កំពង់ឆ្នាំង៖រឿងដីធ្លីមួយបានផ្ទុះឡើងដោយនៅក្នុងមន្ទីរសុរិយោដីខេត្តកាលពីម៉ោង២រសៀលថ្ងៃទី១១ ខែកុម្ភៈ ឆ្នាំ២០១៥ មានប្រជាពលរដ្ឋមកពីភូមិដំណាក់ខ្លុង ឃុំក្រាំងស្គារ ស្រុកទឹកផុស ចំនួន១៩នាក់បានកាន់សាលាកប័ត្រព័ត៌មានដីធ្លីចំនួន១៩ក្បាលដីរបស់ពួកគាត់ មកសុំ
ផ្ទៀងផ្ទាត់ជាមួយគល់បញ្ជីរបស់សុរិយោដីខេត្ត ក្រោយពីពួកគាត់បានដឹងថា មានជនខិលខូចមានសាលាកប័ត្រដីធ្លីក្លែងក្លាយស្រដៀងគាត់ជាន់លេខប័ណ្ណដូចគ្នា ដែលចេញដោយមន្ត្រីសុរិយោដីខេត្ត យកទៅលក់អោយក្រុមហ៊ុនទិញដីមួយឈ្មោះអង្គរឥន្ធូ។
លោក ឈឹម ម៉ុល និងលោក គុណ សុផល ជាប្រជាពលរដ្ឋរស់នៅក្នុងភូមិដំណាក់ខ្លុង ក្នុងចំណោមប្រ ជាពលរដ្ឋ១៩នាក់ខាងលើ បាននិយាយអោយដឹងថា៖ពួកគាត់មានសាលាប័ត្រដីធ្លីត្រឹមត្រូវ ចេញដោយក្រុមនិសិត្សនិងមន្ត្រីសុរិយោដីឈ្មោះ កុយ សារ៉ន និង គង់ សំអ៊ីម ដែលនៅក្នុងសាលាប័ត្រដីធ្លីពួកគាត់ មានលេខក្បាលដីនិងឈ្មោះអ្នកជាប់ព្រុំដីគ្នាច្បាស់លាស់និងក្នុងពេលវាស់វែងដីទាំងនេះកន្លងមក ពួកគាត់បានចុះទៅច ង្អុលដីធ្លីរបស់ពួកគាត់ដោយផ្ទាល់ជាមួយក្រុមការងារ។ដោយឡែកសាលាប័ត្រដីធ្លីក្លែងក្លាយវិញនោះ ព្រុំប្រទ ល់ក្បាលដីជាប់គ្នាមានតែលេខក្បាលដីពុំមានឈ្មោះម្ចាស់ដីឡើយ និងមានចំណុចសង្ស័យមួយចំនួនទៀត។ លោក ចិន សាវន ជាអនុប្រធានភូមិដំណាក់ខ្លុងដែលបានមកជាមួយ
ប្រជាពលរដ្ឋទាំង១៩នាក់ខាងលើនេះ បាននិយាយអោយដឹងថា៖ដីធ្លីចំនួន២២៤ក្បាលដីរបស់ប្រជាពលរដ្ឋភូមិដំណាក់ខ្លុងត្រូវបានក្រុមនិសិត្សនិងមន្ត្រីជំនាញសុរិយោដីបានវាស់វែង និងចេញសាលាប័ត្រព័ត៌មានអោយរួចហើយតាំងពីឆ្នាំ២០១៣ មកដល់ពេលនេះមិនទាន់ចេញប្លង់កម្មសិទ្ធអោយទេ ព្រោះកន្លងមកលោកនាយខណ្ឌ័រដ្ឋបាលព្រៃឈើកំពង់ឆ្នាំងប្តឹងជំទាស់ថាដីទាំងនោះជាគំរបដីព្រៃរបស់រដ្ឋ។ប៉ុន្តែឥឡូវនេះបែបជាមានអ្នកចេញបណ្ណ័ជាន់គ្នាអោយអ្នកផ្សេងកាន់យកទៅលក់អោយក្រុមហ៊ុនទិញដីទៅវិញ ដែលរឿងនេះពួកគាត់សុំអោយសមត្ថកិច្ចស្រាវជ្រាវរកមុខមាត់ជនខិលខូចនិងបក្ខពួកអោយឃើញយកមកផ្តន្ទាទោសតាមផ្លូវច្បាប់។ នៅរសៀលថ្ងៃទី១១ ខែកុម្ភៈ ឆ្នាំ២០១៥ តំណាងប្រជាពលរដ្ឋ៥នាក់ក្នុង១៩នាក់បានធ្វើលិខិតដាក់ជូនលោកប្រធានមន្ទីររៀបចំដែនដី នគររូបនីយកម្ម សំណង់និងសុរិយោដីខេត្តកំពង់ឆ្នាំង ស្នើសុំផ្ទៀងផ្ទាត់និងបញ្ចាក់ភាពត្រឹមត្រូវលើសាលាប័ត្រដីធ្លីពួកគាត់ និងសាលាប័ត្រដីធ្លីមួយទៀតស្រដៀងគ្នាចេញជាន់លើលេខក្បាលដីពួកគាត់ តើមួយណាត្រឹមត្រូវ
មួយណាក្លែងក្លាយ។ប៉ុន្តែលទ្ធផលដែលទទួលបានមកវិញ គឺប្រធានមន្ទីរអត់នៅ
ទៅទស្សនៈកិច្ចការងារនៅប្រទេសវៀតណាម ចំណែកលោកអនុប្រធានមន្ទីរផ្ទេរសិទ្ធពីប្រធានជាប់ស្និបាតនៅខេត្ត ហើយលោកក៏គ្មានសិទ្ធដោះស្រាយរឿងដ៏ធំនេះទេ ទុកសិទ្ធជូនលោកប្រធានមន្ទីរដោះស្រាយចុះ។ ប្រជាពលរដ្ឋអោយដឹងទៀតថា៖សាលាប័ត្រក្លែងក្លាយដែលចេញដូចនេះមានច្រើនទៀត ដែលអ្នកកាន់សាលាប័ត្រនេះមួយចំនួនបានយកទៅលក់អោយក្រុមហ៊ុនទិញដីរួចហើយ និងទទួលបានប្រាក់កក់ថ្លៃដីពីក្រុមហ៊ុនបាន៧០%ទៅហើយ ដែលតម្លៃដីនៅតំបន់នោះថ្លៃពី៧០០ទៅ១០០០ដុល្លាក្នុងមួយហិកតា។
តំណាងក្រុមហ៊ុនទិញដីម្នាក់ដែលមកចូលរួមជាមួយប្រជាពលរដ្ឋជាម្ចាស់ដី ក្នុងការសុំផ្ទៀងផ្ទាល់គល់បញ្ជីសុរិយោដីខេត្តបាននិយាយអោយដឹងថា៖ក្រុមហ៊ុនគាត់គឺជាជនរងគ្រោះនិងជាជនទី៣ដែលបានទិញដីធ្លីពីជនទី២ គាត់ក៏ចង់បានការទិញដីធ្លីទាំងនេះដោយស្របច្បាប់ដែរ។ប៉ុន្តែពេលនេះមិនទាន់ដឹងថា អ្នកណាជាម្ចាស់ដីធ្លីពិតប្រាកដនោះឡើយ ទាល់តែមន្ទីរសុរិយោដីខេត្តធ្វើការផ្ទៀងផ្ទាត់និងធ្វើការជូនដំណឹងជាផ្លូវការមកវិញសិនទើបដឹងច្បាស់។ចំណែកគាត់តំណាងក្រុមហ៊ុនទិញដីអស់រាប់ម៉ឺនដុល្លាទៅហើយ ក៏មិនលើកលែងអោយអ្នកដែលយកសាលាប័ត្រដីធ្លីក្លែងក្លាយមកលក់អោយគាត់ដែរ៕ កំពង់ឆ្នាំង,ថ្ងៃទី១២.០២.១៥ (
