែលពួកគាត់មិនដែលបាន ជួបមកពីមុននោះទេ៕
ដោយខេងឧត្តម
