ត្បូងឃ្មុំ ៖ បុរសម្នាក់ បានស្លាប់បាត់បងជីវិតភ្លាមៗនិងកន្លែងកើតហេតុយ៉ាងអាណោចអាធម៍ ក្នុងពេលដែលរូបគេកំពុងកាប់ដីធ្វើចំការ ចំគ្រាប់បន្សល់ពីសង្គ្រាម បណ្តាល ឲ្យផ្ទុះ ខណះដែលប្រពន្ធនៅក្បែនោះក៏បានរងរបួសស្រាលដែរ។ហេតុការណ៍នេះកើតឡើងកាលពីវេលាម៉ោង ៦និង៣០នាទីព្រឹក ថ្ងៃទី៥ ខែកុម្ភៈ ឆ្នាំ២០១៥ នៅ
ភូមិថ្មតាដោក ឃុំជាំក្រវៀន ស្រុកមេមត់ ខេត្តត្បូងឃ្មុំ ។
លោកវរសេនីយន៍ត្រី ប៉េង អេងហាក់ អធិការនគរបាល ស្រុកមេមត់ បានប្រាប់ឲ្យដឹងថា ជនរងគ្រោះដែលបានបាត់បង់ជីវិតក្នុងហេតុការណ៍នេះមាន ឈ្មោះ ចាន់ អ៊ិ ភេទប្រុស អាយុ ៣៣ឆ្នាំ ចំណែកប្រពន្ធ ឈ្មោះ អាក សុផាត អាយុ ២៤ឆ្នាំ រងរបួសស្រាល អ្នកទាំងពីរ មានទីលំនៅក្នុងភូមិឃុំកើតហេតុ ។មេបុស្ត៍នគរបាលជាំក្រវៀន លោកអនុសេនីយន៍ឯក បេង រិទ្ធី បានប្រាប់នគរវត្តឲ្យដឹងតាមទូរសព្ទ័ថា មុនកើតហេតុ ជនរងគ្រោះ និង ប្រពន្ធ បានចេញពីផ្ទះទៅចំការ ដែលមានចម្ងាយពីផ្ទះប្រហែល ១០០០ម៉ែត្រ ហើយខណៈពេលដែលជនរងគ្រោះជាប្តី កំពុងកាប់ដីដើម្បីផ្សាំដើមដំឡូង ទុកដាំនៅរដូវភ្លៀងខាងមុខ ក៏ស្រាប់តែកាប់ចំគ្រាប់ដែលប្រហែលសល់ពីសម័យសង្គ្រាម បណ្តាលឲ្យផ្ទុះស្លាប់យ៉ាង អាណោចអាធម្ម នៅកន្លែងកើតហេតុតែម្តង ចំណែកស្ត្រីជាប្រពន្ធ ដែលនៅកន្លែងឆ្ងាយពីប្តី បានរងរបួសស្រាល ។
លោក បេង រិទ្ធី បានឲ្យដឹងទៀតថា គ្រាប់ដែលផ្ទះនោះប្រហែលសល់ពីសម័យសង្គ្រាម មិនទាន់បានដឹងថា ជាគ្រាប់ប្រភេទអ្វីនោះទេ ព្រោះកំពុត្រួតពិនិត្យស្រាវជ្រាវ ចំណែក សពជនរងគ្រោះ សមត្ថកិច្ចបានប្រគល់ជូន ក្រុមគ្រួសារ ធ្វើបុណ្យតាមប្រពៃណី ៕
