កំពង់ឆ្នាំង៖មហោស្រពសិល្បៈយុវជនខេត្តកំពង់ឆ្នាំង ក្រោមប្រធានបទ«យុវជនដើម្បីវប្បធម៌ជាតិ»ក្នុងគោលបំណងផ្តល់ឱកាស់ដល់យុវជនខ្មែរ ទទួលបានការអប់រំបណ្តុះបណ្តាលអំពីការសម្តែងសិល្បៈអោយបានត្រឹមត្រូវ តាមក្បូនខ្នាតនៃលក្ខណៈវប្បធម៌ជាតិ ស្របពេលលំហូរវប្បធម៌សាកលភាវូបនីយកម្មបរទេសកំពុងជ្រៀ តចូល។មហោស្រពនេះបានធ្វើឡើងនៅក្នុងសាលប្រជុំមន្ទីរនយោបាយខេត្តនៅព្រឹកថ្ងៃទី១០ ខែកុម្ភៈ ឆ្នាំ២០ ១៥ រៀបចំដោយមន្ទីរវប្បធម៌និងវិចិត្រសិល្បៈខេត្ត ដោយមានការចូលរួមរបស់ ឯកឧត្តម អ៊ុក សុជាតិ រដ្ឋលេ ខាធិការក្រសួងវប្បធម៌និងវិចិត្រសិល្បៈ និងមន្ត្រីរាជការជុំវិញខេត្តនិងសិស្សវិទ្យាល័យជាច្រើនរូបទៀត។
លោក អ៊ុន សំអុល អភិបាលរងខេត្តកំពង់ឆ្នាំងដែលបានចូលរួមក្នុងមហោស្រពសិល្បៈយុវជននេះ បានថ្លែងអោយដឹងថា៖ការប្រារពមហោស្រពសិល្បៈយុវជនក្នុងថ្ងៃនេះ គឺក្នុងគោលបំណង និងទិសដៅផិតល់ឱកាស់លើកទឹកចិត្តដល់យុវជនខ្មែរនីក្នុងប្រពន្ធ័សិក្សា និងក្រៅប្រពន្ធ័ អោយទទួលបាននូវការអប់រំបណ្តុះបណ្តាលអំពីការសម្តែងសិល្បៈ អោយបានត្រឹមត្រូវតាមក្បួនខ្នាតនៃលក្ខណៈជាតិ និងលើកស្ទួយថែរក្សា វប្បធម៌ជាតិ អោយស្ថិតស្ថេរគង់វង្ស នៅក្នុងកាលៈទេសៈ វប្បធម៌ជាតិ កំពុងប្រឈមនិងនៃការហូរចូលវប្បធម៌សាកលភាវូបនីយកម្ម ពីបរទេសបច្ចុប្បន្ននេះ។
តាមរយៈមហោស្រព នេះចង់អោយយុវជនខ្មែរមានការពិចារណានិងមានគំនិតច្នៃប្រឌិត ចំពោះសាលកភាវូបនីយកម្មពេលនេះ ដើម្បីអោយយុវជនចូលរួមអភិរក្សនិងអភិវឌ្ឍន៍វប្បធម៌ជាតិ និងបង្ហាញអោយឃើញផងដែរនូវការអនុវត្តន៍គោលដៅថ្មី «កម្ពុជាព្រះរាជាណាចក្រនៃវប្បធម៌» ដែលជាចលករជួយជំរុញបន្ថែមការប្រើប្រា ស់សក្តានុពលវប្បធម៌ខ្មែរ ដើម្បីអភិវឌ្ឍន៍សេដ្ឋកិច្ចជាតិ។
