កំពង់ឆ្នាំង៖របាំបន្សល់ពីបូរាណឈ្មោះ« ចាក់ចឺងលឺងៗ » របស់អ្នកស្រុកភូមិគ្រួស និងជារបាំតំ ណាងអោយប្រជាពលរដ្ឋក្នុងខេត្តកំពង់ឆ្នាំង ជាអ្នកស្មូនឆ្នាំង ធ្វើកញ្ច្រែង កញ្ជើរ ល្អី ចង្អេរ ត្រូវបានលោកគ្រូ អ្នកគ្រូ មន្ទីរវប្បធម៌និងវិចិត្រសិល្បៈខេត្តកំពង់ឆ្នាំង ជ្រើសរើសយកបង្រៀន និងហ្វឹកហាត់ដល់សិស្សវិទ្យាល័យព្រះបាទសុរាម្រឹត ដើម្បីត្រៀមយកទៅប្រឡងក្នុងមហោស្រពសិល្បៈមហាជននៅក្នុងទីក្រុងភ្នំពេញនាថ្ងៃទី២៣ ខែកុម្ភៈ ខាងមុខនេះ។
លោក សុខ ធួក ប្រធានមន្ទីរវប្បធម៌និងវិចិត្រសិល្បៈខេត្តបាននិយាយអោយដឹងនៅល្ងាច
ថ្ងៃទី១៦ ខែកុម្ភៈ ឆ្នាំ២០១៥នេះថា៖ដើម្បីអភិរក្សនិងលើកស្ទួយវប្បធម៌របស់ជាតិ សិល្បៈបូរា ណនៅតាមជមបទដែលមានអត្តសញ្ញាណជាតិ និងដើម្បីចូលរួមប្រឡងក្នុងមហោស្រពសិល្បៈមហាជននៅក្នុងទីក្រុងភ្នំពេញនាថ្ងៃទី២៣ ខែកុម្ភៈ ឆ្នាំ២០១៥ខាងមុខនេះ។កន្លងមកក្រុការងារមន្ទីរបាននាំគ្នាចុះស្រាវជ្រាវនិងសាកសួរចាស់ៗព្រឹទ្ធាចារ្យនៅតាមមូលដ្ឋានក្នុងខេត្ត និងបានជ្រើសរើសយកល្បែងប្រជាប្រិយមួយឈ្មោះថា « ចាក់ចឺងលឺងៗ » របស់អ្នកស្រុកភូមិគ្រួស ឃុំរលាប្អៀរ ស្រុករលាប្អៀរ តាំងពីបូរាណមក កែឆ្នៃទៅជារបាំប្រពៃណីវិញ ដែលជារបាំតំណាងអោយប្រជាពលរដ្ឋខេត្តកំពង់ឆ្នាំង ជាអ្នកស្មូនឆ្នាំង ធ្វើកញ្ច្រែ ង កញ្ជើរ ល្អី ចង្អេរ ។ល។
មកបង្ហាត់បង្រៀនសិស្សវិទ្យាល័យព្រះបាទសុរាម្រឹត ដើម្បីត្រៀមចូលរួមប្រឡង។
លោកស្រី ប្រាក់ សាកន អនុប្រធាបមន្ទីរ និងលោកគ្រូ អ្នកគ្រូ សិល្បៈនៃមន្ទីរវប្បធម៌ខេត្ត
ដែលកំពុងហ្វឹកហាត់សិស្ស ច្រៀងនិងរាំរបាំ ចាក់ចឺងលឺងៗ បាននិយាយអោយដឹងថា៖ក្រុមរបាំ
នេះបូកទាំងអ្នករាំ អ្នកច្រៀង និងអ្នកលេងភ្លេងសរុមានគ្នា១៨នាក់ និងបានធ្វើការហ្វឹកហាត់ច្រៀងរាំជិត២ខែមកហើយ ដែលក្នុងមួយសប្តាហ៍ហាត់បាន២ពេល និងក្នុង១ពេលៗហាត់បានតែ២ម៉ោងប៉ុណ្ណោះ មកដល់ពេលនេះសិស្សចេះចាំបានប្រមាណ៩០%ហើយ។
លោក ឡាច ឈុនលី ជាគ្រូសិល្បៈបានរៀនរាប់អោយដឹងថា៖របាំប្រជាប្រិយនេះអមដោ
យចម្រៀងមួយបទ ដែលច្រៀងលំនាំបទយីកេមានរយះពេល៧នាទី រៀបរាប់អំពីកិច្ចការងាររបស់ប្រជាពលរដ្ឋខេត្តកំពង់ឆ្នាំង ខិតខំធ្វើការងារប្រចាំថ្ងៃរបស់ខ្លួន លើស្ទួយជីវភាពគ្រួសារ។
លោក សុខ ធួក បានអំពាវនាវផងដែលសិស្សានុសិស្សទាំងអស់សូមអោយយកចិត្តទុក ដាក់ហ្វឹកហាត់របាំខាងលើនេះអោយអស់សមត្ថភាព ដើម្បីលើកស្ទួយរបាំដែលជាកេរ្តិ៍មរតក
របស់ដូនតាខេត្តកំពង់ឆ្នាំង និងអភិរក្ស លើកស្ទួយសិល្បៈវប្បធម៌របស់ជាតិអោយបានគង់វង្សរហូតតទៅ។ម្យ៉ាងទៀតដើម្បីយកទៅប្រកួតជែងក្នុងមហោស្រពសិល្បៈមហាជននៅក្នុងទីក្រុងភ្នំពេញនៅថ្ងៃខាងមុខនេះអោយទទួលបានជ័យជំនៈជូនខេត្តកំពង់ឆ្នាំង៕
