កំពង់ឆ្នាំង៖ហេតុការគ្រោះថ្នាក់ចរាចរណ៏ដ៏គួរញាក់សាច់មួយបានកើតឡើងកាលពីវេលាម៉ោង៧ និង១០នាទីយប់ថ្ងៃទី៣១ ខែមករា ឆ្នាំ២០១៥ លើកំណាត់ផ្លូវជាតិលេខ៥ ត្រង់ចំណុចភូមិថ្មី ឃុំផ្សារ ស្រុកបរិបូរណ៏ បានធ្វើអោយមនុស្សម្នាក់ដែលជាអ្នកបើកបររថយន្តធន់ធំម៉ាក IZUZU និងព្រូម្នាក់ គ្រាន់តែរងរបួសស្រាល ខណៈដែលជនរងគ្រោះទាំង២នាក់បើករថយន្ត ទៅបុកជុងនឹងគំនរដើម ឬស្សីដែលដឹកនឹងរថយន្តកែឆ្នៃបណ្តាលអោយធ្លាយកញ្ចក់ចូលក្នុងកាប៊ីនរថយន្ត ។
មន្ត្រីនគរបាលស្រុកបរិបូរណ៏បាននិយាយថាៈ អ្នកបើករថយន្តនិងព្រូដែលមានសំណាងមួយ ក្នុង១ពាន់ គ្រោះថ្នាក់មានឈ្មោះ សយ សុភ័ក្រ អាយុ២២ឆ្នាំ មាន ទីលំនៅ ខណ្ឌ័ដង្កោ រាជធានីភ្នំពេញ ជាអ្នកបើកបរ និងព្រូរថយន្តមិនស្គាល់អត្តសញ្ញាណទេ ពួកគាត់បើករថយន្តម៉ាក IZUZU ពណ៏ស ពាក់ ស្លាកលេខ ស្វាយរៀង 3A. 0501 ។ដោយឡែកអ្នកបើកបររថយន្តកែឆ្នៃដឹកដើមឬស្សីមាន ឈ្មោះឡាំង គឹម លៀង អាយុ៥៨ឆ្នាំ មាន៥៨ឆ្នាំ មានទីលំនៅ ភូមិក្រាំងវែង ឃុំស្នាអន្សា ស្រុកគ្រគរ ខេត្តពោធិសាត់ ។
ប្រភពដដែលបានបន្តថាៈ មុនពេលកើតហេតុ អ្នកបើករថយន្តកែឆ្នៃយន្តបានដឹកដើមឬស្សី
យ៉ាងពេញលៀនចេញទៅក្រោយដោយគ្មានស្លាកសញ្ញានោះទេ លុះពេលមកដល់ចំណុចកើតហេតុមានរថយន្តធនធំខាងលើ បានបើកមកពីក្រោយ ហើយបានចាំងនឹងភ្លើងហ្វារថយន្តមួយគ្រឿងផ្សេង ទៀតដែលបើកមកពីមុខបណ្តាលអោយងងិតមើលឧបសគ្គមិនឃើញក៏បានជ្រុលទៅបុកចុងដើមឬស្សីជុងមុតធ្លាយចូលក្នុងកាប៊ីនរថយន្ត តែសំណាងល្អអ្នកបើកនិងអ្នកជិៈជាមួយឃើញទាន់បានឱនគេច ផុត គ្រាន់តែរងរបួសស្រាលប៉ុណ្ណោះប្រើសិនបើគេចមិនទាន់ទេចុងឬស្សីនឹងដោយទម្លុះទ្រូងនិងមុខជាពុំខានឡើយ ។
អ្នកបើកបររថយន្តកែឆ្នៃឈ្មោះ ឡាំង គឹម លៀង បាននិយាយប្រាប់សមត្ថកិច្ចថាៈរូបគាត់ទិញដើមឬស្សីពីឃុំនានា ក្នុងខេត្តកំពង់ឆ្នាំង យកទៅលក់នៅកំពង់ហ្លួង ស្រុកក្រគរខេត្តពោធិសាត់ ។
ក្រោយពេលកើតហេតុ ជនរងគ្រោះដែលរងរបួសស្រាលត្រូវបានគេដឹកទៅព្យាបាល នៅមណ្ឌល សុខភាពស្រុកបរិបូរណ៏ចំណែកមធ្យោបាយទាំង២គ្រឿងត្រូវបានសមត្ថកិច្ចនគរបាលនាំយកទៅរក្សាទុកនៅអធិការនគរបាលស្រុកបរិបូរណ៏ដើម្បីរង់ចាំការដើស្រាយជាក្រោយ ៕