កំពង់ឆ្នាំង៖ភ្លើងឆេះព្រៃមួយបានធ្វើអោយការភ្ញាក់ផ្អើលឡើង ដោយឃើញមានផ្សែងខ្មួលខ្មាញ់លាយឡំទៅនឹងអណ្តាតភ្លើងក្រហមច្រាល បានធ្វើអោយប្រជាពលរដ្ឋដែលនៅក្បែរៗនោះបនាំគ្នាជួយពន្លត់ តែដោយកម្លាំងភ្លើងឆេះខ្លាំងពេកទប់អាចមិនឈ្នះ ទើបហៅរថយន្តពន្លត់អគ្គីភ័យនៃស្នងការដ្ឋាននគរបាលខេត្តកំពង់ឆ្នាំងមកជួយអន្តរាគមទើបគ្រប់គ្រងសភាពការបាន ។ភ្លើងឆេះព្រៃនេះបានកើតឡើងនៅវេលាម៉ោងជិត៣រសៀលថ្ងៃទី៦ ខែកុម្ភៈ ឆ្នាំ២០១៥ ក្រោយសាលាស្រុករលាប្អៀរ ស្ថិតក្នុងឃុំជ្រៃបាក់ ស្រុករលាប្អៀរ ។
ប្រភពពីសមត្ថកិច្ចដែលបានចុះទៅជួយអន្តរាគន៏ក្នុងហេតុការភ្លើងឆេះព្រៃនេះ បាននិយាយអោយដឹងថា៖មូលហេតុដែលបណ្តាលអោយមានភ្លើងឆេះព្រៃ នេះគេនៅមិន ទាន់ដឹងច្បាស់នៅឡើយទេ តែតាមការប៉ាន់ស្មានរបស់សមត្ថកិច្ច និងប្រជាពលរដ្ឋថា ប្រហែលជាមកពីមានអ្នកជក់បារី ហើយបានបោះកន្ទុយបារីចោលនៅទៅនោះ និងម្យ៉ាង មេឃក្តៅ ព្រមទាំងមាន
ខ្យល់តិចៗផង ទើបបណ្តាលអោយមានការឆេះរាយដាលខ្លាំងយ៉ាង នេះ តែក្រោយពីមានការជួយអន្តរាគមន៌ ពីអង្គភាពរថយន្តពន្លត់អគ្គិភ័យ និង ប្រជាពលរដ្ឋដែលបានសាមគ្គីគ្នា ទើបធ្វើអោយភ្លើងបានថមថយបន្តិចម្តងៗ រហូតដល់រលត់ទាំងស្រុងតែភ្លើងឆេះព្រៃនេះមិនបណ្តាលអោយឆេះរាលដាលដល់ផ្ទះរបស់ប្រជាពលរដ្ឋនោះទេ និង មិនបណ្តាលឲ្យប្រជាពលរដ្ឋណាម្នាក់រងគ្រោះឡើយ ៕
