ខេត្តសៀមរាប៖ កម្លាំងនគរបាលព្រហ្មទណ្ឌកំរិតធ្ងន់សហការជាមួយកម្លាំងនគរបាលស្រុកពួក បានធ្វើការឃាត់ខ្លួនជនសង្ស័យម្នាក់ ទៅតាមពាក្យបណ្តឹងរបស់ជនរងគ្រោះ ដែលត្រូវបានជនសង្ស័យវាយ៤ញរញួបែកក្បាល រួចយកម៉ូតូពីបាត់ដំបងបើករត់គេចមកខេត្តសៀមរាប ប៉ុន្តែត្រូវបានសមត្ថកិច្ចខេត្តសៀមរាបស្ទាក់ចាប់បាន ។ ហេតុការឃាត់ខ្លួនជនសង្ស័យនេះធ្វើឡើងនៅវេលាម៉ោង៣និង៤៥នាទីរសៀលថ្ងៃទី០៦ខែកុម្ភៈស្ថិតនៅក្រុមទី៥ភូមិសណ្តាន់ សង្កាត់ទឹកវិល ក្រុងសៀមរាប ខេត្តសៀមរាប។
មន្ត្រីនគរបាលកំរិតធ្ងន់នៃស្នងការដ្ឋានខេត្តសៀមរាបបានឲ្យដឹងថា បន្ទាប់ពីទទួលបណ្តឹងរបស់ជនរងគ្រោះនៅខេត្តបាត់ដំបងទើបកម្លាំងនគរបាលមូលដ្ឋានសហការជាមួយនឹងនគរបាលកំរិតធ្ងន់ឈានទៅដល់ការស្ទាក់ចាប់បានជនសង្ស័យ ដែលបានវាយជនរងគ្រោះយកម៉ូតូនៅចំនុច សង្កាត់ទឹកវិល ក្រុងខេត្តសៀមរាប។មន្ត្រីដដែលបានបន្តថា ជនសង្ស័យមានឈ្មោះ ង៉ុយ នី ភេទប្រុសអាយុ២៦ឆ្នាំមុខរបរធ្វើចំការរស់នៅភូមិសំឡូត ឃុំសំឡូត ស្រុកសំឡូត
ខេត្តបាត់ដំបង បានយកម៉ូតូម៉ាកឃ្លិចឆ្នាំ២០១៥គ្មានស្លាកលេខពណ៌ស ដែលជាកម្មសិទ្ធរបស់ជនរងគ្រោះឈ្មោះ ហុង ព្រុំរតនៈ ភេទប្រុសអាយុ២៤ឆ្នាំ រស់នៅភូមិឃុំកើតហេតុខាងលើកាលពីរសៀលថ្ងៃទី៧ខែកុម្ភៈ បន្ទាប់ពីមានពាក្យបណ្តឹងមកពីខេត្តបាត់ដំបង ទើបកម្លាំងជំនាញបានរៀបចំកម្លាំងដើម្បីពួនស្ទាក់ចាប់បានជនសង្ស័យភ្លាមៗផងដែ។លោកបន្តថា ជនសង្ស័យដែលលួចម៉ូតូនោះមានឈ្មោះ ង៉ុយ នី ភេទប្រុស អាយុ២៤ឆ្នាំរស់នៅក្នុងភូមិសំឡូតចាស់ ឃុំសំឡូត ស្រុកសំឡូត ខេត្តបាត់ដំបងបានជិះម៉ូតូម៉ាកឃ្លិចពណ៌សមួយគ្រឿង ។
បច្ចុប្បន្នជនសង្ស័យ ខាងលើត្រូវបានសមត្ថកិច្ចកសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់ រីឯជនរងគ្រោះកំពុងជួយសង្គ្រោះនៅក្នុងមន្ទីរពេទ្យ៕