កំពង់ឆ្នាំង៖ ទិវាជាតិសុខភាពមាតា ទារក និងកុមារ ថ្ងៃទី២១ ខែកុម្ភៈ ឆ្នាំ២០១៥ ត្រូវបាន ប្រារព្វឡើងនៅមណ្ឌលសុខភាពឃុំពេជ្រចង្វា ស្រុកបរិបូណ៌ ខេត្តកំពង់ឆ្នាំង ពិធីនេះបានធ្វើឡើងនៅព្រឹកថ្ងៃទី២០ ខែកុម្ភៈ ឆ្នាំ២០១៥ ដោយមានការចូលរួមពី ឯកឧត្តម អ៊ុន សំអុល ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ឆ្នាំង លោកជំទាវ កែ ច័ន្ទមុន្នី អនុប្រធានគណៈកម្មាធិការសាខាកាកបាទក្រហមកម្ពុជាខេត្ត ឯកឧត្តម សៀក គឹមលៀង អនុប្រធានគណៈកម្មាធិការសាខាកាកបាទក្រហមកម្ពុជាខេត្ត និងលោក លោកស្រី ក្នុងសា ខា
កាកបាទក្រហមកម្ពុជា និងស្ត្រីជាមាតា ទារក និងកុមារចំនួន៦០នាក់មកពីបណ្តាភូមិទាំង៦ក្នុងឃុំពេជ្រចង្វា ស្រុកបរិបូណ៌។ក្នុងឱកាសនោះឯកឧត្តម អ៊ុន សំអុល បានអានសារលិខិតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាដោយមានអត្ថន័យថា៖ការប្រារព្វទិវាជាតិសុខភាពមាតា ទារក និងកុមារ ថ្ងៃទី២១ ខែកុម្ភៈ ឆ្នាំ២០១៥ ក្នុង
គោលបំណង លើកកំពស់ការយកចិត្តទុកដាក់ចំពោះសុខភាពមាតា ទារក និងកុមារទូទាំងប្រទេស ជាកាតព្វកិច្ច និងការទទួលខុសត្រូវរបស់យើងទាំងអស់គ្នា។បទពិសោធន៍ និងភស្តុ តាងជាក់លាក់ជាច្រើនបានបង្ហាញថា ការស្លាប់របស់ស្ត្រីជាមាតាក្នុងពេលមានគភ៌ ពេលសម្រាលកូន និងក្រោ យពេលសម្រាលកូន គឺអាចទប់ស្កាត់បានប្រសិនបើស្ត្រីទទួលបាន
ចំណេះដឹង ទទួលបានការអប់រំពិនិត្យសុខ ភាពជាប្រចាំ និង ទទួលបានសេវាកម្មដែលផ្តល់ដោយឆ្មបជំនាញនៅនឹងមូលដ្ឋានសុខាភិបាលដែលមានឧបករ ណ៍សម្ភារៈបរិក្ខាពេទ្យចាំបាច់គ្រប់គ្រាន់។ការទប់ស្កាត់មិនអោយមេរោគឆ្លងមុនពេលស្ត្រីមានគភ៌ នឹងជួយដល់ ការរស់រានរបស់ស្ត្រី និងទារកផងដែរ ហើយការទទួលបាននូវសេវាពន្យាកំណើតតាមតម្រូវការ
ដើម្បីអោយស្ត្រី មានកូនតាមប្រាថ្នា ក៍អាចជួយកាត់បន្ថយការស្លាប់របស់មាតាថែមទៀត។
សំរាប់សុខភាពទារក និងកុមារ អន្តរាគមសំខាន់ៗគួរតែផ្តើមធ្វើពីមាតាចាប់មានគភ៌ ដល់កុមារអាយុបាន២ឆ្នាំ និងបន្តរហូតដល់កុមារចូលសាលារៀន។ការផ្តល់អន្តរាគមចាំបាច់ និងការបរិភោគសារធាតុចិញ្ចឹមគ្រប់ គ្រាន់ក្នុងពេលមានគភ៌ នឹងជួយទារកក្នុងផ្ទៃលូតលាស់បានល្អ ទាំងការវិវត្តន៍រីកចម្រើននៃខួរក្បាល ទាំងការរីក ចំរើនរាងកាយ។
លោកជំទាវ កែ ច័ន្ទមុន្នី អនុប្រធានកិត្តិយគណៈកម្មាធិការកាកបាទក្រហមកម្ពុជាខេត្តកំពង់ឆ្នាំងបានធ្វើ ការផ្តាំផ្ញើរតាមរយៈសារលិខិតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បន្តថា៖សូមបោះបង់ទម្លាប់ខ្មាស់អៀន ធ្វើការពិគ្រោះយោបល់ជា មួយគ្រូពេទ្យជំនាញនៅ
មណ្ឌលសុខភាពដែលនៅជិតបំផុតពេលដឹងថាចាប់មានគភ៌ និងត្រូវពិនិត្យផ្ទៃពោះ អោយបាន៤ដងមុនពេលសម្រាល។ធ្វើតេស្តឈាមដើម្បីដឹងពីស្ថានភាពសុខភាព ជាពិ សេសមេរោគអេដស៍ ដើម្បីទប់ស្កាត់ការចម្លងពីមាតាទៅទារក ចំពោះស្ត្រីរស់នៅជាមួយមេរោគអេដស៍ ដើម្បីទប់ស្កាត់ការចម្លង ពីមាតាទៅ ទារក ចំពោះស្ត្រីរស់នៅជាមួយមេរោគអេដស៍ សូមទទួល
សេវាបង្ការ ព្យាបាល ថែទាំ និងគាំទ្រនៅមណ្ឌលសុខភាព។លេបថ្នាំជាតិដែកតាមការផ្តល់ជូនដោយឆ្មបជំនាញ កុំជក់បារី ឬប្រើប្រាស់ថ្នាំជក់ កុំពិសារស្រាឬគ្រឿងស្រវឹង កុំប្រើប្រាស់ថ្នាំពេទ្យគ្មានវេជ្ជបញ្ជា ត្រូវបរិភោគអោយបាន គ្រប់គ្រាន់ ច្រើនដងក្នុង១ថ្ងៃ។ត្រូវទៅសម្រាលកូននៅមន្ទីរពេទ្យ។ត្រូវទៅសម្រាលកូននៅមន្ទីរពេទ្យ មន្ទីរពេទ្យ បង្អែក មណ្ឌលសុខភាព ដោយឆ្មបដែលបានទទួលការបណ្តុះបណ្តាលត្រឹមត្រូវ។
នៅក្នុងកម្មវិធីនេះថ្នាក់ដឹកនាំសាខាកាកបាទក្រហមកម្ពុជា បានចែកជូននូវអំណោយមួយចំនួនដល់ស្ត្រី ទាំង៦០នាក់ និងបានឧទ្ទិសខ្លឹមសារ និងអន្ថន័យទិវាសុខមាលភាព ទារក និងកុមារអោយស្ថិតនៅជាប់នឹងការប្តេជ្ញាចិត្តជាមួយនិងការខិតខំប្រឹងប្រែងទាំងអស់ ដើម្បីសុខមាលភាព ទារក និងកុមារនៅកម្ពុជា និងសូមអោយប្រទេសកម្ពុជាសម្រេចបាននូវការអភិវឌ្ឍន៍ជានិរន្តរ៍រហូតទៅ៕
