ខេត្តប៉ៃលិន ៖ កសិករត្រូវជ្រើសពូជដំណាំជាចម្បង មិនត្រូវជ្រើសរើសពូជដែលគ្មានគុណ ភាព យើងត្រូវដាំ និងថែទាំជាលក្ខណៈបច្ចេកទេស មិនត្រូវបណ្តោយទៅតាមធម្មជាតិឡើយ កសិ ករត្រូវតែទាញយ កបទពិសោធន៍ពីអ្នកមានបទពិសោធន៍ក្នុងការដាំដុះ ឬមន្ត្រីជំនាញផ្នែកកសិកម្ម ដែលចុះផ្សព្វផ្សាយក្នុងមូលដ្ឋាន ។
ប្រធានមន្ទីរកសិកម្មខេត្តប៉ៃលិន លោក សាយ សុផាត បានថ្លែងដូចនេះនៅក្នុងពិធីចុះ ត្រួតពិនិត្យកសិផលរបស់កសិករគំរូ ដែលបានទទួលបានទិន្នផលខ្ពស់ និងត្រួតពិនិត្យពូជដំឡូងមី បង្កាត់ថ្មី ដែលមានឈ្មោះ៨៩ របស់ប្រទេសថៃ ដែលកសិករមួយចំនួនកំពុងតែប្រមូលផលនា ព្រឹកថ្ងៃទី០៩ ខែកុម្ភៈ ឆ្នាំ២០១៥នេះ នៅចំណុចក្បាលឡាន ស្ថិតក្នុងភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន ដែលមានការអញ្ជើញចូលរួមពីលោក អភិបាលរងស្រុកសាលាក្រៅ ជំទាប់ទី១ ឃុំស្ទឹងកាច់ ប្រធានការិយាល័យផ្សព្វផ្សាយកសិកម្ម ប្រធាន និងអនុប្រធានសហគម ន៍ ព្រមទាំងកសិករជាច្រើននាក់បានចូលរួមនៅក្នុងពិធី នោះផងដែរ ។
លោកបានដឹកនាំក្រុមការងារចុះទៅត្រួតពិនិត្យនេះ ដោយដកដំឡូងមីយកទៅថ្លឹង ដើម្បីប្រៀបធៀបពីទិន្នផល ពូជដំឡូងដែលបង្កាត់ថ្មីនេះ និងពូជដំឡូងធម្មតា ទិន្នផលខុសគ្នាប៉ុន្មានតោនក្នុង១ហិកតា ។ ក្រោយពីក្រុមការងារ ធ្វើការពិសោធន៍រួចក៏ទទួលស្គាល់ដំឡូងមីបង្កាត់ថ្មីនេះគឺពិតជាមានទិន្នផលខ្ពស់ គួរឱ្យចាប់អារម្មណ៍ គឺកើនទិន្នផលពីពូជធម្មតា ទ្វេរដង ។ ជាក់ស្តែងបន្ទាប់ ក្រុមការងារសាកល្បងដកដំឡូងមីថ្លឹងមើលក៏បានដឹងថា ចម្ការខាងលើនេះទទួលបានផលក្នុង១ហិ កតា ៥៨តោន ។
