ខេត្តបន្ទាយមានជ័យ:ដើម្បីការពារ និងលើកកម្ពស់សុខភាពសាធារណ: សុវត្ថិភាព និងកាត់បន្ថយភាពក្រីក្ររបស់ប្រជាពលរដ្ឋ ស្របតាមផែនការកម្មវិធីនយោបាយយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាល ស្ដីពី “ការក៍សាងសម្តភាព និងការអភិវឌ្ឍ
ធនធានមនុស្ស លើកកម្ពស់សុខភាព និងអាហារូបត្ថម” ក្រសួងមហាផ្ទៃ និងក្រសួងសុខាភិបាល បានដាក់ចេញនូវប្រកាសរួម ស្តីពីការគ្រប់គ្រងគុណភាពសេវាកម្មនិងវិធានការទប់ស្កាត់ ការធ្វើចរាចរផលិផលសុខាភិបាលខុសច្បាប់និងសេវាសុខាភិបាលឯកជនខុសច្បាប់ ដើម្បីសុខភាព និងសុវត្ថិភាពសង្គម លេខ១៤២ប្រក និងលេខ០០៤ អបស/ឱអបស ចុះថ្ងៃទី១៦ មករា ២០១៥ ដែលជំរុញរឹតបណ្តឹងការ អនុវត្ត ច្បាប់ពាក់ពន្ធនានា អនុវត្តប្រកបដោយប្រសិទ្ធភាព និងតម្លាភាព។
បើកការផ្សព្វផ្សាយប្រកាសរួមនាព្រឹកថ្ងៃទី០៦ មករា ២០១៥នៅមន្ទីរសុខាភិបាលខេត្តលោកវេជ្ជបណ្ឌិត កែវ សុភ័ត្រា ប្រធានមន្ទីរសុខាភិបាលខេត្តមានប្រសាសន៍ថា: ឱសថស្ថាន ឱសថស្ថានរង អគាលក់ថ្នាំបុរាណ មណ្ឌល់ថែរក្សាសម្ផស្ស ផ្ទះលក់ឱសថ កន្លែងពិនិត្យព្យាបាលជម្ងឺមានលក់ថ្នាំ កន្លែងលក់គ្រឿងសំអាង និងកន្លែងលក់ផលិតផលអាហាបំប៉ន ឬអាហាបំប៉នសុខភាព ទីតាំងប្រកបវិជ្ជាជីវ:ឯកជនក្នុងវិស័យវេជ្ជសាស្ត្រ អមវេជ្ជសាស្ត្រ និងជំនួយវេជ្ជសាស្ត្រដូចជា បន្ទប់ថែរក្សាជម្ងឺ ពិគ្រោះស្ត្រីមានផ្ទៃពោះ ព្យាបាលចលនា ព្យាបាលមាត់ធ្មេញ …។ល។ ត្រូវកែតម្រូវនិងពិនិត្យឡើងវិញធ្វើយ៉ាងណាអោយមានស្តង់ដា។
លោកវេជ្ជបណ្ឌិត កែវ សុភ័ត្រាបន្តថា: វិស័យឯកជនដែលទទួលសេវាព្យាបាលនៅមូលដ្ឋាន ភាគច្រើន ជាមន្ត្រីសុខាភិបាល ត្រូវកែប្រែឥរិយាបទ យកឥរិយាបទព្យាបាលនៅតាមផ្ទះឬ ទីតាំងបំរើសេវាកម្មរបស់ខ្លួន មកបំរើពលរដ្ឋដែលមកទទួលសេវានៅមន្ទីរពេទ្យរដ្ឋ។ ហើយតាមរកនិងរាយការណ៍ចំពោះគ្រូពេទ្យ គ្មានវិជ្ជាជីវ:ចាប់បញ្ជូន ទៅសមត្តកិច្ចដើម្បីបញ្ជូនខ្លួនទៅតុលាការអនុវត្តតាមនិតិវិធីច្បាប់។
លោក អោម ចន្ថា អភិបាលរងខេត្តបន្ទាយមានជ័យមានប្រសាសន៍ថា: គណ:បញ្ជាការឯកភាពរាជធានីខេត្ត បានដាក់វិធានការរដ្ឋបាល និងផែនការណ៍សកម្មភាពជាបន្ទាន់ លើសេវាកម្មពា្បាល វិធានការទប់ស្កាត់ការធ្វើចរាចរផលិផលសុខាភិបាលខុសច្បាប់ និងសេវាសុខាភិបាលឯកជនខុសច្បាប់។ក្រោយការផ្សព្វផ្សាយនេះ គ្រប់សេវាព្យាបាលឯកជនក្នុងខេត្ត និងត្រូវបានរៀបចំតាមស្តង់ដាទៅតាមវិធានការរដ្ឋបាល ដើម្បីអោយពលរដ្ឋទទួលបានសេវាសុខភាព ល្អប្រសើប្រកបដោយប្រសិទ្ធភាព និងតម្លាភាព៕ដោយ: ឃិន គន្ធា
