ខេត្ដសៀមរាប៖កម្លាំងនគរបាលប្រឆាំងការជូញដូរគ្រឿងញៀន សហការជាមួយនគរបាលអន្ដរាគមន៍ នៃស្នងការដ្ឋានខេត្ដសៀមរាប បានធ្វើការតាមដាននិងឆ្មក់ឃាត់ខ្លួន បុរសជនជាតិអង់គ្លេសម្នាក់ និងបុរសជនជាតិអាលឺម៉ង់ម្នាក់ បញ្ជូនទៅតុលាការ ខណៈពួកគេកំពុងធ្វើសកម្មភាពជក់នឹងជួញដូរគ្រឿងញៀននៅម្ដុំផ្សាររាត្រី យ៉ាងអនាធិបតេយ្យ។
ហតុការណ៍ឃាត់ខ្លួនជនសង្ស័យទាំងពីរនាក់នេះ ធ្វើឡើងនៅវេលាម៉ោង ១០យប់ ថ្ងៃទី១០ខែកុម្ភៈ ឆ្នាំ២០១៥ នៅក្នុងភោជនីយដ្ឋាន យីហោ(អង្គរវត្ដបារ)ស្ថិតក្នុងភូមិ មណ្ឌល១សង្កាត់ស្វាយដង្គុំក្រុងសៀមរាប។
លោក វរសេនីយ៍ទោ អ៊ុំ សាអាត នាយការិយាល័យប្រឆាំងការជួញដូរគ្រឿងញៀននៃស្នងការដ្ឋានខេត្ដសៀមរាប បានឲ្យដឹងនៅថ្ងៃទី១២នេះថា ជនសង្ស័យទាំងពីរនាក់ ត្រូវបានសមត្ថកិច្ចបញ្ជូនមកតុលាការ ដើម្បីចាត់ការបន្ដក្នុងករណី ជក់និងជូញដូរគ្រឿងញៀន ។ លោកបន្ដថា ជនសង្ស័យទី១មានឈ្មោះDANIEL HALLER ភេទប្រុស អាយុ៣០ឆ្នាំ ជនជាតិអាលឺម៉ង់ កាន់លិខិតឆ្លងដែន C9TNW6 RT2 ផុតកំណត់13-02-15 ស្នាក់ផ្ទះសំណាក់អង្គរវ័នឌឺ ភូមិវិហារចិន ក្នុងសង្កាត់ស្វាយដង្គុំ ក្រុងសៀមរាប ចូលតាមច្រកប៉ោយប៉ែត។ទី២ឈ្មោះ ROBINSON SCOTភេទប្រុស អាយុ២២ឆ្នាំ ជនជាតិអង់គ្លេស កាន់លិខិតឆ្លងដែនលេខ 210 737571
ស្នាក់នៅជាមួយគ្នា។លោកបន្ថែមថា វត្ថុតាងដែលសមត្ថកិច្ចដកហូតបានរួមមានកញ្ឆាក្រៀមចំនួនពីរថង់កន្លះស្មើនឹង១៧,៤ក្រាម ម្សៅពណ៌សមួយកញ្ចប់តូច ចានថ្មមួយ ម៉ាស៊ីនថតរូបមួយគ្រឿង ។ បច្ចុប្បន្នជនសង្ស័យទាំងពីរនាក់ ត្រូវបានសមត្ថកិច្ចបញ្ជូនមកតុលាការដើម្បីចាត់ការបន្ដតាមផ្លូវច្បាប់៕