> បាត់ដំបង: ដើមស្វាយកែវល្មៀតមួយចំការដែលមានប្រមាណជាង50ដើមនៅត្រង់ចំនុចភូមិដំណាក់ហ្លួងសង្កាត់វត្តគរ ក្រុងបាត់ដំបង ត្រូវបានអណ្តាតភ្លើងឆាបឆេះកាលពីថ្ងៃទី10-2-15វេលាម៉ោង10,30នាទី
> ព្រឹក បន្ទាប់ពីមានស្ត្រីវ័យចំណាស់ម្នាក់បានប្រមូលសំរាមនៅក្នុងដីរបស់ខ្លួនដែលនៅជាប់របងគ្នាហើយដុត ក៏ត្រូវបានកំទេចផ្កាភ្លើងហោះបុើងតាមខ្យល់ឆេះរាលតែម្តង ។
> អ៊ុំស្រី គី ហឿង អាយុ66ឆ្នាំ រស់នៅក្បែចំនុចកើតហេតុ និងជាអ្នកនៅមើលថែទាំដីចំការ
> អោយកូន ចៅរបស់គាត់បានរៀបរាប់ថា នៅមុនពេលកើតហេតុដោយសារតែនៅជុំវិញមាត់ស្រះទឹក របស់គាត់មានស្មៅ និងសំរាមច្រើនពេកគាត់ក៏បានធ្វើការជំរះនិងបោសសំអាតរួចក៏បានដុតចោលនៅពេលនោះគាត់បានឃើញច្បាស់នឹងភ្នែកគឺមានកំទេចភ្លើងមួយដុំបានបុើងតាមខ្យល់ឆ្លងរបងចូលទៅលើដីរបស់លោក ម៉ាច គឹមឆាយ ដែលអតីតជាប្រធានភូមិបាលក្រុង ។ ឃើញសភាពមិនស្រួលគាត់ក៏បានរត់ទៅយកធុងទឹកមកជះដើម្បីពន្លត់ប៉ុន្តែដោយសារតែអំណាចនៃកំលាំងខ្យល់បានធ្វើអោយអណ្តាតភ្លើងចាប់ផ្តើមឆាបឆេះកាន់តែខ្លាំង ហើយរាលដាលយ៉ាងឆាប់រហ័ស គាត់ក៏បានទូរស័ព្ទទៅប្រាប់កូនដើម្បីមកជួយអន្តរាគមន៍ ជាសំនាងល្អដែលការវាយពន្លត់បានទាន់ពេលវេលាខណ:ដែល
> ភ្លើងនេះបំរុងនឹងរាលឆ្លងចូលទៅក្នុងដីលំនៅដ្ឋានរបស់ប្រជាពលរដ្ឋមួយកន្លែងទៀតហើយ ។ដោយសារតែផ្សែងភ្លើងនៅតែហុយតិចៗនិងដោយការមិនទុចចិត្តផងនោះភាគីបង្ក
> បានទូរស័ព្ទហៅអោយក្រុមបង្ការ ពន្លត់អគ្គីភ័យនៃស្នងការដ្ឋាននគរបាលខេត្តអោយចុះទៅជួយ អន្តរាគមន៍ដោយធ្វើការបាញ់ទឹកពង្រាយទៅតាមព្រំដីដើម្បីទប់ស្កាត់ការរាលដាលនៃអណ្តាតភ្លើង។ បើតាមការសន្និដ្ឋានរបស់មជ្ឈដ្ឋានមួយចំនួនដែលបានទៅឈរមើលហេតុការនេះបាននិយាយថា ក្នុងចំណោមដើមស្វាយកែវរមៀតប្រមាណជាង50ដើមនេះគឺភាគច្រើន
ត្រូវបានអណ្តាតភ្លើងរោលស្លឹក និងឆេះខ្លោចគល់អស់ដូច្នេះស្វាយមួយចំនួននេះប្រហែលជាមិនអាចរស់បានឡើយជួនពេលដែលស្វាយកំពុងចេញផ្កាបំរុងអោយផលទៅហើយនោះបើជនបង្កត្រូវសងគេក៏អស់មិនតិចដែរគឺក្នុងមួយដើម200ដុល្លារប្រហែលជាគេមិនទាន់មើលលុយទេមើលទៅ ដូច្នេះក្នុងរដូវប្រាំងបែបនេះប្រជាពលរដ្ឋត្រូវបង្កើននូវការប្រុងប្រយ័ត្នចំពោះការដុតសំរាមពាសវាលពាសកាលដោយពុំបានឈរឃ្លាំមើលអោយបានម៉ត់ចត់ទេនោះគឺវាអាចបង្កនូវអគ្គីភ័យកើតឡើងបានយ៉ាងឆាប់រហ័ស ៕
