កំពង់ធំ=មន្ដ្រីគយសាខាខេត្តកំពង់ធំបានយកទីតាំងសាលារៀនបឋមសិក្សាព្រះនាង ស្ថិតនៅក្នុងភូមិកំពង់ចិនត្បូង ឃុំកំពង់ចិនត្បូង និងសាលាវិទ្យាល័យ រស្មីសោភ័ណ ស្ថិតនៅក្នុងភូមិសាមក្អោង ឃុំទ្រា ស្រុកស្ទោង ខេត្តកំពង់ធំ ធ្វើជាទីតាំង សំរាប់ចាប់ម៉ូតូអត់ពន្ធបានចំនួន ៤១
គ្រឿង ក្នុងនោះមានម៉ូតូប្រជាពលរដ្ន និងម៉ួតូសិស្សសាលា ការចុះចាប់នេះបានធ្វើឡើងនៅព្រឹកថ្ងៃទី ១១ ខែកុម្ភះ ឆ្នាំ២០១៥។
បើតាមសំដីលោក សុត វិច្ចិការ នាយយកវិទ្យាល័យ រស្មីសោភ័ណ បានអោយដឹងថា កំលាំងសមត្ថកិច្ចចូលរួមក្នុងការចុះចាប់នេះមាន កងរាជអាវុធហត្ថ នគរបាល និងមន្ដ្រីគយ ទៅពីខេត្តពុំមានកំលាំងខាងស្រុកស្ទោងនោះទេ ហើយបានយកទីតាំង ខ្លោងទ្វាទី២នៃសាលារៀននេះធ្វើជាទីតាំងចាប់ លុះក្រោយមកលោកបានសំណូមពរអោយដក់កំលាំងមកដាក់នៅតាមផ្លូវក្រៅសាលាវិញ ទទឹងនិងនោះយើងបានឃើញម៉ូតូជាច្រើនគ្រឿងតាម៉ូតច្រើនម៉ាក តាមសេរី សរុប ៤១គ្រឿង។
បើតាមប្រភពពត័មានពីរប្រជាពលរដ្ន បានរិះគន់ ខ្លាំងៗចំពោះមន្ដ្រីគយដែលបានអនុវត្តន៍មិនប្រក្រតី ដោយចាប់តែម៉ូតូប្រជាពលរដ្នក្រីក្រ សិស្សសាលា តែបើម៉ូតូក្នុងហាង សុទ្ធតែអត់ពន្ធពុំដែលឃើញចាប់បានមួយនោះទេករណីនេះហើយដែលធ្វើ អោយប្រជាពលរដ្នមានការយល់ច្រលំ ថ្នាំងថ្នាក់ជាមួយរាជរដ្នាភិបាលដោយពុំបានដឹងថាមន្ដ្រីថ្នាក់ក្រោមអនុវត្តន៍ច្បាប់ ខុសប្រក្រតីបែបនេះទេ ក្នុងនោះដែរគេតែងឃើញមន្ដ្រីគយតែងតែអោយរថយន្ដផ្សេងៗដែលដឹកទំនិញសំពេងសំពងចូលបង់លុយជាហូរហែរដោយពុំមានការឆែកឆេរ ពិនិត្យទំនិញ អត់ច្បាប់ ឬមានច្បាប់ ខូចគុណភាព ឬមិនខូចគុណ ភាពនោះទេ នេះជាដើមហេតុធ្វើអោយ សុខភាពប្រជាពលរដ្នទូទៅ ជួបនិងជំងឺជាច្រើន នាពេលបច្ចុប្បន្ននេះ។
