ខេត្តប៉ៃលិន ៖ ក្រោយពីអាជីវករខ្មែរជាង៣០នាក់ ប្រកបមុខរបរលក់ដូរនៅក្នុងផ្សារសាមគ្គីហៅប៉ាហ៊ី បាននាំគ្នាដើរទៅតវ៉ានៅមុខសាលាខេត្តប៉ៃលិន ដើម្បីប្រឆាំងនឹងការតាំ ងពិព័រណ៍ថៃ រហូតមកដល់រសៀលថ្ងៃទី០៧ កុម្ភៈ ២០១៥ លេចឮព័ត៌មានថា ខាងមន្ទីរពា ណិជ្ជកម្មខេត្ត មានគម្រោងបិទការតាំងពិព័រណ៍នេះ នៅថ្ងៃទី០៨ ខែកុម្ភ ។
តែដោយសារមានកិច្ចសន្យារយះពេល៦ថ្ងៃ គិតចាប់ពីថ្ងៃទី០២ ដល់ថ្ងៃទី៧កុម្ភៈ តែកិច្ចសន្យាក្រៅផ្លូវការមួយទៀតគឺរហូតដល់ថ្ងៃទី១០ ទើបចប់លុះដល់ថ្ងៃទី៧ខែកុម្ភៈនេះប្រធានមន្ទីរពានិជ្ជកម្មបានឱ្យមន្ត្រីក្រោមឱវាតទៅប្រាប់បញ្ចប់ការដាក់តាំងពិព័រណ៍នេះដោយលើកហេតុផងផុតកិច្ចសន្យា។តែការបញ្ឈប់នេះត្រូវបានស្ងាត់ទៅវិញដោយ មានតំណាងក្រុមហ៊ុនថៃធ្វើការសម្របសម្រួលស្ងាត់ៗ ទើបការតាំងពិព័រណ៍អាចដំណើរការរហូតដល់ថ្ងៃទី១០តើបចប់។
សូមបញ្ជាក់ថា កាលពីវេលាម៉ោង៣ និង៤០នាទីរសៀលថ្ងៃទី០២ កុម្ភៈ កន្លងទៅ ក្រុមអាជីវករខ្មែរ ប្រមាណជាង៣០នាក់ បាននាំគ្នាដើរទៅតវ៉ានៅមុខសាលាខេត្តប៉ៃលិន ស្ថិតនៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ដើម្បីទាមទារមិនឱ្យអាជ្ញាធរខេត្តអនុញ្ញាតិឱ្យថៃចូលមកធ្វើការតាំងពិព័រណ៍ញឹកញាប់ពេក ព្រោះនៅចុងឆ្នាំ២០១៤ មានការតាំងពិព័រណ៍ម្តងមកហើយ រហូតដល់ដើម ខែមករា ២០១៥ មានការតាំងពិព័រណ៍១ទៀត លុះដល់ខែកុម្ភៈនេះ ស្រាប់តែមានការតាំងពិព័រណ៍រហូតដល់ជិតកន្លះខែឯណោះ ស្ថិតនៅភូមិអូរតាពុកក្រោម សង្កាត់ទួលល្វា ក្រុងប៉ៃលិន ។
ប្រភពបានឱ្យដឹងថា ភាគីថៃចុះមកធ្វើកុងត្រាតាំងពិព័រណ៍ក្នុងទឹកដីខេត្តប៉ៃលិនតែរយៈពេល៦ថ្ងៃប៉ុណ្ណោះ ប៉ុន្តែមិនដឹងជាស៊ីសស៊ូសគ្នាជាមួយមន្ទីរពាក់ព័ន្ធ យ៉ាងណា បានជាអាចបន្តរហូតដល់១០ថ្ងៃឯណោះ ។ ប្រភពដដែលបានបន្តទៀតថា ម្យ៉ា ងវិញទៀត ខាងមន្ទីរពាណិជ្ជកម្មខេត្ត មានគម្រោងបិទការតាំងពិព័រណ៍នៅពាក់កណ្តាលទីនេះ គេដាក់ការសង្ស័យថា ប្រហែលជាចែកលុយកាក់គ្នាមិនស្មើទេដឹង បានជាដេកមិនសុខបក់មិនល្ហើយចង់ផ្អាកការតាំងពិព័រណ៍បំពាននឹងកិច្ចសន្យាបែបនេះ ។
ប្រភពព័ត៌មានពីតំណាងឈ្មួញតាំងពិព័រណ៍ថៃម្នាក់ បានបង្ហើបឱ្យដឹងថា នៅថ្ងៃទី០៧ កុម្ភៈ ដែលខាងមន្ទីរពាណិជ្ជកម្មខេត្តប៉ៃលិនបានជូនដំណឹងថា នឹងសុំឱ្យផ្អាកការតាំងពិព័រណ៍នៅថ្ងៃទី០៨ កុម្ភៈ ខាងក្រុមហ៊ុនថៃពិតជាមានការព្រួយបាម្ភយ៉ាងខ្លាំងចំពោះទំនាក់ទំនងរវាងខេត្តទាំងពីរ ក៏ដូចជាប្រទេសទាំងពីរផងដែរ ។ ប៉ុន្តែក្រោយមកខាងលោកបានជួបជាមួយមន្ត្រី នៃមន្ទីរពាណិជ្ជកម្មខ្មែរមួយចំនួនដើម្បីពិភ្សាគ្នា ដោយធ្វើយ៉ាងណាឱ្យពិធីនេះបន្តរហូតដល់ចប់ចុងចប់ដើម ។ ប្រភពដដែលបានបន្តទៀតថា ការចូលមកដាក់តាំងពិព័រណ៍នេះ ខាងភាគីថៃបានបង់ប្រាក់ជូនខាងខ្មែររហូតដល់២សែនបាត (ប្រាក់ថៃ) ដើម្បីឱ្យប្រជាពលរដ្ឋថៃអាចយកទំនិញគ្រប់មុខចូលមកលក់ដូរជូនប្រជាពលរដ្ឋខ្មែរទិញនៅក្នុងកម្មវិធីនេះ ។
ចំណែកពលរដ្ឋខ្មែរមានការប្រត្តិកម្មរឿងទំនិញថៃដាក់តំលៃជាលុយបាត តែបើប្រជាពលរដ្ឋខ្មែរអត់មានលុយបាតឱ្យជាលុយខ្មែរខាងអាជីវករថៃគិតក្នុងតំលៃថ្លៃនៃអត្រាប្តូរប្រាក់ខាងក្រៅ ដូចជា៨០បាត គិតជាប្រាក់ខ្មែរវិញ១២០០០រឿលគឺតំលៃខ្ពស់ ពលរដ្ឋសូមឱ្យអាជ្ញាធរគិតគូរដល់បញ្ហានេះផង។
ពាក់ព័ន្ធបញ្ហានេះលោក វ៉ាន់ ហួរ ប្រធានការិយាល័យអាជីវកម្ម នៃមន្ទីរពាណិជ្ជកម្មខេត្តបានឱ្យដឹងថាតាមការកំណត់វាចប់នៅថ្ងៃទី៨កុម្ភៈតែដោយមានការសម្របសម្រួលពីភាគីទាំងសងខាងទើបឱ្យបន្តរហូតដល់ថ្ងៃទី១០កុម្ភៈនេះ ចំណែករឿងអ្វីទៀតលោកមិនបានដឹងទេ៕