ភ្នំពេញ:បុកពេញទំហឹង បណ្តាលឲ្យរងរបួសទាំង៣នាក់ នៅចំណុចមុខវត្ត ជុំពូវ័ន្ត តាមបណ្តោយផ្លូវជាតិលេខ៤ ស្ថិតក្នុងសង្កាត់ចោមចៅ បុរសម្នាក់ជិះម៉ូតូម៉ាកវីវ៉ាមួយគ្រឿង ទាំងស្ថានភាពស្រវឹងស្រាជោគ និងជិះបត់មិនប្រើភ្លើងស៊ីញ៉ូក៏ត្រូវយុវជន២នាក់ទៀត ជិះម៉ូតូស្មាស់រ៉េវូមកពីក្រោយបុកពេញទំហឹង បណ្តាលឲ្យដូលទៅនិងថ្នល់ រងរបួស ធ្ងន់ស្រាលទាំង៣នាក់ ។ ហេតុការណ៍នេះ បានកើតឡើងកាលពីវេលាម៉ោង២២និង៣០នាទីយប់ ថ្ងៃទី១២ ខែកុម្ភៈ ឆ្នាំ២០១៥ នៅចំណុចមុខវត្ត ជុំពូវ័ន្ត តាមបណ្តោយផ្លូវជាតិលេខ៤ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់ ជិះម៉ូតូមូយគ្រឿង ម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1BY-4290 ទាំងស្ថានភាពស្រវឹងស្រាជោគជាំ បានធ្វើដំណើរតាមបណ្តោយផ្លូវជាតិលេខ៤ ក្នុងទិសដៅពីលិចទៅកើត ខណៈមកដល់ចំណុចកើតហេតុស្រាប់តែទាញចង្កូតបត់ឆ្វេង ដោយមិនប្រើភ្លើងស៊ីញ៉ូ ភ្លាមនោះស្រាប់តែមានយុវជន២នាក់ ជិះម៉ូតូម៉ាក ស្មាស់រ៉េវូ ពណ៌ខ្មៅ ពាក់ស្លាកលេខ ភ្នំពេញ 1Z-1941 ដំណើរស្របទិសគ្នា បានជ្រុលបុកចំពីក្រោយពេញទំហឹង បណ្តាលឲ្យដួលទៅនិងថ្នល់ រងបួសធ្ងន់ និង ស្រាលទាំង៣នាក់តែម្តងទៅ ។
ក្រោយពេលកើតហេតុ ភាគីទាំងសងខាង បានធ្វើការសម្របសម្រួលគ្នា ដោយខាងម្ចាស់ម៉ូតូស្មាស់រ៉េវូ ចេញថ្លៃខូចខាតចំនួន១២០ដុល្លារ ទៅខាងម្ចាស់ម៉ូតូវីវ៉ា ដើម្បីចញ្ចប់រឿងនៅកន្លែងកើតហេតុតែម្តង ព្រោះមិនចង់រំខានដល់សមត្ថកិច្ចនាំតែវែងឆ្ងាយ ៕