លោក សារឹម សារ៉ាន អនុប្រធាន សាខាគយនិងរដ្ឋករខេត្តកំពង់ធំ បានអោយដឹងថា យើងបានដាក់កំលាំងតែមួយថ្ងៃក្នុងការចុះចាប់នេះមាន៣ទីតាំងនៅក្នុងស្រុកស្ទោងនេះ ដោយមានការសហការ ជាមួយអាជ្ញាធ័រ ស្រុក និងខេត្ត ក្នុងការចាប់នេះ យើងត្រូវធ្វើតាមច្បាប់ គឺអោយម្ចាស់ម៉ូតូចូលមក បង់ពន្ធ និងធ្វើការផាកពិន័យបន្ថែម ទៅតាមសេរីម៉ូតូក្នុងនោះយើងក៏ពិនិត្យមើលលទ្ធភាពរបស់ប្រជាពលរដ្នក្នុងការផាក់ពិន័យផងដែរ ទទឹមនិងនោះយើងនិងធ្វើការចាប់បន្ដទៀត ដើម្បីយកថវិការទាំងនោះបង់ជូនរដ្ន ជៀសវាងការបាត់បង់ចំណូលរបស់រដ្ន ហើយការដែលចុះចាប់នេះពុំបានរាយការណ៍ជូនថ្នាក់លើអោយបានដឹងនោះទេព្រោះក្លាចបែកការ ចាប់មិនបានច្រើន។
លោក សុក គឹម ហេន ប្រធាន សាខាគយ កំពង់ធំ ព្រះវិហារ បានប្រតិកម្មយ៉ាងខ្លាំងទៅនិងការចោតប្រកាន់ របស់ប្រជាពលរដ្នដែលថាធ្វើបានតែចំពោះពលរដ្នក្រីក្រ តែចំពោះហាងលក់ម៉ូតូអត់ពន្ធធំៗពុំដែលហ៊ានធ្វើម្ដងណាទេព្រោះកាលដែលធ្វើកន្លងមកតែងតែមានគេចូលមកអន្ដរគម ក្នុងនោះដែរ លោកបានបញ្ចេញសំដីថា បើចង់ដក់រូបគាត់ចេញពីខេត្តកំពង់ធំក៏ដក់ ទៅបើដក់បានគាត់ជប់លៀង ១០០តុ ដែលខេត្តកំពង់ធំពុំធ្លាប់មាន សំដីទាំងនេះបានធ្វើអោយ ធ្វើអោយមានការចាប់អារម្មណ៍យ៉ាងខ្លាំងចំពោះអភិបាលខេត្តកំពង់ធំ ព្រមទាំងប្រព័ន្ធតុលាការ និងអ្នកកយកពត័មាន។
លោក អ៊ិត សុធា ព្រះរាជអាជ្ញាអមសាលាដំបូងខេត្តកំពងធំបានប្រាប់អោយដឹងថា មន្ដ្រីគយដែលបានចុះចាប់ម៉ូតូនេះពុំបានជូនដំណឹងដល់លោកមុននោះទេហើយក៏ពុំបានសហការជាមួយព្រះរាជអាជ្ញាដែរការចុះទៅនេះគឺចុះដោយស្ងាត់ ។
ឯឧត្តមអ៊ុត សំអនអភិបាលខេត្តកំពង់ធំបានមានប្រសាសន៍ថាមន្ដ្រីគយបានសុំការសហការជាមួយសាលាខេត្តហើយៗខេត្តក៏បានអនុញាតិអោយធ្វើ តែមានការសោកស្ដាយត្រង់ថាមន្ដ្រីគយយើងធ្វើការខុសប្រក្រតី ត្រង់ថាយកសាលារៀនធ្វើជាទីតាំងចាប់ ធ្វើអោយប្រជាពលរដ្នក៏ដូចជាសិស្សសាលាមានការថ្នាំងថ្នាក់ និងភ្ញាក់ផ្អើល តែមកដល់ពេលនេះត្រូវបានផ្អាក់បណ្ដោះអាសន្ន ដើម្បីរកវិធីសាស្ដ្រណាដែលល្អ គ្មានការផ្ញាក់ផ្អើល និងមានប្រសិទ្ធភាព ៕ប៊ុនរិទ្ធី
