ខេត្តកំពង់ស្ពឺ ៖ បុរសម្នាក់ត្រូវប្រជាពលរដ្ឋព្រួតវាយរហូត ស្លាប់យ៉ាងអាណោចអាធ័មឈ្មោះនូនពុទ្ធាភេទប្រុសអាយុ២៧ឆ្នាំរសនៅ ភូមិជ្រៃមង្គុល ឃុំដំណាក់អំពិល ស្រុកអង្គស្នួល ខេត្តកណ្ដាល ហើយអូសសពយកទៅដុតនៅកណ្តាលផ្លូវក្រៅភូមិ ព្រោះសង្ស័យថា ជាចោរ ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៨ និង៣០នាទីយប់ ថ្ងៃទី៤ កុម្ភៈ នៅចំណុចភូមិស្រែអំបិល ឃុំត្រពាំងគរ ស្រុកសំរោងទង ។
ប្រភពបានឱ្យដឹងថា មុនពេលកើតហេតុជនវិក្កលរិកខាងលើបានដើរចូល ភូមិស្រែអំបិលពីក្រោយផ្ទះប្រជាពលរដ្ឋ ពេលនោះប្រជាពលរដ្ឋ និងមេភូមិបានហៅសួរ តែជននោះមិននិយាយអ្វីទាំងអស់។ ឃើញដូចនេះ លោកមេភូមិបានរាយការណ៍ទៅប៉ូលិសឱ្យចុះមកមើល ពេលប៉ូលិសមកដល់ ជននោះបានស្រែកហៅប៉ូលិសឱ្យជួយគេផង ។ គ្រាន់តែជនអត្តសញ្ញាណនោះស្រែកហៅប៉ូលិសរួច ស្រាប់តែប្រជាពលរដ្ឋនាំគ្នារត់ស្រមកព្រួតវាយនឹងដំបងរហូតដាច់ ខ្យល់ស្លាប់ ហើយអូសសពយកទៅចោលនៅកណ្តាលផ្លួវភូមិ រួចយកធាងត្នោត និងគល់ដូងមកគរភ្លើងដុត ហើយនាំគ្នាគេចខ្លួនបាត់អស់។
បើតាមសំដី លោក សមសាក នាយការិយាល័កុំរិតធ្ងន់បានឲ្យនាក់យកព័តិមានដឹងថាបានឃាត់ជនសង្ស័យ២នា់ក់យកមកសាកសួរជនសង្ស័យបានសារភាពថាមានគ្នា១៧នាក់ដែលបានព្រូតវាយបុរសវិក្កលចរិករហួតដល់ស្លាប់រួចអួសយកទៅដុត។បើតាមសំដីលោកណុលដារ៉ាមេបញ្ជាការរងអាវុធហត្ថស្រុកសំរោងទងបានឲ្យដឹងថាក្រោយមកនៅវេលាម៉ោង៩យប់ថ្ងៃដដែល ទើបហេតុការណ៍នេះបានដឹងដល់ចុះមកពិនិត្យកន្លែងកើតហេតុ និងស្រាវជ្រាវរកអត្តសញ្ញាណជនរងគ្រោះ ចំណែកជនដៃដល់ដែលវាយសម្លាប់ជនរងគ្រោះ សមត្ថកិច្ចកំណត់អត្តសញ្ញាណបានហើយ ហើយកំពុងស្វែងរកចាប់ខ្លួន៕ សុខសុភ័ណ្ឌ