កំពង់ឆ្នាំង.៖បុរសម្នាក់បានរងរបួសធ្ងន់ធ្ងរ ក្នុងដែលគាត់ជិះកង់ឆ្លងថ្នល់ជាតិ ត្រូហើយវរថយន្តម៉ាក CRV បុកពេញទំហឹង ។ ហេតុការណ៏គ្រោះថ្នាក់ចរាចរណ៏មួយបានកើតឡើងនៅពីវេលាម៉ោង ៤និង៣០នាទីល្ងាចថ្ងៃទី៣១ ខែមករា ឆ្នាំ២០១៥ លើកំណាត់ផ្លូវជាតិលេខ៥ ស្ថិត ភូមិអូរ សណ្តាន់ ឃុំទឹកហូត ស្រុករលាប្អៀរ ។
សមត្ថកិច្ចនគរបាលស្រុករលាប្អៀរបាននិយាយថាៈ ជនរងគ្រោះមានឈ្មោះ ប៉ិច ហាត ភេទប្រុស អាយុ២៨ឆ្នាំ រស់នៅក្នុងភូមិឃុំកើតហេតុខាងលើ ចំណែកអ្នកបើកបររថយន្តម៉ាក CRV ពណ៏ទឹកប្រាក់ពាក់ស្លាកលេខភ្នំពេញ 2L. 2274 បានរត់គេចខ្លួនបាត់ក្រោយពេលកើតហេតុ។ ប្រភពដដែលបានបន្តថាៈ នៅមុនពេលកើតហេតុបុរសរងគ្រោះខាងលើបានជិៈកង់ចេញពីផ្លូវលំហើយបានឆ្លងថ្នល់ជាតិលេខ៥មិនបានប្រយ័ត្ន ស្រាប់តែមានរថយន្តម៉ាកខាងលើដែលធ្វើដំណើរ ពីត្បូង ជើងបានបុកពេញទំហឹងបណ្តាលអោយបុរសរងគ្រោះខ្ទៀតប៉ើងជាច្រើនម៉ែត្រសន្លប់ស្តូកស្តឹងតែម្តង។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះរបស់មន្ទីរពេទ្យខេត្តទោដឹកមកសង្គ្រោះ ចំណែកអ្នកបើករបរបានគេចខ្លួនបាត់ ប៉ុន្តែទោះយ៉ាងនេះក្តីមានគេស្គាល់អ្នកបើកបរជាមន្ត្រីរាជការម្នាក់ នៅមន្ទីរអង្គភាពមួយនៅក្នុងខេត្តកំពង់ឆ្នាំង ។
រថយន្តបង្ករត្រូវវបានសមត្ថកិច្ចនគរបាលយកមករក្សាទុកនៅអធិការដ្ឋាននគរបាលស្រុករលាប្អៀរដើម្បីរង់ចាំការដោះស្រាយតាមនិតិវិធីច្បាប់៕