នៅក្នុងមហោស្រពនេះដែរយុវជនវិទ្យាល័យព្រះបាទសុរាម្រឹត និងវិទ្យាល័យក្រុងកំពង់ឆ្នាំងបានសម្តែងរបាំ តំណាងអោយការប្រមុខរបរធ្វើស្រែចំការ ស្នូនឆ្នាំង ធ្វើកញ្ជើល្អី របស់អ្នកខេត្តកំពង់ឆ្នាំង និងល្ខោននិយាយខ្លី អប់រំដល់សិស្ស អោយលះបង់ការដើរលេងពាលាអាវាសែ ត្រូវខិតខំរៀនសូតដើម្បីអនាគតរបស់ខ្លួនដែលជាសសរទ្រូងរបស់ជាតិនិងជាទំពាំងស្នងឬស្សី ដែលធ្វើអោយអ្នកចូលរួមមហោស្រពពេញចិត្តគ្រប៉ៗគ្នា។
លោក សុខ ធួក ប្រធានមន្ទីរវប្បធម៌និងវិចិត្រសិល្បៈខេត្តបានអោយដឹងដែរថា៖របាំ និងល្ខោននិយាយអប់រំខាងលើនេះ និងត្រូវអប់រំហ្វឹកហាត់បន្ថែម ដោយលោកគ្រូ អ្នកគ្រូសិល្បៈនៃមន្ទីរវប្បធម៌និងវិចិត្រសិល្បៈខេត្ត ដើម្បីត្រៀមយកទៅប្រឡងនៅថ្នាក់ជាតិក្នុងពេលខាងមុខ។លោកបានអោយដឹងទៀតថា៖ក្នុងឆ្នាំ២០១៤កន្លងមក ក្រុមសិល្បៈអាយ៉ៃរឿងរបស់ខេត្តកំពង់ឆ្នាំងបានទទួលជ័យលាភីឆ្នើម ក្នុងការប្រកួតសិល្បៈមហាជននៅថ្នាក់ភូមិភាគ។ដោយឡែកសិល្បៈការិនីម្នាក់ផ្នែកស្មូតកំណាព្យ ក៏ទទួលបានជ័យលាភីលេខ១ទូទាំប្រទេសពេលប្រឡងមហោស្រពថ្នាក់ជាតិ នៅកោះពេជ្រ។
ឯកឧត្តម អ៊ុក សុជាតិ រដ្ឋលេខាធិការក្រសួងវប្បធម៌និងវិចិត្រសិល្បៈ បានមានមតិសំណេះសំណាលនិងផ្តាំផ្ញើថា៖ ឯកឧត្តម សូមកោតសរសើរដោយស្មោះចំពោះការរាំរបាំជូនពរ ការសម្តែងរបាំទាក់ទងនិងជីវភាពរស់នៅរបស់អ្នកខេត្តកំពង់ឆ្នាំង និងការសម្តែងល្ខោននិយាយអប់រំ របស់ក្មួយៗសិស្សវិទ្យាល័យទាំង២។ការសម្តែងនិងរាំរបាំនេះពិតជាគួរអោយទាក់ទាញណាស់ ទោះបីមានការខ្វះខាតតិចតួចត្រូកែលំអរក៏ដោយ តែអាចទទួលយកបាន។ឯកឧត្តមសូមអោយមន្ទីរវប្បធម៌និងវិចិត្រសិល្បៈខេត្តខិតខំបន្ថែមទៀតក្នុងការជួយហ្វឹកហាត់រៀនសូត្រដល់ក្មួយសិស្សវិទ្យាល័យទាំង២ អោយក្លាយជាអ្នកសិល្បៈ និងអ្នជាកសម្តែងដ៏ល្អទៅអនាគត។ទន្ទឹមនេះដែលមន្ទីរ ត្រូវខិតខំស្រាវជ្រាវរៀបចំជួសជុលរមណីយដ្ឋានវប្បធម៌ប្រវត្តិសាស្ត្រទាំងឡាយនៅក្នុងខេត្ត និងបណ្តាស្នាដៃឆ្នៃប្រឌិតវត្ថុប្រើប្រាស់នានា ដែលតំណាងអោយមរតកវប្បធម៌ជាតិ របស់ប្រជាពលរដ្ឋខេត្តកំពង់ឆ្នាំងអោយយមានគុណភាព និងសោភ័ណភាព ដើម្បីប្រកួតប្រជែងក្នុងទីផ្សារលើកស្ទួយជីវភាពប្រជាពលរដ្ឋ៕