ស្ទឹងត្រែង៖ទំនប់វ៉ារីអគ្គីសនីសេសានក្រោមពីជាសមិទ្ធផលថ្មីស្រឡាងមួយទៀតរបស់ប្រជាពលរដ្ឋខេត្តស្ទឹងត្រែង ដែលបានបង្ហាញពីភាពរីកចំរើនកើតឡើងនៅលើទឹកដីខេត្តស្ទឹងត្រែង បន្ទាប់ពីខេត្តមានស្ពានឆ្លងកាត់ទន្លេមេគង្គ ទន្លេសេកុង ចំនួនពីររួចមកនោះ។
ក្នុងឱកាសចុះត្រួតពិនិត្យនិងសួរសុខទុក្ខដល់ក្រុមស្ថាបនាទំនប់វារីអគ្គីសនីសេសាន ក្រោមពីរថ្មីៗនេះ លោកកុលសំអុលអភិបាលខេត្តមានប្រសាសន៏ថា៖សមិទ្ធផលនេះក្រុមហ៊ុនសាងសង់ត្រូវអនុវត្តការងារទៅតាមលក្ខណៈបច្ចេកទេសដើម្បីធានាភាពរឹងមាំបានយូអង្វែងនិង លើកកំពស់ការប្រុងប្រយ័ត្នកុំឲ្យកើតមានគ្រោះថ្នាក់ដោយប្រការណាមួយ ក្នុងពេលសាងសង់ទំនប់នេះដើម្បីពន្លឿនផែនការរបស់ ក្រុមហ៊ុនដែលបានធ្វើកិច្ចសន្យាជាមួយនិងរាជរដ្ឋាភិបាល។
លោកកុល សំអុលអភិបាលខេត្តមានប្រសាសន៍ថា៖បន្ទាប់ពីទំនប់នេះសាងសង់រួចរាល់នោះ ប្រទេសជាតិយើង ទទួលបានការរីកចំរើនមួយថ្មីបន្ថែមទៀត គឺប្រជាពលរដ្ឋនិងមានភ្លើងប្រើប្រាស់ ក្នុងតំលៃថោកហើយមានជីវភាពក៏ធូរធារ អញ្ចឹងទេប្រជាពលរដ្ឋហ្នឹងទទួលបាននូវការរីកចំរើនថ្មីមួយទៀត ទាំងកសិករទាំងឧស្សាហករណ៏ទាំងបំពេញមុខរបរធ្វើស្រែចំការ ក៏ត្រូវបូមទឹកប្រើប្រាស់អគ្គីសនីហ្នឹងក៏បន្ថយការចំណាយ សិប្បកម្មមួយចំនួន ឧស្សហកម្មមួយចំនួន កាត់បន្ថយបានប្រេងឥន្លៈដែលក្រឡឹងបច្ចេកទេសខាងគ្រឿងចក្រ មួយចំនួនត្រូវ ប្រើប្រាស់អគ្គីសនីនេះ រោងចក្រកែច្នៃកិនដំឡូងរោងចក្រកែច្នៃវាយគ្រាប់ចន្ទី ឬក៏រោងចក្រចំហុយកៅស៊ូក្រែបនៅក្នុងខេត្តរបស់យើង ហ្នឹងមានការកើនឡើងដោយសារតម្លៃភ្លើង ផលិតបានខ្លួនឯងមានតំលៃថោក ពេលនោះសក្តានុពលសេដ្ឋកិច្ច ប្រៀបធៀបទៅហ្នឹងប្រជាពលរដ្ឋនៅខេត្តស្ទឹងត្រែង មានការងើបឡើងយ៉ាងឆាប់រហ័ស។
លោកកុលសំអុលភភិបាលខេត្តស្ទឹងត្រែងមានប្រសាសន៏បន្ថែមថា៖នេះជាស្ថានភាពនៅខេត្តស្ទឹងត្រែងមានការអភិវឌ្ឍន៏បង្ហាញពីការរីកចំរើននិងមានសក្តានុពលផ្នែកសេដ្ឋកិច្ចឈានឆ្ពោះទៅថ្ងៃអនាគត។
លោកលីហ្វីយអគ្គនាយកបច្ចេកទេសក្រុមហ៊ុនសេសានក្រោមពីមានប្រសាសន៏ថា៖បច្ចុប្បន្នសកម្មភាពសំណង់ការដ្ឋានទំនប់ទាំងមូលសំរេចបានជាង២០%ភាគរយហើយក្នុងនោះផ្លូវចូលទៅកាន់ទីតាំងទំនប់១៧គីឡូម៉ែត្រនិងផ្លូវពង្វាងទឹកសំរេចបាន១០០%ភាគរយព្រមទាំងហេដ្ឋារចនាសម្ព័ន្ធផ្សេៗជាច្រើនទៀតនៅក្នុងការដ្ឋាននេះ។
លោកអគ្គកនាយកបានបង្ហាញទៀតថាៈសកម្មភាពសាងសង់នេះក្រុមបច្ចេកទេសកំពុងដំណើរការយ៉ាងមមាញឹកទៅលើការចាក់ដីតួទំនប់បិទទឹកដើម្បីយកទីតាំងសាងសង់តួទំនប់ធំ ជាទំនប់វ៉ារអគ្គីសនីតែម្តង៕