ស្ទឹងត្រែង៖ជនសង្ស័យ៣នាក់ ក្នុង នោះ២នាក់ជាជនជាតិខ្មែរអ៊ីស្លាមនិងម្នាក់ជាជនជាតិ ខ្មែរត្រូវបានមន្ត្រី នគបាលការិយាល័យប្រឆាំងគ្រឿងញៀន នៃស្នងការដ្ឋាន នគរបាលខេត្តស្ទឹងត្រែង ឃាត់ខ្លួនពីបទជួញដូរ និងប្រើប្រាស់ គ្រឿងញៀន នៅថ្ងៃទី០៤ មករាឆ្នាំ២០១៥ វេលាម៉ោង១២និង៤៥នាទីនៅភូមិលើសង្កាត់ស្រះឬស្សីក្រុង ខេត្ត ស្ទឹងត្រែង។
ជនសង្ស័យ៣នាក់ខាងលើនេះ ទីមួយឈ្មោះសម យ៉ាន់អាយុ១៧ឆ្នាំ ជនជាតិខ្មែរអ៊ីស្លាម មានទី លំនៅ ភូមិលើសង្កាត់ស្រះឬស្សីក្រុង ខេត្ត ស្ទឹងត្រែង។ទី២ឈ្មោះរ៉ ស៊ី គីន អាយុ២៤ឆ្នាំជនជាតិខ្មែរអ៊ីស្លាម មានទីលំនៅភូមិទន្លេបិទសង្កាត់ជ្រោយចង្វា ខណ្ឌ័ឬស្សីកែវ រាជធានីភ្នំពេញ។និងទី៣ឈ្មោះសន មករា អាយុ២៤ឆ្នាំជនជាតិខ្មែរនៅភូមិលើសង្កាត់ស្រះឬស្សីក្រុង ខេត្ត ស្ទឹងត្រែង ។
មន្ត្រីនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបានអោយដឹងថាជនសង្ស័យទាំង៣នាក់ ត្រូវឃាត់ខ្លួនជាមួយនិងវត្ថុតាងថ្នាំញៀនប្រភេទមេតំហ្វេតាមីនម្សៅក្រាមព៌ណសថ្លា ( I C E)ចំនួន០៤កញ្ចាប់តូច និង១កញ្ចាប់ធំមានទំងន់ស្មើនិង២.៩ក្រាម។
ជនសង្ស័យបានឆ្លើយសារភាពចំពោះមុខសមត្ថកិច្ចថាវត្ថុតាងថ្នាំញៀន ដែលសមត្ថកិច្ចចាប់បានពិតជារបស់ខ្លួន ពិតប្រាកដមែន។
សូមបញ្ជាក់នេះជាលើកទី៦ហើយដែលមន្ត្រីនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបានធ្វើការបង្ក្រាបករណីការជួញដូរចែកចាយនិងប្រើប្រាស់គ្រឿងញៀននេះដើមឆ្នាំ២០១៥នេះ។
បច្ចុប្បន្នជនសង្ស័យជនជាតិខ្មែរអ៊ីស្លាម២ នាក់និងខ្មែរម្នាក់រួមនឹងងវត្ថុតាំងថ្នាំញៀនប្រភេទមេតំហ្វេតាមីន(I CE)ចំនួន២.៩ក្រាម) ត្រូវបានសមត្ថកិច្ច រៀបចំសំណុំរឿងពាក់ព័ន្ធ នាំខ្លួនទៅកាន់តុលាការចាត់ការតាមនីតិវិធី៕