ខេត្តប៉ៃលិន ៖ យុវជនម្នាក់បានស្លាប់នៅនឹងកន្លែង បន្ទាប់ពីដោះប្តូរកង់រថយន្តច្នៃខ្វះបច្ចេ ក ទេស ហើយត្រូវរថយន្តនោះផ្អៀងក្រឡាប់សង្កត់ចំក្បាលខ្ទប់ទៅនឹងដី ត្រូវបានអ្នកជិតខាងឃើញក៏នាំ គ្នាគាស់រថយន្តដើម្បីជួយសង្គ្រោះដែរ តែយុវជននោះត្រូវបានទៅហើយ
ហេតុការណ៍នេះបានកើតឡើងនៅវេលាម៉ោង១និង៤០នាទីថ្ងៃទី១០ ខែកុម្ភៈ កន្លងទៅ នៅចំ ណុចខាងក្រោយផ្សារប៉ាងរលឹម សង្កាត់អូរតាវ៉ៅ ក្រុងប៉ៃលិន ។
ប្រភពព័ត៌មានពីសាក្សីឃើញហេតុការណ៍បានឱ្យដឹងថា ជនរងគ្រោះ ឈ្មោះ ហេង សៀងហួរ ភេទប្រុស អាយុ២៣ឆ្នាំ ស្នាក់នៅភូមិកើតហេតុខាងលើ មានស្រុកកំណើតរស់នៅខេត្តព្រៃវែង ជាអ្នកបើកបររថយន្តច្នៃដឹកមើមដំឡូងឱ្យថៅកែម្នាក់ ឈ្មោះ យាយនិច ។ សាក្សីបានបន្តទៀតថា មុនពេល កើតហេតុ ជនរងគ្រោះបានទៅមើលរថយន្តច្នៃ ស្រាប់ឃើញកង់ក្រោយផ្នែកខាងឆ្វេងបែក ក៏យកស ម្ភារៈដើម្បីមកប្តូរកង់ កំពុងតែដូយ ហើបកង់កង់១ចំហៀង ។ រំពេចក៏ឃើញជនរងគ្រោះរូបនេះលើកទូ រស័ព្ទនិយាយនៅក្បែររថយន្តនោះ បន្ទាប់មកក៏ឃើញរថយន្តនោះផ្អៀងក្រឡាប់ជនរងគ្រោះខ្ទប់ទៅនឹង ដី អ្នកជិតខាងក៏បាននាំគ្នាមកជួយគាស់ទាញចេញដែរ ក៏ប៉ុន្តែដោយសាររបួសធ្ងន់ធ្ងរពេក បណ្តាល ឱ្យស្លាប់បាត់បង់ជីវិតគួរឱ្យអាណោចអាធ័មតែម្តង ។
បន្ទាប់មកសាច់ញាតិក៏បានយកទៅកប់នៅខាងក្រោយភូមិ ខាងលើបានមួយយប់ ដោយសាច់ញាតិនៅឯស្រុកមិនអស់ចិត្តដែលមិនបានធ្វើបុណ្យក៏នាំគ្នាគាស់សព ជួលរថយន្តដឹកពីខេត្តប៉ៃលិនទៅធ្វើបុណ្យនៅឯស្រុកកំណើត តាមប្រពៃណី នាថ្ងៃទី១១ខែកុម្ភៈនេះ ៕