សៀមរាប នាព្រឹកថ្ងៃទី០៣ខែកុម្ភៈឆ្នាំ២០១៥ប្រជាពលរដ្ឋដែលជាមាតានៃទារកដែលទើបសម្រាលបុត្រ និងគ្រួសារប្រជាពលរដ្ឋដែលបានទទួលមរណភាពសរុប១១១គ្រួសារនៅក្នុងសង្កាត់ស្រង៉ែក្រុង សៀមរាប បានមកទទួលប្រាក់ឧបត្ថម្ភ ពីសំណាក់លោក ឧកញ៉ា សៀង ណាំ អ្នកតំណាងរាស្ត្រ មណ្ឌលសៀមរាប ។នេះគឺជាលើកទី៤ហើយ ដែលប្រជាពលរដ្ឋ សង្កាត់ស្រង៉ែ ដែលជាមាតា នៃទារកទើប ប្រសូត្រ បុត្រ និង គ្រួសារប្រជាពលរដ្ឋមរណៈ បានទទួលប្រាក់ ឧបត្ថម្ភ បែប នេះពី ឯកឧត្តម ឧកញ៉ា សៀង ណាំ បន្ទាប់ពីការបោះឆ្នោតជ្រើសរើស តំណាងរាស្ត្រ នីតិកាលទី៥ នៃរដ្ឋសភា ។មានប្រសាសន៍សំណេះ សំណាលក្នុងឱកាសនោះ លោក ឧកញ៉ា សៀង ណាំ បានលើកឡើងថា ចាប់តាំង ពីលោក បានទទួលការជឿ ទុកចិត្តពីសំណាក់ប្រជារាស្ត្រ តាមរយៈ នៃការផ្តល់ សន្លឹក ឆ្នោត ជូនគណបក្ស ប្រជាជនកម្ពុជា លោកបានទទួលមុខតំណែង ជាតំណាង រាស្ត្រ ប្រចាំ មណ្ឌលសៀមរាប ចាប់តាំងតែពី អណត្តិទី២ តរៀងមក ហើយលោកតែងតែ ចាត់ទុកថា ប្រាក់បេវត្សរ៍ របស់លោក គឺជាចំណែករបស់រាស្ត្រ។ដូច្នេះប្រាក់បៀវត្សរ៍របស់លោកទាំងអស់ តែងតែយកទៅប្រើប្រាស់ជាប្រយោជន៍សង្គមដោះស្រាយការខ្វះខាតរបស់ប្រជាជនជួយបំពេញតម្រូវ ការចាំបាច់ជូនអាជ្ញាធរមូលដ្ឋាន ជាពិសេសគឺត្រូវបានឧបត្ថម្ភដល់ជីវភាពគ្រួបង្រៀនផងដែរ។ ដោយឡែកសម្រាប់អាណត្តិទី៥នេះប្រាក់បៀវត្សរ៍ទាំងនេះ ត្រូវបានឧបត្ថម្ភ សម្រាប់បំប៉នសុខភាពមាតា និងទារកដែល ទើបនឹងសម្រាល នឹងជួយសម្រាល ការលំបាក របស់គ្រួសារ ប្រជាពលរដ្ឋ ដែលមានសមាជិក ទទួលមរណៈភាព ។ ជាក់ស្តែង ថ្ងៃនេះសម្រាប់ការប្រគល់ជូនប្រាក់ ឧបត្ថម្ភសម្រាប់មាតា និងទារកទើបសម្រាល និង គ្រួសារប្រជាពលរដ្ឋ ដែលមានសមាជិកទទួលមរណៈ សរុប ១១១គ្រួសារនេះ គឺក្នុងមួយគ្រួសារៗ ទទួល បាន ២០ ម៉ឺនរៀល ។