កំពង់ឆ្នាំង៖ យុវជនម្នាក់បានរងរបួសធ្ងន់បាក់ថ្គាម ដោយស្រវឹងមកពីស៊ីការជិះម៉ូតូទៅបុកបង្កាន់ដៃស្ពានករណីនេះបានកើតឡើងនៅវេលាម៉ោង១និង៣០នាទីរសៀលថ្ងៃទី០២ ខែកុម្ភះ ឆ្នាំ២០១៥ លើផ្លូវលំគ្រួសក្រហមស្ថិតនៅក្នុងភូមិប្រស្នឹប ឃុំប្រស្នឹប ស្រុករលាប្អៀរ។
សមត្ថកិច្ចនគរបាលមូលដ្ឋានបាននិយាយអោយដឹងថាៈ ជនរងគ្រោះរូបនោះមានឈ្មោះ ប៉ូយ សឿន អាយុ២២ឆ្នាំមានទីលំនៅក្នុងភូមិកើតហេតុខាងលើ។មុនពេលកើតហេតុ ជនរងគ្រោះរូបនេះបានជិៈម៉ូតូម៉ាកស្មាស់ ពណ៏ខ្មៅអត់ស្លាកលេខ ទៅហូបការគេជាមួយបងប្រុសនៅចុងភូមិ។ក្នុងពេលហូបការនោះបងប្រុសបានស្រវឹងដោយអោយយុវជនរងគ្រោះឌុបមកផ្ទះមុន លុះពេលឌុបបងប្រុសដាក់ផ្ទះរួចហើយជនរងគ្រោះបានជិៈម៉ូតូទៅរោងការបន្តផឹកស៊ីទៀត។គឺរហូតម៉ោងជាង១រសៀល ពេលគេសាររោងទើបជនរងគ្រោះបានជិៈម៉ូតូមកផ្ទះវិញម្នាក់ឯង។ដោយសារតែស្រវឹងស្រាខ្លាំងពេកគេក៏បានជិះម៉ូតូទៅបុកបង្កាន់ដៃស្ពាន បណ្តាលអោយរងរបួសបាក់ឆ្អឹងថ្គាមយ៉ាងធ្ងន់ធ្ងរ ចំណែកម៉ូតូបានខ្ទេចមុខមួយកំណាត់។
សមត្ថកិច្ចបានបន្តអោយដឹងទៀតថាៈ ជនរងគ្រោះត្រូវបានដឹកទៅសង្គ្រោះព្យាបាលនៅផ្ទះពេទ្យឯកជនមួយក្នុងភូមិ ប៉ុន្តែដោយសារសភាពរបួសធ្ងន់ធ្ងរពេកក៏បានបញ្ជនជូនមកមន្ទីរពេទ្យខេត្ត និងដោយក្រុមគ្រូពេទ្យខេត្តពេលឃើញសភាពរបួសនេះធ្ងន់ធ្ងរ គេក៏បានបញ្ជូនជនរងគ្រោះទៅសង្គ្រោះព្យាបាលនៅមន្ទីរពេទ្យក្រុងភ្នំពេញជាបន្តទៀត ដែលករណីនេះគួរទេអ្នកស្រវឹងទាំអស់យល់បើស្រវឹងកុំបើកបរ និងបើបើកបរកុំស្រវឹងបើបុកភឹងគឺរបួសធ្ងន់បែបនេះឯង៕