លោកប្រធានមន្ទីរក៏បានណែនាំឱ្យកសិករទាំងអស់បែរមកជ្រើសរើសពូជបង្កាត់ថ្មីដែលមាន ឈ្មោះ ៨៩នេះវិញ ព្រោះ ទី១. ធន់នឹងអាកាសធាតុ ទី២.ងាយស្រួលថែទាំ ទី៣.មើមមានទំហំធំ ហើយវែង ពិសេសពូជនេះសម្បូរម្សៅមានទម្ងន់ធ្ងន់ថែមទៀត ធ្វើឱ្យកសិករលក់បានកម្រៃសមរម្យ បើទោះជាដំឡូងធ្លាក់ថ្លៃក៏ដោយ ។ ចំពោះតម្លៃដំឡូងមីបច្ចុប្បន្ននេះកំពុងតែធ្លាក់ថ្លៃ គឺមកពីទីផ្សារ របស់ប្រទេសថៃធ្លាក់ចុះដែរ ហើយលោកនឹងអាជ្ញាធរខេត្តកំពុងតែសម្របសម្រួលនឹងរកវិធីដោះ ស្រាយបញ្ហាកសិផលរបស់កសិករនេះផងដែរ ។
ចំណែកកសិករម្នាក់ ឈ្មោះ អ៊ុក ទូច ជាម្ចាស់ចម្ការដែលកំពុងតែមានពូជដំឡូងមីបង្កាត់ថ្មី នេះ លោកបានឱ្យដឹងថា កាលពីមុនលោកដាំពូជធម្មតា ក្នុង១ហិកតា ទទួលផលបានត្រឹមតែ២៥ ទៅ៣០តោនប៉ុណ្ណោះ ។ តែបច្ចុប្បន្នគាត់ជ្រើសរើសពូជបង្កាត់ថ្មីដែលមានឈ្មោះ ៨៩នេះ គាត់អាចទទួលផលបានចាប់ពី៥៥ ទៅ៨០តោនក្នុង១ហិកតា ហើយលោកក៏បានប្រាប់ពីវិធីដាំដំឡូងមីតាមបែបលក្ខ ណៈបច្ចេកទេស ដូចជាត្រូវជ្រើសរើសពេលវេលានៃការដាំ ហើយពេលដាំត្រូវពូនរងទំហំពី១ម៉ែត្រ ទៅ ១.២ម៉ែត្រ គម្លាតពីគ្នាពីរងមួយទៅរងមួយទៀត ចន្លោះពី១ម៉ែត្រទៅ១.៣ម៉ែត្រ និងដាំពីគុម្ពមួ យទៅគុម្ពមួយ ចន្លោះ០.៨ ទៅ១ម៉ែត្រ ។
កសិករម្នាក់ទៀត ឈ្មោះ រស់ ខែមរី ភេទស្រី អាយុ៤៣ឆ្នាំ រស់នៅភូមិដីក្រហម សង្កាត់ អូរតាវ៉ៅ ក្រុងប៉ៃលិន គាត់បានឱ្យដឹងថា ការដាំដំឡូងមីនេះ គឺចំណាយអស់ប្រាក់ប្រហែ ល១២០០ដុល្លារ ក្នុង១ហិកតា លុះពេលទទួលផលក្នុង១ហិកតា បើពូជធម្មតា បាន៣០ តោន ប្រៀបធៀបនឹងតម្លៃបច្ចុប្បន្ន គឺបានត្រឹមតែរួចខ្លួន ឬខាតដើម ។ តែបើជ្រើសរើសពូ ជបង្កាត់ថ្មីនេះ គឺគាត់អាចចំណេញក្នុង១ហិកតាជាង១ពាន់ដុល្លារ ។ ដូច្នេះពូជបង្កាត់ថ្មីនេះ គាត់ទទួលស្គាល់ថា បានផលខ្ពស់គួរឱ្យចាប់អារម្មណ៍មែន ។
ចំណែកក្រុមការងារនិងកសិករ ដែលបានចូលរួមនៅក្នុងពិធីនោះ ក៏មានការភ្ញាក់ ផ្អើលនិងកោតសរសើរដល់ពូជដំឡូមីដែលបង្កាត់ថ្មី របស់ប្រទេសថៃដែលមានឈ្មោះថា៨៩នេះ ពួកគាត់នឹងនាំគ្នាបែរមករកពូជបង្កាត់ថ្មីនេះ មកដាំដើម្បីផ្លាស់ប្តូរជីវភាពរបស់ពួក គាត់ឱ្យមានភាពប្រសើរឡើង ៕