សង្កាត់-ខណ្ឌជ្រោយចង្វារ ត្រូវបានអគ្គិភ័យឆាបឆេះ ហេតុការណ៍នេះបានបង្កឱ្យមានការភ្ញាក់ផ្អើលនេះបានកើតឡើងនៅវេលាម៉ោង១២និង៣៥នាទីរសៀល ថ្ងៃទី៨ ខែកុម្ភៈ ឆ្នា២០១៥ ភ្លាមៗនោះឃើញមានរថយន្តពន្លត់អគ្គិភ័យរបស់ស្នងការរាជធានីភ្នំពេញជាច្រើនគ្រឿង បានចេញមកអន្តរាគមន៍ពន្លត់បាញ់ទឹកពន្លត់ តែមានការពិបាកក្នុងការអន្តរាគមន៍ពន្លត់ដោយសារទីតាំងដែលឆេះស្ថិតនៅលើអគារខ្ពស់ ។\
សមត្ថកិច្ចនគរបាលមូលដ្ឋានបានឲ្យដឹងថា អគារខាងលើនេះមានគម្រោងសាងសង់រហូតដល់២០ជាន់ តែពេលនេះទើបសង់បាន១១ជាន់ក៏កើតមានអគ្គិភ័យតែម្តង។
បើតាមសម្តីរបស់លោក ព្រហ្ម យ៉ន នាយការិយាល័យពន្លត់ និងបង្កាគ្រោះអគ្គិភ័យបានឲ្យដឹងដែរថា ចំពោះរថយន្តពន្លត់អគ្គិភ័យរបស់ស្នងការរាជធានីភ្នំពេញយើងប្រើប្រាស់រថយន្តអស់ចំនួនអស់១៤គ្រឿង និងរថយន្តរបស់មជ្ឈមណ្ឌលកោះពេជ្រមួយគ្រឿង ទើបរលត់ទៅវិញ
នៅវេលាម៉ោង២រសៀលថ្ងៃដដែល។ ចំណែកមូលហេតុដែលបណ្តាលឲ្យមានអគ្គិភ័យនេះកើតឡើងលោកបានសន្និដ្ឋានជាជំហានដំបូងឡើងថា ដោយសារតែកម្មករចោលកន្ទុយបារីនៅកន្លែងកើតហេតុ។
បើតាមកម្មករដែលធ្វើការនៅលើអគារនោះបានឱ្យដឹងថា មុនពេលកើតហេតុវេលាម៉ោង១១ព្រឹក កម្មករបានចេញពីធ្វើការអស់ ។ លុះដល់ម៉ោង១២និង៣០នាទីថ្ងៃត្រង់ ពេលកម្មករឡើងទៅធ្វើការវិញស្រាប់តែឃើញភ្លើងកំពុងឆាបឆេះជ័រ និងកម្ទេចឈើ ដែលគេសង្ស័យថា អាចបណ្តាលមកពីកន្ទុយបារីដែលកម្មករជក់ ហើយបោះចោលនៅលើអគារនោះ ៕