កំពង់ធំ= មន្ទីរបរិស្ថានខេត្តកំពង់ធំបានធ្វើរបាយការណ៍សង្ខេប ស្ដីពីលទ្ធផលការងារក្នុងឆ្នាំ២០១៤ ដែលមានមន្ដ្រីក្នុងក្របខ័ណ្ឌសរុប៤៦នាក់កំពុងតែបំរើការនៅតាមមន្ទីរ តាមស្រុក ក្រុង និងតាមតំបន់ស្នូលបឹងទន្លេសាប ក្នុងនោះដែរមន្ទីរបរិស្ថានខេត្តបានកសាងសមិទ្ធិផល
មួយចំនួនដូចជាជួសជុលរបងមន្ទីរប្រវែង៣៩,៣០ម៉ែត្រ ចាក់បេតុងជុំវិញទំហំ៧១៩ម៉ែត្រការ៉េ ជួសជុលរោងដាក់រថយន្ដ១ខ្នង សាងសង់អាគារការិយាល័យភ្នាក់ងារបរិស្ថាន ក្នុងក្រុងស្ទឹងសែន ១ខ្នងទំហំ៨គុណ៩ម៉ែត្រ។
ក្នុងការបង្ការទប់ស្កាត់និងបង្ក្រាបបទល្មើសធនធានធម្មជាតិដោយបានសហការគ្នារវាងមន្ដ្រីបរិស្ថាន ចុះត្រួតពិនិត្យបទល្មើសនេសាទចំនួន២១៣ករណី និងកំទេចឧបករណ៍នេសាទមង ប្រវែង២៦០៨០ម៉ែត្រ លបទុល១៥៥ ឡុក៧៥ រ៉ាវសាច់ក្រហម១២៣៥០ម សាច់បរប្រវែង ២៨៥០ម បង្គោល២២៤៤ដើម របាំងប្រួល៤០០ម លបសាច់ក្រហម១៧លប និងរឹបអូសឧបករណ៍ប្រើប្រាស់មួយចំនួនធំ និងបានស្រង់ទិន្នន័យគាំទ្រដោយ អង្គការ IUCN ចំនួន២៧៧លើកផងដែរ ក្នុងឆ្នាំ២០១៤នេះមានខ្យល់ព្យុះ២ដងនៅតំបន់ស្នូលបឹងទន្លេឆ្មាបណ្ដាលអោយត្រីងាប់ អស់៩៥តោន ការទប់ស្កាត់បទល្មើសព្រៃឈើមាន៤៨លើក រឹបអូសវត្ថុតាំង រណាយន្ដ ៦៩គ្រឿង គោយន្ដ២គ្រឿង ឈើអារ២៤៧២ម៉ែត្រគីប និងឧបករណ៍ប្រើប្រាស់ខុសច្បាប់មួយចំនួន
ធ្វើកិច្ចសន្យា ជាមួយអ្នកកាប់ចំការ៧៦នាក់ បញ្ឈប់សកម្មភាពអ្នក ដឹកឈើតាម រទេះគោយន្ដចំនួន៦១នាក់ បញ្ចូនជនល្មើសទៅតុលាការ០៤នាក់ ដោះស្រាយដីធ្លីជូនប្រជាពលរដ្នបាន២៣៤ហិចតា ដាំកូនឈើបានចំនួន៣១៦ដើម។ផ្សព្វផ្សាយច្បាប់ ស្ដីពីរតំបន់ការពារធម្មជាតិ និងបរិស្ថានជូនប្រជាពលរដ្នដែលរស់នៅក្នុងតំបន់ស្នូលទាំង២នៃបឹងទន្លេសាបនិងដែនជំរកសត្វព្រៃបាន១២១លើក មានប្រជាពលរដ្នចូលរួម២០៩១នាក់ ការបោះបង្គោលព្រំប្រទល់ ព្រៃសហគមន៍តំបន់ការពារភ្នំប្រង់ ការចែកចាយកូនឈើចំនួន១០០០០ដើម។ ឯការងារកិច្ចគាំពារបរិស្ថាន មានការរៀបចំទិវាបរិស្ថាន ជាតិ និងពិភពលោក ការពិនិត្យរោងចក្រ ម្ស៉ៅមី ការអប់រំ គ្រប់គ្រោងកាក់សំណល់រាវ រឹង ការផ្ដល់យោបល់ពីលក្ខណះបច្ចេកទេសលើគម្រោង ឃុំ សង្កាត់សម្រាប់ឆ្នាំ២០១៤ ចំនួន៤៩គម្រោងក្នុងស្រុក ទាំង០៧ ។
លោកតុប កក្ដដាប្រធានមន្ទីរបរិស្ថាន ខេត្តកំពង់ធំបានមានប្រសាសន៍ថា បន្ដការតាមដាន ឃ្លាំមើលនិងទប់ស្គាត់តំបន់ការពារធម្មជាតិ ធ្វើការវាយតំលៃផលប៉ះពាល់បរិស្ថាន បន្ដការអប់រំ ផ្សព្វផ្សាយច្បាប់ការពារតំបន់ធម្មជាតិ ច្បាប់ស្ដីពីជីវសុវត្តិភាព ស្វែងរកដៃគូរគាំទ្រកែលំអមុខរបរ ចិញ្ចឹមជីវិតរបស់ប្រជាពលរដ្ន ពង្រឹងវិស័យការងារតាមមន្ទីរ ការិយាល័យស្រុក ក្រុង តាមកំណែទម្រង់រដ្ឋបាលយុទ្ធសាស្ដ្រចតុកោណរបស់រាជរដ្ខាភិបាល៕
ប៊ុនរិទ្ធី
